பை கொண்ட உயிரினங்கள்

பெலிகான் பறவை

பெலிகான் பறவையின் கழுத்துப் பகுதியின் அடியில் பெரிய பை போன்ற அமைப்புள்ளது.  இது விரிவடையும் தன்மையுடையது.  இதனால் ஒரே நேரத்தில் ஏராளமான மீன்களைப் பிடித்து உண்ண முடியும்.

சிப்மங்க்  அணில்

இவ்வகை அணில் வட அமெரிக்காவின் கிழக்குப் பகுதியில் வசிக்கின்றது. இதன் தாடைக்குள் ஒரு பை போன்ற அமைப்பு உள்ளது.  தான் சேகரிக்கும் உணவுகளை இந்தப் பைக்குள் சேமித்துக் கொண்டு தங்களது கூட்டுக்குச் செல்ல இந்தப் பை உதவுகிறது.

டக்பில்ட் பிளேடிபஸ்  வாத்து

நீர்வாழ உயிரினமான இதன் வாய்ப்பகுதி வாத்து போன்ற அமைப்பு கொண்டது. இதற்கு தாடைப்பகுதியில் பை உள்ளது.   இது நீரில் மூழ்கி இரை தேடும்போது கிடைக்கும் இரையைப் பையில் சேகரித்துக்கொண்டு பின் நீருக்கு மேலே வந்ததும் அதை சாப்பிடும்.

கங்காரு

கங்காரு வயிற்றுப் பகுதியில் உள்ள பை கிடைமட்டமாக அமைந்துள்ளது.  கங்காரு குட்டி பிறக்கும்போது ஒரு பெரிய பீன்ஸ் விதை அளவு தான் இருக்கும்.  எனவே அதைத் தனது வயிற்றுக்குள் வைத்து கங்காரு வளர்த்து ஆளாக்குகிறது.

பண்டிக்கோட்

பண்டிகோட் எனப்படும் நீள மூக்கு கொண்ட காட்டுப் பெருச்சாளி வயிற்ரின் முன்பக்கத்தில் பை உள்ளது.  தாய் பெருச்சாளி தரையைத் தோண்டும்போது மணல் மற்றும் குப்பைகள் இந்தப் பைக்குள் விழாத அளவுக்கு அதன் அமைப்பு முன்புறம் குவிந்து உள்ளது.

கோலா கரடி மற்றும் டாஸ் மேனியன் டெவில்

இவ்விலங்குகளின் உடலில் உள்ள பையும் முன்புறம் திறப்பு கொண்டதாகவே உள்ளது

 

 

நன்றி    மேரி ரஞ்சிதம்   சிவகங்கை     மங்கையர் மலர்.

Advertisements

ஆஹா தகவல்

தர்மபுரி மாவட்டம் கம்பை நல்லூர் என்ற ஊரில் சிவசுப்பிரமணிய சுவாமி கோயில் திருவிழாவில் பெண்கள் மட்டுமே தேரின் வடம் பிடித்து இழுக்கிறார்கள்.

முதன் முதலில் நாடித்துடிப்பைக் கொண்டு  நோயின் தன்மையைக் கண்டவர் புகழ்பெற்ற மருத்துவர்   ஹிரொம்ஃபிலஸ்

திருப்பத்தூருக்கு அருகேயிருக்கும் பிரான்மலையிலுள்ள குன்றின் நடுவே பைரவர் கோயில் உள்ளது.  இங்கு நள்ளிரவுக்குப் பின் வேல் வேல் மயில் என்ற ஓசையுடன் பாதாள நடனம் ஆடும் அதிர்வு கேட்கிறது இந்த சப்தமானது சுற்றுமதிலில் நந்தியருகே ஒலிப்பதாக கூறுகின்றனர்.

சிவனுக்கு  நெற்றிக்கண்ணாக அக்னி இருப்பது போல அம்பாளுக்கும் நெற்றிக்கண் இருப்பதை அறிய முடிகிறது திருவாரூர் மாவட்டம் விளமல் என்னும் கிராமத்தில் பதஞ்சலி மனோகர சுவாமி கோயில் உள்ளது.  இங்குள்ள மதுரபாஷினி அம்மன்   குளிர்ந்த சந்திரனை நெற்றிக்கண்ணாக கொண்டிருக்கிறாள்.  பௌர்ணமி நாள்  பங்குனி உத்திரத்தன்று இந்த அம்மனை வழிபட்டால் கல்வியும் பேச்சுத் திறமையும் வளம்பெறும் என்பது மக்கள் நம்பிக்கை.

வெயிலுக்குத்தான் முதலில் குடைகள் தயாரிக்கப்பட்டன. பின்பு அவை மழைக்காகவும் பயன்படுத்தப்பட்டன.  குடை என்ற சொல்லுக்கு லத்தீன் மொழியில் கொஞ்சம் நிழல் என்று பொருள்.

