வயலின்

வயலின் என்ற நரம்பிசைக் கருவி இந்தியாவில் தோன்றியது.  பின் மேலை நாடுகளுக்குப் பரவியது.  அங்குள்ள அறிஞர்கள் பல மாற்றங்கள் செய்தனர். மாற்றங்களுடன் வந்த வயலின் கருவியை இந்திய கலைஞர்கள் இசை கச்சேரிகளில் பயன்படுத்துகின்றனர்.

கர்னாடகா மானிலத்தில் உள்ள கிராமம் திருமகூடலு.  இங்கு அகத்தீஸ்வரர் கோவில் உள்ளது.  இது 1000 ஆண்டுகளுக்கு முன் கட்டப்பட்டது. இங்குள்ள கருங்கல் தூணில் வில்லைக் கொண்டு ஒரு இசைக்கருவியை வாசிப்பது  போன்ற படைப்பு சிற்பம் உள்ளது. அக்காலத்திலேயே வயலின் போன்ற இசைக்கருவி பயன்படுத்தப்பட்ட என சான்று இது. ஐரோப்பிய நாடான இத்தாலியைச் சேர்ந்த ஸ்ட்ராடிவரின் என்பவர் இப்போது புழக்கத்தில் உள்ளது போன்ற வயலினை உருவாக்கினார்.  சில்வர் ஓக் பைன் மேப்பிள் போன்ற  மரங்களில் வயலின் இசைக்கருவி செய்யப்படுகிறது.  தமிழகத்தைச் சேர்ந்த பால ஸ்வாமி தீட்சிதர்   ஐரோப்பியர் வடிவமைத்து வயலினை 1821ல் இசைக்க பயின்றார்.  அதில் கர்னாடக இசையை நிகழ்த்திக் காட்டினார்.  வயலினில் இருந்து பல புதுக்கருவிகள் தோன்றியுள்ளன.

தகவல் நன்றி   சிறுவர் மலர்.

அழகு கிளிகள்

பறவைகளில் மிக அழகானது கிளி.  இதில் 330 வகைகள் உள்ளன.  உலகின் மிக வெப்பம் மிகுந்த பகுதியிலும் வசிக்கின்றன. ஜோடியாகவும் சட்டமாகவும் வசிக்கும் பழம் கொட்டைகளை தின்னும்.  சில வகை கிளிகள் பூக்களில் தேன் குடித்தும் மகிழும். இயல்பாக மரங்களில் தாவி அமர வசதியாக கால்களில் உள்ள கொக்கி போன்ற அமைப்பு பயன்படும்.  சில வினோத கிளிகளைப் பார்ப்போம்…………..

சல்ப்பர் கிரெஸ்டெட் காக்கட்டோ

மிக அழகாக தோன்றும்  வெள்ளை வண்ணத்தில் சாம்பல் நிற மூக்கும் மஞ்சள் நிறக் கொண்டையும் மனதை ஈர்க்கும்  இணையைக் கவர தலையை எழிலாக ஆட்டி கொண்டை விரித்து கவர்ச்சி காட்டும்  மிக லாவகமாக வயப்படுத்தும் ஆண்.

எல்லோ ஷோல்டர்டு அமேசான்

நம் ஊர் மைனா அளவில் இருக்கும்.  தென் அமெரிக்க தீவுகளில் காணப்படுகிறது. பச்சை வண்ண உடலைக் கொண்டது. தலை மஞ்சள் நிறத்தில் காணப்படும். இதன் அழகை மனதைக் கொள்ளை கொள்ளும்.

ஸ்கார்லட் மக்காவ்

உலகிலேயே மிகப் பெரிய கிளி வகை இது.  மத்திய மற்றும் தென் அமெரிக்க காடுகளில் காணப்படுகிறது. பழம் விதைகளை விரும்பிச் சாப்பிடும். கொட்டையை பெரிய அலகால் கொத்தி உடைக்கும். அந்த அழகு காண்பவரை வியக்க வைக்கும். 

பழம் தின்னி

இந்த வகை கிளியை எலக்ட் என்பர். பழங்களை மட்டும் தின்னும். சதைப்பற்றான வளர்த்த நாக்கு உண்டு.  இது பழம் கொட்டையை அலகின்  நடுவில் வைத்து உண்பதற்கு உதவியாக உள்ளது.

பூ தின்னி

இது லாரிஸ் அண்ட் லாரீஸ்கீட்ஸ் என அழைக்கப்படுகிறது. இந்த கிளி வகை பூக்களை மட்டும் உண்ணும். அதற்கேற்றாபோல் நாக்கு மிக மெல்லியதாக இருக்கும். குறிப்பாக பூக்களில் உள்ள மகரந்தம் மிகவும் விரும்பும்.

தகவல் நன்றி  சிறுவர் மலர்.