அமெரிக்க விஞ்ஞானி இப்படி கூறுகிறார்.  இந்தியர்களுக்கு நாம் பெரிதும் கடமைப்பட்டுள்ளோம்.  அவர்கள் நமக்கு எண்களைக் கற்றுத் தந்தவர்கள். அது இல்லாமல் எந்த சிறப்பான விஞ்ஞானக் கண்டுபிடிப்பும் சாத்தியமில்லை.

உயிரினங்களின் விந்தைகள்

எறும்புகள் 12 மணி நேரத்துக்கு ஒரு முறை 8 நிமிடங்கள்  மட்டுமே உறங்கும்.

மரங்கொத்தி பறவையால் மரத்தை ஒரு நொடியில் 20 முறை கொத்தமுடியும்.

கரப்பான் பூச்சியால் 9 நாட்கள் வரை தலை துண்டிக்கப்பட்ட நிலையிலும் வாழமுடியும்.

பச்சோந்தியின் நாக்கு அதன் உடலை விட இரு மடங்கு நீளமாக இருக்கும்.

மின்கட்டணம் நம் தேவையை மீறி சில நேரம் அதிகமாகிவிடுகிறது.  ரிமோட் டால் டிவியை ஆஃப் செய்தாலும் செல்போன் சார்ஜரை ஆன் செய்து சார்ஜ் ஏறியது ஸ்விட்சை ஆஃப் செய்யாமல் செல்போனை எடுத்துவிட்டாலும் மின் கட்டணம் அதிகமாகிவிடும்.  இதை தடுக்க ஸ்மார்ட் பவர் ஸ்டிரிப்  இப்போது அறிமுகமாகிவிட்டது. மின்சாதனம் பயன்பாட்டில் இல்லை என்று தெரிந்து உடனடியாக அது கரண்ட் சப்ளையை நிறுத்திவிடும். இது இன்றைய வாழ்க்கை முறைக்கு மிகவும் அவசியமானது.

வெள்ளியில் செய்யப்பட்ட லிங்கத்திற்கு ரஜதலிங்கம் என்று பெயர்.  காஞ்சிபுரம் மற்றும் சென்னை கபாலீஸ்வரர் கோயில்களில் இந்த வெள்ளி சிவலிங்கம் பிரதோஷம் சிவராத்திரி மற்றும் சிவனுக்குரிய விசேஷ நாட்களில் பூஜிக்கப்படுகிறது.  ரஜதலிங்கம் தரிசனம் முக்தி தரவல்லது.

மூன்று முறை தமிழக முதலமைச்சராகவும்  நாலு முறை எம் பி யாகவும் ஐந்து முறை எம் எல் ஏ வாகவும் 12 முறை தமிழக்க் காங்கிரஸ் தலைவராகவும் ஐந்து முறை இந்தியக் காங்கிரச் தலைவராகவும்  12000 பள்ளிகளைத் திறந்தவரும் ஒன்பது அணைகளைக் கட்டியவரும் பல தொழிற்சாலைகளைத் திறந்தவரும்  மதிய உணவுத் திட்டத்தை கொண்டு வந்தவரும் சொத்து சுகம் இல்லாத தலைவருமான காமராஜரைப் போல் இனி ஒருவர் பிறக்கப்போவதில்லை  நாம் பார்க்கப்போவதும் இல்லை.

ஜப்பான்  நிறுவனம் ஒன்று கைக்கு அடக்கமான டிரான்சிலேட்டர் கருவி ஒன்றை அறிமுகப்படுத்தி உள்ளது இது  32 க்கும் அதிகமான மொழிகளை மொழிபெயர்த்து தரும். நாம் பேசியவுடன் டெலிவரி பட்டனை அழுத்தினால் அடுத்த சில நொடிகளில் விரும்பிய மொழியில் மாற்றித்தந்துவிடும்.  இதற்கு இணைய வசதி தேவையில்லை என்பது கூடுதல் சிறப்பு.

ஜெய்ப்பூரைச் சேர்ந்த சுரேந்திர ஆச்சாரியா என்ற ஓவியர் ஓர் அரிசியில் 241 எழுத்துக்களை எழுதி சாதனை புரிந்துள்ளார்

கைதட்டலில் தொடர்ந்து 67 மணி 5 நிமிடங்கள் கைதட்டி சாதனைப் படைத்தவர் தமிழகத்தை சேர்ந்த வி ஜெயராமன்.

உலகில் மிக முக்கிய  நினைவுச் சின்னங்களை பாதுகாக்க யுனெஸ்கோ மற்றும் பல அமைப்புக்கள் முயற்சி செய்துவருகின்றன. நினைவுச் சின்னங்கள் குறித்த பாதுகாப்பு விழிப்புணர்வுதான் உலக மரபு தினம்  இந்த நாள் ஏப்ரல் 18 அன்று கடைப்பிடிக்கப்படுகிறது. 

திருவாரூர் கோயிலிலுள்ள வினாயகர் சோழ மன்னரால் முழுக்க முழுக்க தங்கத்தால் உருவாக்கப்பட்டது. ஐந்து கலம் பொற்காசுகளை வைத்து உருவாக்கம் செய்ததால் இவருக்கு ஐங்கலக் காசு வினாயகர் என்று பெயர்.

உலகில்  உள்ள அத்தனை மலர்களையும் சிருஷ்டித்தவள் சாகம்பரி தேவி   அவற்றில் ஒரு குறிப்பிட்ட மலருக்கு மட்டும் விசேஷ அம்சம் உண்டு.  யுகங்கள் பல கடந்து குறிப்பிட்ட நாளில் குறிப்பிட்ட ஹோரையில் ஒரேயொரு பூ மட்டும் மலர்ந்து மணம் பரப்புமாம். அந்த மலரை சூடிக்கொள்வதில் அப்படியொரு ஆனந்தமாம் ஈசனுக்கு   அதன் பெயர் தேவ அர்க்யவல்லி.

நாள் ஒன்றை இருபத்து நான்கு மணி நேரமாக வகுத்து வரையறுத்தவர்கள் எகிப்தியர்களே.   ஓர் ஆண்டு 365 நாட்கள் கொண்டது என துல்லியமாக கணக்கிட்டு உறுதிப்படுத்தியவர்களும் எகிப்தியர்களே.  விவசாயம்  கால் நடை  மேய்ப்பு  வேட்டையாடுதல்  மருத்துவம் என்று பல துறைகளில் சிறந்து விளங்கிய இவர்கள் மூளை முதுகுத்தண்டு போன்ற மிகவும் முக்கிய அங்கங்களில் சிக்கலான அறுவை சிகிச்சைகளையும் செய்யக்கூடிய திறமை பெற்றிருந்தனர்.  பிரம்மாண்ட பிரமிடுகள் மொலம் பொறியியல் தொழில் நுட்பத் திறனை உலகுக்கு எடுத்துக்காட்டியவர்கள் எகிப்தியர்களே.

நம் நாட்டில் எருதுகளைப் பயன்படுத்தி நிலத்தை உழுகின்றனர்.  ஆனால் இலங்கையில் சில பகுதிகளில் யானைகளையும் ஆப்பிரிக்காவிலுள்ள லிபியாவில் ஒட்டகங்களையும் இதற்கு பயன்படுத்துகிறார்கள்.

 

மரங்களின் அரசன்

அரச மரத்தின் வேரில் பிரம்மாவும்  தண்டில் விஷ்ணுவும் உச்சியில் சிவனும் இருப்பதாக நம் ஹிந்து சாஸ்திரங்கள் சொல்கின்றன. இதை வலம் வந்தால் மும்மூர்த்திகளையும் வலம்வந்த பயன் கிடைக்கும்  பிள்ளையார் விரும்பி குடியிருக்கும் இடம் அரசமரம்   அரச மரத்தை வீட்டில் வளர்க்க மாட்டார்கள்.  ஏனென்றால் இதன் வேர் ஆழமாகப் பரவி வீட்டிற்கே கேடுவிளைவிக்கும்.

கிராமங்களில் குளக்கரையில் பஸ் நிற்கும் இடத்தில் இதைக் காணலாம்  இது ஒன்றுதான் இருபத்தி நாலு மணி நேரமும் சுத்தமாக சுவாசிப்பதற்கு ஏற்ற காற்றை வெளிவிடுகிறது.  கோயில்களில் உள்ள அரச மரத்தடியில் நாகப் பிரதிஷ்டை செய்து இருப்பார்கள்  அமாவாசையும் திங்கட்கிழமையும் சேர்ந்து வரும்போது சிலர் அரசமரத்தை நூற்றியெட்டு சுற்று சுற்றி காணிக்கை கொடுப்பார்கள்.  அரச மரத்தை சுற்றினால் நல்ல காற்று கிடைப்பதுடன் சுற்றும்போது மனம் ஒரு நிலைப்படுகிறது.  இதனால் உடலில் உள்ள சூடு தணிந்து கருமுட்டை உருவாக உதவுகிறது.  புத்தர் அரச மரத்தின் அடியில் அமர்ந்துதான் தியானம் செய்தார். இதன் அடியில் அரைமணி நேரம் அமர்ந்தால் நம் மனம் ஒரு நிலைப்படுவதைக் காணலாம்.  கிராமங்களில் இது பஞ்சாயத்து மேடையாக இருந்தது.  ஏனென்றால் இதன் காற்றினால் மனம் சஞ்சலப்படாமல் தீர்ப்பு வழங்குவார்களாம்.