விரைவு எதிர்வினைக் குறி

சதுரங்கம் என்ற செஸ் விளையாட்டில் ஆர்வமுள்ளவர் ஹாமஸ் ஹிரோ.  கிழக்காசிய நாடான ஜப்பான் டென்சோ நிறுவனத்தில் பொறியாளராகப் பணியாற்றி வந்தார். கண்டுபிடிப்புகளில் ஆர்வம் உள்ளவர்.  சதுரங்க விளையாட்டில் உள்ளது போல் கறுப்பு வெள்ளை கட்டங்களில் செயலி ஒன்றை உருவாக்கினார். அது தான் கியூ ஆர் கோடு என அழைக்கப்படுகிறது.  பண பரிவர்த்தனையில் முக்கிய தொழில் நுட்பமாக கோலோச்சுகிறது. இதை முதன் முதலில் 1994ல்  பயன்படுத்தியது டென்சோ நிறுவனம்.  உலக அளவில் 2002க்கு பின் பிரபலமானது.

கறுப்பும் வெள்ளையும் கலந்த மாய வடிவம் தான் கியூ ஆர் கோடு. சிறிய அஞ்சல் தலை போல தோன்றும். விவரங்களை உள்ளடக்கி அமைதி காக்கும். இதை குறியீட்டு மொழி எனலம். அதன் உள் அமையும் கருப்பு வடிவம் 1 என்ற எண்ணையும் வெள்ளை 0 என்பதையும் குறிக்கும். இந்த குறியீடுகளுக்கு பைனரி என்று பெயர்.  பைனரிகளை உள்ளடக்கிய கியூ ஆர் கோடு படத்தை ஸ்கேன் செய்தவுடன் கணினி வாசிக்கும்.

துவக்க காலத்தில் வாகன உற்பத்தியில் தான் இது பயன்படுத்தப்பட்டது.  தற்போது அன்றாடம் முக்கிய தேவைகளை பூர்த்தி செய்கிறது. மனித குலத்துக்கு இன்றியமையாத தொழில் நுட்பமாகிவிட்டது.  இப்போது உடனடி பண பர்வர்த்தனையில் இந்த தொழில் நுட்பம் அதிகம் பயன்படுகிறது. சாதாரண பெட்டி கடைகளில் கூட கியூ ஆர் கோடு படத்துடன் அலைபேசி செயலிகள் ஸ்டிக்கராக ஒட்டப்பட்டிருக்கும்.

அந்த கடையின் வங்கிக் கணக்கு குறிப்பிட்ட பணம் வழங்கும் நிறுவனத்துடன் இணைத்திருக்கும். பொருள் வாங்கியதும் கடையின் கியூ ஆர் கோடு படத்தை  அலைபேசியில் ஸ்கேன் செய்தால் எளிதாக பணம் அனுப்பி விடலாம்.  ரொக்கமற்ற பண பரிவர்த்தனையில் மிகவும் பிரபலமாகி உள்ளது.  இவ்வாறு புரட்சிகரமாக செயல்படுகிறது.  இந்த தொழில் நுட்பம் கியூ ஆர் கோடு படம் உருவாக்க ஏராளமான இணைய தளங்கள் உள்ளன. அவற்றில் தகவல்களை உள்ளிட்டு கியூ ஆர் கோடு படங்களைப் பெறலாம். முற்றிலும் இலவசமாக இந்த சேவை கிடைக்கிறது.

ஆங்கில சொற்களான குயிக் ரெஸ்பான்ஸ் என்பதன் சுருக்கமே  கியூ ஆர் என்பதாகும்.  புகழ்பெற்ற பதிப்பகங்கள் வெளியிடும் புத்தக பின் அட்டையில் பார்கோடு என்ற வடிவம் அச்சிடப்பட்டிருக்கும். அதை கணினி அல்லது பில் போடும் இயந்திரத்தின் முன் காட்டியதும் புத்தகத்தின் விலை மற்றும் விவரங்களைக் கட்டும்.  அந்த தொழில் நுட்பத்தின் வளர்ச்சியாக இது அமைந்துள்ளது.

கியூ ஆர் கோடுக்கு விரைவு எதிர்வினைக் குறி என தமிழாக்கியுள்ளது.  தகவல் பொது தளமான விக்கிபீடியா திமிழின் திறந்த அகரமுத்லியான விக்சனரி தளம் தகவல் பொதிந்த படம் எனபெயர்த்து தகவம் அல்லது நற்குரி என்ற சொல்லைப் பரிந்துரைத்துள்லது. 

கல்லறையிலும் கியூ ஆர் கோடு படம் பதிப்பது ஐரோப்பிய அமெரிக்க நாடுகளில் வழக்கமாகி விட்டது. இறந்தவர் பற்றிய விவரங்கள் அதில் உள்ளிடப்பட்டிருக்கும்.  கல்லறை முகப்பில் அலைபேசி கேமராவில் ஸ்கேன் செய்தால் அவர் பற்றிய விவரங்கள் கிடைக்கும்..

தகவல் நன்றி   சிறுவர் மலர்.

நினைவு சின்னம்

லத்தீன் மொழியில் பிறந்தது டைரி என்ற சொல்.  அதற்கு நாள் என பொருள்.  நினைவுகளை செதுக்கி பாதுகாக்க மனிதன் கண்டு பிடித்த ஆயுதமே டைரி எழுதும் வழக்கம்  அன்றாடம் செய்யும் நல்ல நிகழ்வு செயல் அனுபவங்களை தாங்கி நிற்கும் வாழ்க்கை ஆவணம்  ஆங்கிலேயரான சாம்யல் பிப்ஸ் 17ம் நூற்றாண்டில் எழுதிய டைரி குரிப்பு முக்கியத்துவம் பெற்றது.  பின் தான் ஐரோப்பிய நாடுகளில் டைரி எழுதுவது வழக்கமானது.

சாப்பாட்டு டைரி அலுவலக டைரி சம்பள டைரி பயண டைரி மருத்துவ டைரி நடிகர் நடிகைகளின் கால்ஷிட் டைரி தன்னைலை விளக்க டைரி வீட்டு வரவு செலவு டைரி பள்ளி டைரி என பலவகை உண்டு.  விரும்பியபடி அன்றாட நிகழ்வுகளை எழுதுவதும் உண்டு.  கட்டுரை கதை கவிதை வடிவிலும் எழுதலாம்.  புதுச்சேரியில் ஐரோப்பியரான பிரெஞ்சுகாரர் ஆட்சியில் முக்கிய பொறுப்பு வகித்தவர் ஆனந்த ரங்கம் பிள்ளை.  அவர் தினமும் எழுதிய நாட்குறிப்பு வரலாற்று ஆவணமாக திகழ்கிறது.  அறிவியல் தொழில் நுட்பம் தந்துள்ள கணினி அலைபேசியை பயன்படுத்தியும் அன்றாடம் டைரி எழுதலாம். தினமும் டைரி எழுதும் பழக்கம்.  மன அழுத்தத்தை குறைக்கும் என நிரூபிக்கப்பட்டுள்ளது  

தகவல் நன்றி   சிறுவர் மலர்

குருவுக்கு மரியாதை

கால்குலேட்டரை மிஞ்சும் வகையில் இந்திய கணித அறிவைக் கையாண்டு ஆசியா கண்டம்  சீனாவை கலக்கி வருகிறார்.  தமிழகத்தை சேர்ந்த ஆசிரியர் ஐசக் தேவகுமார்.  சீனாவில் கணித ஆசிரியராக பணியாற்றும் இவர் சிறந்த ஆசிரியருக்கான சீன விருதை இரண்டு முறை பெற்றுள்ளார்.  ஆர்வம் மிகுதியால் வித்தியாசமான வழிமுறைகளில் கணக்குகளுக்கு விடை தேட முயன்றார்.  இந்திய பாரம்பரிய முறை கணித்த்தைக் கையாண்டு புதிர்களுக்கு எளிமையான தீர்வுகள் கண்டார்.  இது அவரை சாதனையாளர் பட்டியலில் இடம் பிடிக்க வைத்துள்ளது.

அவர் கூறியதாவது

கணிதத்தில் முது நிலை பட்டம் பெற்று கவனம் செலுத்தினேன். இந்த முறையில் கணித புதிர்களை எளிதில் புரிந்து கொள்ள முடியும். எப்படிப்பட்ட சிக்கலான கணக்கு புதிர்களுக்கும் விடை காண முடியும். இதில் தீவிரமாக ஆராய்ச்சி செய்து வந்தேன்  அப்போது தான் சீனாவில் அரசு பள்ளிக்கு கணித ஆசிரியர் தேவை என்ற விளம்பரம் கண்ணில் பட்டது. எனக்கு ஆங்கில மொழி தான் தெரியும். சீனமொழி தெரியாது.  நம்பிக்கையுடன் அந்த பணிக்கு விண்ணப்பித்தேன்  என்னை தேர்வு செய்தனர்.

சீனாவில் சிஸ்வான் மாகாணம்  சென்ங்கு பகுதியில் ஷிஷி என்ற அரசு பள்ளியில் ஆசிரியராக சேர்ந்தேன்  இந்திய பாரம்பரிய முறையில் கணக்குகளுக்கு விடை காண கற்றுக் கொடுத்தேன்  இந்த முறையை குறும்புமிக்க மாணவர்களும் ஆர்வமுடன் கற்றனர்.  இதனால் அனைவரும் விரும்பும் ஆசிரியரானேன்.  என் திறமையைக் கண்ட சீன அரசு கல்விக்குழு சிறந்த வெளி நாட்டு ஆசிரியருக்கான விருதை இரண்டு முறை வழங்கி கௌரவித்தது. இந்தியாவில் மருத்துவரை கடவுளாக பார்ப்பது போல ஆசிரியர்களையும் கடவுளாக பார்க்கின்றனர் சீனர்கள். 