இதன் மருத்துவ பலன்கள் கணக்கில் அடங்காதவை.  இதன் இலை பட்டை விதை பழம் எல்லாமே மருத்துவ குணங்கள் கொண்டவை.  இதன் கஷாயம் ஜீரம் ஜலதோஷத்திற்கு நல்லது.  மஞ்சள் காமாலை ருமாட்டிஸம்  தோல் நோய்கள் முதலியவற்றிற்கு இதன் இலை பட்டை முதலியவை உதவுகின்றன. இது விஷத்தை முறிக்கும் தன்மை கொண்டது.

ஆண்களுக்கு விந்தணுக்கள் வளரவும் பெண்களுக்கு கருமுட்டை வளரவும்  இது நல்ல மருந்து.  கோடையில் ஏற்படும் வயிற்றுக்கடுப்பை போக்க இதன் கொழுந்தை அரைத்து மோரில் கலந்து கொடுத்தால் உடனே சரியாகும்.  இலையை நெருப்பில் சுட்டு சுவாசித்தால் மூக்கடைப்பு நீங்கும்.  மூச்சு சீராகும்.  இப்படிப்பட்ட அரச மரத்தை மரங்களின் அரசன் என்று சொல்வதில் தவறில்லைதானே?

ஆஹா தகவல்

சிதம்பரம் ஸ்ரீ கோவிந்தராஜ பெருமாள் உருவத்தின் முன்பக்கம் சாந்தமாகவும்  பின்பக்கம் ஸ்ரீவக்ர நரசிம்மராகவும் காட்சி அளிக்கிறார்.

சேலம் மாவட்டம் மோகனூரில் நாலடியான் கோவில் மிகப் பிரசித்தம்.  காரணம் இங்கு  நேரில் வரமுடியாதவர்கள் கடவுளிடம் தெரிவிப்பதற்காக கோவிலுக்குள் பெரிய மரத்தில் கயிறு கட்டி அதில் மாட்டிவிடுகிறார்கள் அர்ச்சகர்கள்.

உப்பளங்களில் வேலை செய்வோருக்கு ஜலதோஷம் கீல்வாதம் நரம்புத் தளர்ச்சி வருவதே கிடையாதாம்.

ஒரே வாசனையுள்ள சென்ட்டை இரண்டு பெண்கள் தங்கள் மீது தெளித்துக்கொண்டால் ஒரே விதமான வாசனையை கொடுப்பதில்லை. அவரவர் சருமத்தைப் பொறுத்து அதன் வாசனை கொஞ்சம் மாறுபடுகிறது.

முள்ளங்கியை உணவில் சேர்த்துக்கொள்வது இதயத்திற்கு நல்லது.  ஆனால் முள்ளங்கிக் கீரை நோய் பரவும் பூச்சிகளை உருவாக்கும்  என்வே முள்ளங்கிக்கீரையை உணவில் சேர்ப்பதைத் தவிர்ப்பது நல்லது.

பெண்களுக்கு ஹூமோகுளோபின் அதிகரிக்கச் சாப்பிட வேண்டிய உணவுகள்  முருங்கைக்கீரை சுண்டைக்காய் சிவப்புக் கொண்டைக்கடலை  அல்லது பாசிப்பயறு  சுண்டை வற்றல் குழம்பு   எள் உருண்டை திராட்சை மாதுளை  கறிவேப்பிலைத் துவையல் பீர்க்கங்காய்  உளுந்து களி  இட்லி தோசை பொன்னாங்கண்ணிக் கீரை மற்றும் நெல்லிக்காய்.

கால்கள் முழங்கால் உடல் தலை எனக் கீழிருந்து மேலாக்க் குளிக்கவேண்டும்  இதனால் வெப்பம் கீழிருந்து மேலாகப் பரவி கண் காது வழியே வெளியேறி உடலில் வெப்பம் தங்காது காக்கும்.

நாம் உபயோகிக்கும் குழாய் அல்லது கிணற்றுத் தண்ணீர் சுத்தமானதாஅ என்பதை அறிய ஒரு தம்ளரில் நீரை எடுத்து அதில் ஒரு ஸ்பூன் சர்க்கரையைப் போட்டு மூடி வைத்து விடவும். 12 மணி நேரம் கழித்து அந்த நீரை எடுத்துப் பார்க்கவும்.  நீர் தெளிவாக இருந்தால் சுத்தமான நீர்   கலங்கிய வெண்மை நிறத்தில் இருந்தால் அசுத்த நீராகும்.

பூச்சி வகைகள் பலவும் தன் உடலின் உயரத்தைப் போல் 300 மடங்கு உயரத்துக்கு எம்பிக் குதிக்க முடியும்  ஒரு சராசரி மனிதன் இந்த அளவு குதிக்க வேண்டுமானால் ஈஃபிள் கோபுரத்தின்    உயரம் வரை குதிக்க வேண்டுமாம்.

காசி எல்லையில் கருடன் பறக்காது  எந்த மணமுள்ள பூவும் காசியில் மணக்காது.  குறுகலான சந்தில் வழிமறித்து நிற்கும் பசுவிற்கு முரட்டுக் கொம்புகள் இருந்தாலும் யாரையும் முட்டாது.