இந்திய கல்வி நிறுவனங்களில் பாரம்பரிய முறையில் கணிதம் கற்ருக் கொடுக்கப்பட வேண்டும் என்பது என் விருப்பம்.  இந்த முறையை சீன மாணவர்களே ஆர்வமுடன் கற்கும் போது இந்திய மாணவர்களும் சாதிக்க முடியும்  இவ்வாறு ஆசிரியர் ஐசக் தேவகுமார் கூறினார்.

தகவல் நன்றி    சிறுவர் மலர்,

செல்வ செழிப்பை அள்ளித்தரும் பச்சை கற்பூரம்


பச்சை கற்பூரத்திற்கு செல்வத்தை ஈர்க்கும் தன்மை அதிகளாவில் உண்டு. ஒரு மஞ்சள் துணியில் பச்சை கற்பூரத்தை முடிச்சாக கட்டி குபேர மூலையில் வைத்து தூபம் காண்பித்து வழிபட்டு வந்தாலே வீட்டில் பணம் எப்பொழுதும் இருந்து வரும். பச்சை கற்பூரம் இயல்பாகவே அதிக வாசனை நிறைந்தது. பச்சை கற்பூரத்தின் வாசனைக்கு பெரிய சக்தி இருக்கிறது. 2 அல்லது 4 துண்டு பச்சை கற்பூரத்தை பூஜை அறையில் வைத்து வழிபடுங்கள். இதனை பூஜை அறையில் வைப்பதால் வீட்டில் எப்போதும் நிம்மதி இருக்கும். நமக்கு நிம்மதி இல்லாமல் போக காரணமே வீட்டில் இருக்க கூடிய துர்சக்திகள் தான்.
கோயில்களில் நடைபெறக்கூடிய எல்லா நிகழ்ச்சிகளிலும் பச்சை கற்பூரத்தை இடம் பெற செய்வது நல்லது. பச்சை கற்பூரத்தை எடுத்து குலதெய்வத்தையும், இஷ்டதெய்வங்களையும் மனதார வணங்கி நமக்கு வேண்டியவற்றை நினைத்து பிரார்த்தனை செய்து அந்த பச்சை கற்பூரத்தை டப்பாவில் போட்டு வைத்துவிட வேண்டும். இப்படி செய்வதால் நம் வாழ்வில் நல்லதொரு மாற்றம் ஏற்படும். நம் வீட்டில் உள்ள துர்சக்திகள், கெட்ட சக்திகள், கண்திருஷ்டி, எதிர்மறை ஆற்றல் அனைத்தும் விலகி செல்வ செழிப்பான வாழ்க்கை அமையும். வாசனை மிகுந்த இடங்களில் மகாலட்சுமி குடிகொள்வாள். ஆதலால் பணம் புழங்கும் இடங்களில் வாசனை மிக்க பச்சை கற்பூரமானது இருந்தால் செல்வம் செழிக்கும்.
பச்சை கற்பூரத்தின் வாசனையினாலும், அதன் மகிமையினாலும் வீட்டில் இருக்க கூடிய துர்சக்தியானது வீட்டை விட்டு வெளியே போய் விடும். அதனால் வீட்டில் எப்போதும் நிம்மதி இருக்கும். அதுமட்டுமல்லாது பச்சை கற்பூரத்திற்கு பணத்தினை ஈர்க்கும் தன்மை இருக்கிறதினால் வீட்டில் பணத்திற்கு கஷ்டம் இல்லாமல்வீட்டில் பணம் எப்போதும் இருந்து கொண்டே இருக்கும். வீண் செலவுகள் இருக்காது. இந்த கற்பூரத்தினை பணம் இருக்கும் இடத்தில் வைக்கும் போது, அங்கு வரும் எதிர்மறையான வாசங்களையும், சக்திகளையும் இது தடுத்து நிறுத்தும்.
பச்சை கற்பூர தீர்த்தம் பல ஆலயங்களில் தீர்த்தமாக தரப்படுகின்றன. நமது செம்பாக்கம் ஸ்ரீமத் ஔஷத லலிதா மஹா திரிபுரசுந்தரி விஸ்வரூப மூலிகை அம்பாள் ஆர்த்திக்கு பச்சை கற்பூரம் மட்டுமே பயன்படுத்தப்படுகிறது. இத்தலத்தில் வரும் பக்தர்கள் தங்கள் வசதிக்கேற்ப பச்சை கற்பூரம் வாங்கி தருவது வழக்கமாக உள்ளது. பக்தர்கள் தங்கள்  முக்கிய முதன்மை பிரார்த்தனைகளை  சீட்டில் எழுதி அதனுடன் பச்சை கற்பூரம் சேர்த்து மூலிகை அம்பாள் எதிரில் உள்ள பெட்டியில் போடுவது வழக்கம். இந்த பிரார்த்தனைகளை  மஹாராணி ஸ்ரீமத் ஔஷத லலிதா பாதத்தில் நவாவரண பூஜை காலத்தில் தேவி திருவடியில் வைத்து சுவாமிஜி வேண்டுதல் நிறைவேற பிரார்த்திப்பார்கள். கோரிக்கைகள் மூன்று பெளர்ணமிக்குள் நிறைவேற்றி தருவதாக ஐதீகம்.

நன்றி.  ஓம் நமசிவாய

மன்னிப்பைப் பற்றி மருத்துவம் சொல்வது

 ‘நீங்கள் ஒரு நபர் மீது எரிச்சலும், கோபமும் கொள்ளும்போது உங்கள் மூளையில் ஒரு வடிவம் உருவாகிறது. உங்கள் எரிச்சலும், கோபமும் அதிகரிக்க அதிகரிக்க அந்த வடிவம் ரொம்ப வலுவாக மாறிவிடுகிறது. அந்த வலுவான நிலைமை பின்னர் உங்கள் இயல்பாகவே மாறிப் போகிறது. அதன் பின் கோபமும், எரிச்சலும் இல்லாமல் வாழ்வது உங்களுக்கு குதிரைக் கொம்பாகி விடும்’ என்கின்றன மருத்துவ ஆராய்ச்சிகள். ‘மன்னிக்கும் பழக்கமுடைய மனிதர்கள் ஆனந்தமாகவும், ஆரோக்கியமாகவும் இருக்கிறார்கள்’ என்கின்றன பல்வேறு ஆராய்ச்சி முடிவுகள்.

‘கேம்பைன் பார் பர்கிவ்னஸ் ரிசர்ச்’ சுமார் 48 ஆராய்ச்சிகளின் முடிவை விலாவரியாக எடுத்துரைக்கிறது. எல்லா ஆராய்ச்சிகளுமே மன்னிக்கும் மனிதர்கள் உடலிலும், உள்ளத்திலும் ஆரோக்கியமாகவும் ஆனந்தமாகவும் இருப்பதாக அடித்துச் சொல்கின்றன.ஸ்டான்போர்ட் பல்கலைக் கழக பேராசிரியர் தனது ‘லேர்ன் டு பர்கிவ்’ (மன்னிக்கக் கற்றுக் கொள்ளுங்கள்) எனும் நூலில் மன்னிப்பின் மகத்துவத்தையும், அது தரும் ஆரோக்கியமான வாழ்க்கையையும் பற்றி பிரமிப்பூட்டும் வகையில் எழுதியிருக்கிறார்.

மன்னிப்பவர்களுக்கு புற்றுநோய் வரும் வாய்ப்பும் குறைவு என்கின்றன ஏல் மெடிக்கல் பல்கலைக்கழக ஆய்வுக் கட்டுரைகள். மன்னிக்கும் மனம் நமது உடலில் நோய் எதிர்ப்புச் சக்தியை அதிகரிக்கும். மன அழுத்தத்தை குறைக்கும். இதுவே காரணமாம்.இந்தியா மதங்களின் நாடு. மதங்கள் எல்லாமே மன்னிப்பைப் பேசுகின்றன. `ஒரு மனிதன் தேவ நிலையை அடையவேண்டுமெனில் மன்னிப்பும் அவனிடம் இருக்க வேண்டும்’ என்கிறது பகவத் கீதை.இஸ்லாம் கடவுளை ‘அல் கபிர்’ என்கிறது, முழுமையாய் மன்னிப்பவர் என்பது அதன் அர்த்தம்.

‘மன்னிக்க மறுப்பவர்கள் சுவர்க்கம் செல்ல முடியாது’ என்கிறது கிறிஸ்தவம்.ஆனால் மதங்களைப் பின்பற்றும் நமது நாட்டில் மன்னிப்பு எவ்வளவு தூரம் ஆரோக்கியமாக இருக்கிறது? நாட்டில் நடைபெறும் இன்றைய நிகழ்வுகளை மீடியாக்களில் பார்த்தாலே உண்மைத்தன்‍ையை தெரிந்துகொள்ள முடியும்..மன்னிப்பு சட்ட திட்டங்களால் வருவதில்லை. மன்னிக்கும் மனதுடைய மக்களுடன் பழகும் போது நம்மை அறியாமலேயே அந்த நல்ல பழக்கமும் நம்முடன் வந்து ஒட்டிக் கொள்கிறது. மன்னிக்கும் மனநிலை பெற்றோருக்கு இருந்தால் பெற்றோர் களைப் பார்த்து வளரும் குழந்தைகள் மன்னிக்கும் மனநிலையை எளிதாகவே பெற்று விடுவார்கள். குழந்தைகளுக்கு மன்னிக்கும் மனம் இயல்பாகும்போது எதிர்கால சமூகம் வன்முறைகளின் வேர்களை அறுத்துவிடும்.அடுத்தவர்களுடைய மனநிலையில் இருந்து கொண்டு நமக்கு நேர்ந்த கசப்பான நிகழ்வை யோசித்துப் பார்த்தால், பெரும்பாலான கோபங்கள் விலகிவிடும். குறிப்பாக கணவன் மனைவி, குடும்பத்தினருக்கு இடையேயான பிணக்குகள், எரிச்சல்கள், வெறுப்புகள் போன்றவையெல்லாம் கதிரவன் கண்ட பனிபோல விலகிவிடும்.