பரசுராமர் ஸ்தாபித்த தேவித்திருத்தலங்கள் ஐந்தாகும்.  அவை கர்னாடக மானிலம் கொல்லூர் மூகாம்பிகை  கேரள மானிலம் வடக்ரா லோகாம்பிகா  மற்றும் பாலக்காடு  ஹேமாம்பிகா மற்றும் கொடுங்கல்லூர் மகா பகவதி  தமிழ் நாடு கன்னியாகுமர் பாலாம்பிகா.

முருகபெருமானுக்கு அறுபடை வீடுகள் மாதிரி கிருஷ்ண பரமாத்மாவுக்கு பஞ்ச ஸ்தலங்கள்   அவை  திருக்கோவிலூர்  திருக்கண்ணங்குடி  திருக்கபிஸ்தலம்  திருக்கண்ணபுரம்  திருக்கண்ண மங்கை.

காலையில் எழுந்ததும் நம் உள்ளங்கைகளை விரித்துக்கொண்டு உள்ளங்கையில் சூட்சமமாகக் குடியிருக்கும் ஸ்ரீ மஹாலட்சுமியை வணங்கியபடி சொல்லவேண்டிய ஸ்லோகம்

கராக்ரே வஸதே லக்ஷ்மி

கரமத்யே ஸரஸ்வதி  கரமுலேது

கோவிந்த பிரபாதே கரதர்சனம்.

கோடைக்கால கொப்பளங்கள் குணமடைய கொடிப்பாலைக்கீரை  கொழுந்து வேப்பிலை சிறிதளவு நல்ல பூசு மஞ்சள் தூள் கொஞ்சம் சேர்த்து விழுதாக அரைத்து அதைக் கொப்புளங்கள் உள்ள இடங்களில் தடவி வந்தால் நல்ல பலன் உண்டு.

சுண்டைக்காயில்  கறிச் சுண்டைக்காய்   வற்றல் சுண்டைக்காய் என்று இரு வகைகள் உண்டு. வற்றல் சுண்டைக்காய் பச்சைக் கலரில் சிறிது பளபளப்போடு இருக்கும். அதை மோரில் போட்டு உப்பு சேர்த்து ஊறியவுடன் வெயிலில் காய வைத்தால் அதுதான் சுண்டைக்காய் வற்றல்.  கறிச் சுண்டைக்காயை வத்தக்குழம்பு சாம்பார் பருப்பு உசிலி செய்யலாம்.  சமைக்கும் முன்பு காயை நன்கு நசுக்கி அதன் உள்ளிருக்கும் விதைகளை எடுத்து விட்டுச் செய்ய வேண்டும்  நல்ல ருசியாக இருக்கும்.

அர்ச்சின் பிஷ் என்ற கடல்வாழ் மீன் இனம். திமிங்கிலத்தையே கொல்லக்கூடிய வலிமை பெற்றது.  திமிங்கிலம் இதை விழுங்கியவுடன் இந்த அர்ச்சின் ஃபிஷ் தன் உடம்பில் உள்ள விஷத்தன்மையுடிய்ய முட்களால் திமிங்கிலத்தின் வயிற்றுக்குள் ஆங்காங்கே ஓட்டை போடுவதால் திமிங்கிலம் உடனடியாக இந்த மீனைக் கக்கி விடுகிறது.  வயிற்றில் போடும் ஓட்டைகாரணமாக திமிங்கிலமும் காலி ஆகிவிடுகிறது.

 

 

 

ஆஹா தகவல்

வெள்ளைப்பூண்டில் 43 விதமான சத்துக்கள் உள்ளன இதில் உள்ள 21 சத்துக்கள் அதிகச் சூட்டில் பூண்டு கருகினாலும் அழிந்து போகாது. 

வெள்ளை முள்ளங்கியை உணவில் அடிக்கடி சேர்த்து வந்தால் ஊளைச் சதை தொப்பை குறையும்  உடம்பும் இளைக்கும்.

டக்மோல் என்ற ஒருவகை எலி ஆஸ்திரேலியாவில் காணப்படுகிறது.  இது மற்ற எலிகளைப் போல அல்லாமல் முட்டையிட்டு குஞ்சு பொரிக்கும் தன்மை கொண்டது.

மின்சாரம் இல்லாதபோது மெழுகுவர்த்தியின் வெளிச்சத்தை அதிகரிக்க மெழுகுவர்த்திக்குப் பின்புறம் முகம் பார்க்கும் கண்ணாடியை வைத்தால் வெளிச்சம் இருமடங்காக கிடைக்கும்.

மெழுகுவர்த்தியை சிறிது நேரம் ஃபிர்ட்ஜில் வைத்தெடுத்து பிறகு எரியவிட்டால் திரி அதிக நேரம் எரியும்.