பலவேளைகளில் நாம் கோபத்தை விட்டு விட ரொம்பவே தயங்குகிறோம். கோபம் என்பது வீரத்தின் அடையாளம் என்று போலியாக கற்பனை செய்து கொள்கிறோம். எதிர் நபர் மன்னிப்புக்குத் தகுதியற்றவர் என்று முடிவு கட்டி விடுகிறோம். அப்படி நினைப்பதன் மூலம் நாம் பெரியவர்களாக முயலும் உளவியல் சிக்கலே இது.மன்னிப்பு கடந்த காலத்தின் நிகழ்வுகளை மாற்றாது. ஆனால் அது எதிர்காலத்தின் பாதைகளில் ஆனந்தமான பூக்களைச் சொரியும். வாழ்க்கை பணத்தினாலோ, செல்வத்தினாலோ கட்டப்படுவதல்ல. அது அன்பின் இழைகளால் பின்னப்படுவது.உண்மையான அன்பு இருக்கும் இடத்தில் மன்னிக்கும் மனம் தானே முளைவிடும்.

மன்னிப்புக் கேட்கும் எவருக்கும், மன்னிப்பை மறுக்காதீர்கள்.மன்னிப்புக் கேட்காதவர்களையும் மன்னிக்க மறக்காதீர்கள்…..*மன்னித்து மகான் ஆகுங்கள்*மன்னித்து மனிதர் ஆகுங்கள்மன்னித்து மனசமநிலை அடையுங்கள்தேடி தேடி மன்னியுங்கள்நீங்கள் தெய்வமாக வேண்டாம்..இந்த உலகிற்குப் பொருத்தமான மனிதராக வாழ்ந்தால் போதும்

பகிர்ந்து மகிழும் செ.இரவிச்சந்தர்.

அணில்

உலகம் முழுவதும் 365 அணில் ரகங்கள் உள்ளன.  அறிவியல் பகுப்புப்படி ஒரே குடும்பத்தில் அடங்கி விடுகின்றன. மேலும் ரகங்களை தேடி வருகின்றனர் விஞ்ஞானிகள். வாழ்க்கை முறை அடிப்படையில் நிலத்தில் வாழ்பவை. மரத்தில் வாழ்பவை  பறக்கும் அணில் என வகை பிரித்துள்ளனர்.

ஸ்குரோடியா என்னும் விலங்கினக் குடும்பத்தை சேர்ந்தது. பறவை போல் கூடு கட்டு வாழும்.  உலகில் தோன்றி ஐந்து கோடி ஆண்டுகளுக்கு மேல் ஆவதாக கணித்துள்ளனர். இதன் புதை படிவங்கள் உலகின் பல பகுதிகளில் கிடைத்துள்ளன. அனிலை ஆங்கிலத்தில் ஸ்குரெல் என்பர். இது கிரேக்க மொழிச் சொல்.  ஸ்கிரோஸ் என்ற கிரேக்க்ச் சொல். நிழல் என்ற பொருளையும் அவுரா என்பது வால் என்ற பொருளையும் குறிக்கும்.  இரண்டும் இணைந்து ஸ்குரெல் என்றாகிவிட்டது.  கிரேக்க தத்துவ ஞானி அரிஸ்டாட்டில் அணில்கள் பற்றி குறிப்பிட்டுள்ளார்.  வாலுடன் நிழலில் அமர்ந்திருக்கும் பிராணி என்ற பொருளில் பயன்படுத்தியுள்ளார்.

விலங்குகளில் பாலூட்டி வகையை சேர்ந்தது அணில்.  கர்ப்ப காலம் 33 முதல் 60 நாட்கள் வரை.  ஒரே முறை நான்கு குட்டிகள் வரை ஈனும். பிறக்கும்போது உடல் ஒரு அங்குல நீளம் இருக்கும்  எட்டு வாரங்கள் வரை கண்களை திறக்காது.  அப்போது உடல் முழுவதும் முடி வளரும்.  கொறிக்க வசதியாக பற்களும் முளைக்கும். பின் கண்கள் திறந்து உலகை பார்க்கும்.மரக்கிளையில் தீட்டி பற்களை கூர்மையாக்கி கொள்ளும்.  சில நேரம் மின்சார வயர்களை கூட கடித்து துவம்சம் செய்வதும் உண்டு.

இந்த பண்பால் ஒரு முறை அமெரிக்க நாடு முழுவதும் மின் தடை ஏற்பட காரணமாகிவிட்டது அணில்.  கொறித்து பற்களை தேய்க்காவிட்டால் ஆண்டிற்கு அரை அடி நீளம் வளர்ந்து விடும். பற்களால் தோட்டத்தில் குழி தோண்டி நாசமும் செய்யும். பழம் காய்கற்களை மரத்திலே கடித்து குதறி சேதமும் விளைவிக்கும்.  அதே நேரம் பழம் காய்கற்களோடு தீமை செய்யும் பூச்சிகளையும் விழுங்கி விவசாய்களுக்கு நன்மையும் செய்கிறது.  அணிலின் ஆயுட்காலம் ஆறு ஆண்டுகள்.

தகவல் நன்றி    சிறுவர் மலர்.

தொப்பியின் கதை

தலையை பாதுகாப்பது தொப்பி  சூரிய வெப்பம் மற்றும் குளிரில் இருந்து காக்கிறது.  இதில் பல வகை உள்ளன.  ஆண் பெண் அணியும் தொப்பியில் வேறுபாடுகள் உண்டு/ வட்டம் நீள்வட்ட வடிவங்களில் தயாரிக்கப்படுகின்றன்.

சமய சடங்குகளில் பாரம்பரியமாக தொப்பி அணியும் வழக்கம் பல இன மக்களிடம் உண்டு.  ராணுவம்  உள் நாட்டு பாதுகாப்பு போன்ற பிரிவுகளில் பணியாற்றுவோர் கட்டாயமாக தொப்பி அணிகின்றனர்.  அதிகார நிலையில் உள்ள வித்தியாசங்களைக் குறிக்கவும் பயன்படுகிறது தொப்பி. மருத்துவத் துறையில் பாதுகாப்புக் கவசமாக உதவுகிறது.  அழகிய தொப்பியை விரும்பாதவர் இல்லை. அயல் நாட்டினர் வாழ்வில் தொப்பி ஓர் அங்கம். ஆனால் அதுபோன்ற பழக்கம் இங்கு இல்லை.  தமிழில் தொப்பி வியாபாரியும் குரங்கும் என்ற கதை மிகவும் பிரபலம். தொப்பி தோன்றிய கதையை பார்ப்போம்……………..

இது ஐந்து ஆயிரம் ஆண்டுகளுக்கு முன்பே பயன்பாட்டில் உள்ளது. கி மு 3ம் நூற்றாண்டில் வடிக்கப்பட்ட பெண் சிலை தொப்பி அணிந்து காட்சி தருகிறது. அதை கிரேக்கர்கள் செதுக்கியுள்ளனர்.  வட ஆப்பிரிக்கா பகுதியில் வாழ்ந்த எகிப்தியர் தலைமுடியை மழித்து தொப்பி அணியும் வழக்கம் கொண்டிருந்தனர். மத்திய கிழக்கு பகுதியில் தலையை குளிர்ச்சியுடன் பேண குல்லா அணிந்தனர்.

உலகம் முழுவதும் பரவலாக தொப்பி அணியும் வழக்கம். சில நூற்றாண்டுகளுக்கு முன் தான் ஏற்பட்டது.  ஐரோப்பிவில் ஜான் கேதரிங்டன் என்பவர் கி பி 1797ல் டாப் ஹேட் எனப்படும் வட்ட வடிவ தொப்பி அணிந்து தெருவில் நடமாடி பொதுமக்களை பயமுறுத்தியதாக அவர் கைது செய்யப்பட்டார். நீதி மன்றத்தில் அபராதமும் விதிக்கப்பட்டது.  எல்லா வகை தொப்பியையும் ஹேட் என்ற ஆங்கிலத்தில் குறிப்பிடுகின்றனர்.  அவற்றில் பல ரகங்கள்  பல பெயர்களில் உள்ளன.  ஐரோப்பிய நாடான பிரான்சில் பெரெட் என்ற ரக தொப்பி பிரபலம் பிறந்த நாள் விழாவில் அணியும் கூம்பு வடிவத் தொப்பியும் இங்கு தான் தோன்றியது.

ஐரோப்பிய நாடான ஸ்காட்லாந்தில் பால்மோரல் என்ற தொப்பி அணிகின்றனர். இது வட்ட வடிவலானது.,மாயா ஜாலம் செய்பவர் அணியும் மேஜிக் தொப்பி பீவர் ஹேட் எனப்படும். அமெரிக்க ஜனாதிபதியாக இருந்த அபிரஹாம் லிங்கன் இந்த வகை தொப்பியை விரும்பி அணிந்து வந்தார்.  பின் மிகவும் பிரபலமானது.  அமெரிக்காவில் பிரபலமாக உள்ளது டெர்பி வகை தொப்பி.  கோமாளியின் அடையாளமாக உள்ளது கூம்பு வடிவத் தொப்பி. குதிரை மேய்ப்பவர் அணிவது கவ்பாய் தொப்பி எனப்படுகிறது.  ஒரு வகை தொப்பி தென் அமெரிக்க நாடான ஈக்வடாரில் அதிகம் தயாரிக்கப்படுகிறது. அதன் அண்டை நாடான பனாமாவில் அதிகம் விற்பனையாவதால் பனாமா தொப்பி என பெயர் பெற்றுள்ளது. 