தொப்பையை குறைக்க நினைப்போர் அன்னாசி ரசம் சாப்பிடுவது நல்லது.  மிருதுவான குரல் விரும்புவோர் தினமும் ஒரு கப் அன்னாசிப்பழ ஜூஸை அருந்தலாம்   வைட்டமின் பி சத்து உடையது   எனவே ரத்த விருத்திக்கு நல்லது.  தொண்டைப்புண்ணையும் ஆற்றும்.

கிராம்பு லவங்கப்பட்டையை இடித்து புளியுடன் தண்ணீரில் கரைத்துக் குடித்தால் உணவுப்பாதையில் உள்ள அழுக்குகள் வெளியேறி சுத்தமாகும்.

விஷம் குடித்தவருக்கு உடனே புளிச்சாறு குடிக்க கொடுத்தால் வாந்தி வரும்   விஷம் வெளியேறும்.

சேப்பங்கிழங்குகளை நன்கு கழுவி வட்டத் துண்டுகளாக வெட்டி இட்லித்தட்டுக்களில் வேக வைத்து எடுத்து உரித்தால் வழவழப்பு அதிகமில்லாமல் உரிக்க எளிதாக இருக்கும்.

கேரள மானில ஆலப்புழாவில் உள்ள அம்மன் கோயில் விளக்கு நம் நாட்டின் மிகப் பெரிய விளக்கு 1500 கிலோ வெண்கலத்தால் செய்யப்பட்டது.  இதன் உயரம் 3.3 மீட்டர் மற்றும் ஆயிரம் திரிகள் கொண்ட விளக்கு இது.

மொனார்க் வண்ணத்துப்பூச்சிகள் ஒவ்வொரு ஆண்டும் கிரேட் லேக்ஸ் பகுதியிலிருந்து மெக்சிகோ வளைகுடா வரை பறந்து செல்லும் இதன் தூரம் சுமார் 8800 கிமீ தூரம் இவை சூரிய வெளிச்சத்தை கொண்டு திசைகளை அறிந்து கொள்ளும்.

பெருங்குடலுக்கு உறுதுணைபுரியும் அற்புதச் செயல்களைக் கொத்தவரங்காய் கொடுக்கிறது.  ரத்தத்தில் உள்ள சிரம் கொலஸ்டிரால் ஆகியவற்றைக் கட்டுப்படுத்தும் தன்மை கொத்தவரங்காய்க்கு உள்ளது.

அரிசிக் குருணை உப்புமாவில் குருணை பாதி வேகும்போது சம அளவு வறுத்த சேமியாவைக் கொட்டி வெந்ததும் இறக்கி அரைமூடி எலுமிச்சம் பழம் பிழியவும்  இந்த டூ இன் ஒன் உப்புமா புதுமையான சுவையுடன் இருக்கும்.

அரைமூடி எலுமிச்சைச் சாறை தண்ணீரில் கலந்து பட்டுப் புடவைகளை அலசி நிழலில் உலர்த்தினால் புடவை பளபளப்பாக இருக்கும்.

காரைக்குடிக்கு அருகிலுள்ள அரியக்குடி என்னும் ஊரிலுள்ள அருள்மிகு வெங்கடாஜலபதி ஸ்வாமி கோயில் மிகவும் வரப்பிரசாதி   இக்கோயிலில் கருடன் சன்னதி எல்லா கோயில்களிலும் உள்ளது போல் சுவாமிக்கு எதிரில் இல்லாமல் ராஜ கோபுரத்தின் பாதில் ஐந்தாவது நிலையில் ஈசானிய மூலையில் உள்ளது.

மருந்தாகும் மலர்கள்

மலர்கள் நம் வாழ்வியல் முறையில் இன்றியமையாத இடத்தை பிடித்திருந்தாலும் மலர்களை நாம் வாசனைக்காகவும் அலங்காரத்துக்காகவும் ஆராதனைக்காகவும் மருத்துவக் குணங்களையும் அவற்றை எளிய மருந்தாகப் பயன்படுத்தும் முறைகளையும் தெரிந்து கொள்வோம்.

குங்குமப்பூ

இதற்கு ஞாழல்பூ என்று வேறு தமிழ் பெயரும் உண்டு. குங்குமப்பூவின் மகரந்த தாள்கள் செம்மஞ்சள் நிறத்தில் இருக்கும்.  குங்குமப்பூ வாசனையுடன் மினுமினுப்பாய் இருக்கும்   இதனை நீர் விட்டு கலக்கினால் நீர் செம்மஞ்சள் நிறமாகும்   கர்ப்பிணிகள் குங்குமப்பூவை வெற்றிலையில் வைத்தோ அல்லது பாலிலிட்டு அருந்தினாலோ சுகப்பிரசவம் ஆகும். குங்குமப்பூவை தாய்ப்பாலில் உரைத்து கண்ணில் மை போலிட்டு வ்ர கண் நோய்கள் தீரும்.

பன்னீர் ரோஜா

நாட்டு வகை பன்னீர் ரோஜா பூக்கள் சிவப்பு இளஞ்சிவப்பு வெண்மை ஆகிய நிறங்களில் கிடைக்கின்றன. தற்போது இவை கடைகளில் கிடைப்பது அரிதாகிவிட்டன. செடிகளை வாங்கி நம் வீட்டில் வளர்த்தால் எல்லாக் காலங்களிலும் பூக்கும்   பன்னீர் ரோஜாவின் இதழ்கள் மருந்தாகவும் உணவாகவும் பயன்படுத்தப்படுகின்றன. பன்னீர் ரோஜாவின் இதழ்களைக் கொண்டு பன்னீர் மணப்பாகு குல்கந்து ஆகியவற்றைத் தயாரிக்கலாம்.  பூக்களிலிருந்து ஒருவகை நறுமணம் பொருந்திய எண்ணெய் எடுக்கப்படுகிறது  இதற்கு அத்தர் என்ரு பெயர்.  பன்னீர் ரோஜா இதழ்களை நீரில் ஊறவைத்து கண்களைக் கழுவ கண் சிவப்பு கண்ணெரிச்சல் நீங்கும்.  பன்னீர் ரோஜா இதழ்களை பச்சையாக மென்று தின்ன வாய்ப்புண் வயிற்றுப்புண் ஆறும்.

மந்தாரைப் பூ

சிவப்பு வெண்மை என பல வகைகள் உண்டு  மந்தாரைப்பூ மொட்டுக்களைக் குடி நீரில் இட்டுப் பருக இருமல் நிற்கும்  அதிகப்படியான குருதிப்போக்கு கட்டுப்படும்.

மாதுளம் பூ

மாதுளம் பூவை அரைத்து மோரில் கலந்து குடிக்க குருதி மூலம் போகும்  வயிற்றுக்கடுப்பு குறையும்.

தாமரைப்பூ

அரவிந்தம்  கமலம் அப்புசம் சூரிய நட்பு போன்ற வேறு பெயர்களும் உண்டு.  வெண்தாமரைப் பூவின் இதழ்கள் ஐந்தினை நீரிலிட்டுக் கொதிக்கவைத்து பருகி வர இதயம் மற்றும் நரம்புகள் பலப்படும். படபடப்பு நீங்கும்  வெப்பமுள்ள மருந்துகள் உண்பதால் ஏற்படும் உடல் கூடு நீங்கும்.

தும்பைப் பூ

தும்பைப் பூவை நல்லெண்ணெய் விட்டுக் காய்ச்சி தலைக்குத் தேய்த்து குளித்துவர நீர்கோவை  தலைபாரம் நீங்கும். விளக்கெண்ணெய் தைலமாக காய்ச்சி கண்களில் மைபோல் தீட்ட கண்கள் ஒளிபெறும்.

முருங்கைப் பூ

முருங்கைப்பூவை பாலில் வேகவைத்து உண்டு வர உடல் வண்மை பெறும். உடல்சூடு தணியும் ஆண்மை பெருகும்.

வாழைப்பூ

வாழைப்பூவை வாரம் ஒரு முறையாவது சமைத்து சாப்பிட்டுவர கர்ப்பப்பை பலம் பெறும்  வாழைப்பூவை பாசிப்பருப்புடன் சூப் செய்து சாப்பிட குடல் புண்கள் ஆறும்.   வாழைப்பூச் சாறு மோருடன் சேர்த்து காலை மாலை பருக பெண்களுக்கு மாதவிடாய் காலங்களில் ஏற்படும் அதிகப்படியான ரத்தப்போக்கு கட்டுப்படும்.

 

நன்றி  இயற்கை மருத்துவர்  எஸ் நந்தினி

மருந்தாகும் மலர்கள்

மலர்கள் நம் வாழ்வியல் முறையில் இன்றியமையாத இடத்தை பிடித்திருந்தாலும் மலர்களை நாம் வாசனைக்காகவும் அலங்காரத்துக்காகவும் ஆராதனைக்காகவும் மருத்துவக் குணங்களையும் அவற்றை எளிய மருந்தாகப் பயன்படுத்தும் முறைகளையும் தெரிந்து கொள்வோம்.

அந்திமல்லி

கிராமத்து வீதிகளில் வீடுகளின் வாசலை அலங்கரிக்கும் செடி அந்திமல்லி. இதனை பத்திராஷி என்றும் 4 o’clock  மலர் என்ற்ம் கூறுவர்.  சிவப்பு மஞ்சள் வெள்ளை என அழகான நிறங்களில் கொத்துக் கொத்தாகப் பூத்திருக்கும். அந்திமல்லி பூக்களை அரைத்துத் தேங்காய் எண்ணெய் விட்டு தைலமாக காய்ச்சி பூச வெப்பத்தால் உண்டாகும் சொறி நீங்கும்.

அல்லி மலர்

குளங்களிலும் குட்டைகளிலும் தானாக வளர்ந்து பூத்துக்குலுங்கும் அல்லி மலரில் வெண்மை செம்மை வெண்மையும் செம்மையும் கலந்த நிறம் என பல வகைகள் உண்டு.  குமுதம் என்ற அழகான பெயரும் இதற்கு உண்டு.  அல்லி மலர்கள் நிறத்தில் வேறுபட்டாலும் குணத்தில் ஒன்றாகவே இருக்கும். வெள்ளை அல்லிப்பூவைக் கஷாயமிட்டோ அல்லது சூரணமாகவோ சாப்பிட்டு வந்தால் நீரிழிவு  நீர்வேட்கை நீர்த்தாரை புண் மேகம் ஆகியவை கட்டுப்படும். அல்லிப்பூவை அரைத்து புங்கெண்ணெயில் தைலமாக்க் காய்ச்சி பூச புண்கள் விரைவில் ஆறும்.

அழவணம்

மருதாணி மருதோன்றி ஜவனம் என்றும் பெயர் உண்டு.  இதன் பூக்கள் மிக சிறியதாக்க் கொத்துக் கொத்தாக நல்ல வாசனையுடன் இருக்கும். இதனைக் கதம்பத்தில் வைத்துக் கட்டுவதுண்டு. மருதோன்றிப்பூக்கள் குளிர்ச்சியை உண்டாக்கும்.  மருதோன்றிப்பூக்களை இரவில் தலையணையின் கீழ் வைத்துப்படுக்க நித்திரை உண்டாகும் உடல் வெப்பம் தணியும்.

ஆவாரம் பூ

ஆவாரைப் பூத்திருக்க சாவாரை கண்டதுண்டோ?  என்ற வழக்கு மொழிக்கு ஏற்ப பல அரிய வகை நோய்களுக்கு மருந்தாகிறது ஆவாரை. தோலில் நமைச்சல் உள்ளவர்கள் ஆவாரம் பூவோடு பாசிப் பயறைச் சேர்த்து அரைத்துத் தோலில் தோய்த்து குளிக்கலாம்  ஆவாரம் பூவைப் பாலில் வேகவைத்து சாப்பிட உடல்சூடு தணியும். இதனை மணப்பாகு செய்து சாப்பிட பெண்களுக்கு ஏற்படும் வெள்ளைப்படுதல் சிறு நீர்த்தாரை எரிச்சல் நீங்கும். ஆவாரம் பூவை கஷாயமிட்டு அன்றாடம் பருக கல்லீரல் நோய்கள் நீரிழிவு கட்டுப்படும்.  பூவைத் தொடர்ந்து உபயோகிப்பதால் வியர்வையினால் ஏற்படும் கற்றாழை நாற்றம் உப்பு பூத்தல் போன்ற பிரச்னைகள் தீரும்.

மல்லிகை

நவமல்லிகை மல்லிகை என்ற பெயர்களும் உண்டு.  மல்லிகையில் மிகுந்த  நறுமணம் மட்டுமில்லாது பலவகை நோய்களை குணப்படுத்தும் தன்மையும் கொண்டது.  குறிப்பாக பெண்களுக்கு ஏற்படும் மன உளைச்சல் அதனால் உண்டாகும் தலைவலியைப் போக்கவல்லது.  தற்போது பெண்கள் பூ வைப்பது குறைந்திருந்தாலும் நல்ல குணமுள்ள நாட்டுப் பூக்கள் கிடைப்பதில்லை.  தற்போது மல்லிகைக்குப் பதிலாக பார்ப்பதற்கு மல்லிகை போலவே தோற்றமளிக்கும் ஒரு வகை நந்தியாவட்டை பூ விற்கப்படுகிறது.  தற்போது நாட்டு ரோஜா வகைகள் எப்படிப் பார்ப்பதற்கு அரிதாகிவிட்டதோ அதே போல் இப்படியே சென்றால் மல்லிகையும் காணாமல் போய்விடும். மல்லிகையின் நறுமணம் வீட்டில் கெட்ட வாடைகளை தீர்க்கும்  மனதிற்கு இதம் தரும்.  மல்லிகைப்பூவை நீரில் அலசி கஷாயமிட்டு குடிக்க படபடப்பு நீங்கும்  நன்கு உறக்கம் வரும்.

குழந்தைக்குப் பால் புகட்டும் பெண்களுக்கு மார்பில் பால் கட்டிக்கொண்டு வலி மற்றும் காய்ச்சல் உண்டாகும்.  மல்லிகைப்பூவை அரைத்து மார்பில் கட்ட பால் சுரப்பு குறையும்   கட்டிகளும் கரையும்.  மல்லிகைப்பூவை மஞ்சள் சேர்த்து தேங்காய் எண்ணெயில் தைலம் காய்ச்சிப் பூசி வர சேற்றுப்புண்   பாதவெடிப்பு குணமாகும்.