ஆசிய நாடுகளில் பனை தென்னை ஓலை மற்றும் இலைகளில் தயாரித்த தொப்பியை அணிகின்றனர்.  ஆண் பெண் அணியும் தொப்பிகளுக்கு பெயர் மாறுபாடு இல்லாவிட்டாலும் அதை வினியோகிப்போருக்கு வேறு வேறு பெயர்கள் உள்ளன்.  ஆண்களுக்கு தொப்பி வினியோகிப்பவரை ஹோட்டர்ஸ் என்ற பெயரால் குறிப்பர்.  பெண்களுக்கு வினியோகிப்பவர் மில்லினர்ஸ் எனப்படுகின்றனர்.  ஐரோப்பாவில் 19ம் நூற்றாண்டில் பேஸ்பால் என்ற விளையாட்டில் தொப்பி அணிந்தே  நடுவர் பங்கேற்றார். இப்போது கிரிக்கெட் போட்டியிலும் நடுவர் தொப்பிவுடன் தோன்றுவதைக் காணலாம்.

சமையல் கலைஞர்கள் அணியும் தொப்பியில் 100 மடிப்புக்கள் இருக்கும். அவர்களால் 100 வகையில் முட்டையை சமைக்க முடியும் என்பதே இதற்கு விளக்கம்.   கைத்தொழிலாக இருந்தது தொப்பி தயாரிப்பு. 10 ம் நூற்றாண்டிலிருந்து தொழிற்சாலைகளில் உற்பத்தியாகிறது. உலகின் முதல் தொப்பி தயாரிப்புத் தொழிற்சாலை அமெரிக்கா டான்பர் நகரில் 1851 ல் துவங்கப்பட்டது. தொப்பியின் பரிணாம வளர்ச்சி தான் முகக்கவசம்.

தகவல் நன்றி    சிறுவர் மலர்.

மல்லர் கம்பம்

பழங்காலத்தில் உடலை வலுவேற்றும் விளையாட்டை மல்லர் கம்பம் என்பர். ஓய்வு நேரத்தில் பயிற்சி செய்தூடலை வலுவேற்றினர் படை வீர்ர்கள்.  ஆதிமனிதன் மரத்தில் வசித்தபோது ஏறி இறங்க பல வழி முறைகளை கையாண்டான். மனித உருவத்தை மரம் மற்றும் கல்லில் வடித்து மல்லுக்கட்டி பயிற்சி மேற்கொண்டான். அந்த வகையில் இந்த விளையாட்டுக்கும் மல்லர் கம்பம் என்ற பெயர் உண்டானது.

உரலில் குழவி சுற்றுவது போல் கம்பு செயல்பட்டால் அது சிலம்பம் விளையாட்டு  குழவி நிலைத்து நிற்க உரல் சுற்றுவதுபோல செயல்பட்டால் அது  மல்லர் கம்பம் எனப்படும்.  பண்டை காலத்தில் தமிழகத்தை ஆண்ட சோழர் பல்லவர் இந்த விளையாட்டை போற்றி பாதுகாத்தனர்.  அவர்கள் அவையில் சிறந்த மல்லர்கள் இருந்ததற்கு குறிப்புகள் உள்ளன.

மல்யுத்தத்தில் சிறந்து விளங்கியவர் முதலாம் நரசிம்ம வர்ம பல்லவன்  அவர் மாமல்லன் என பெருமையுடன் அழைக்கப்பட்டார்.  இவருக்கு மல்லர் கம்பத்திலும் சிறந்த பயிற்சி இருந்தது.  களரி மல்யுத்தம் பிடிவரிசை வர்மம் போன்ற தற்காப்புக் கலைகளும் மல்லர் கம்பம் போல் தமிழகத்தின் தன்னிகரற்ற விளையாட்டுகளாக திகழ்ந்தன.

மன்னர்களிடம் ஒற்றராக பணிபுரிந்தோர் மல்யுத்த வீர்ர்கள் மட்டுமே இக்க்லையை அறிந்திருந்தனர்.  மகாராஷ்டிரா மானிலத்தைச் சேர்ந்தவர் தாதா தியோதர்.  இவர் 18 ம் நூற்றாண்டில் இவ்விளையாட்டுக்கு புத்துயிர் அளித்தனர்.  மகாராஷ்டிரா உத்தரபிரதேசம் குஜராத மானிலங்களிலும் இது பிரபலமாக உள்ளது.  மகாராஷ்டிராவில் எந்த விழாவிலும் இறை வணக்கத்திற்கு பின் ஐந்து நிமிடங்கள் மல்லர் பயிற்சி நடத்துவது வழக்கமாக உள்ளது.  தமிழத்தில் இக்கலை பயிற்சி அரிதாகி வருகிறது.  உரியடி விளையாட்டிற்கு பயன்படுத்தும் வழுக்கு மரம் அக்காலத்தில் சோழர் விளையாடிய மல்லர் கம்பத்தின் மறு உருவம்.

எண்ணெய் தடவிய வழுக்கு மர உச்சியில் ஏறுவதும் இத்தகைய பயிற்சி முறையை ஒட்டியது தான்   நிலைக்கம்பம் தொங்கு கம்பம் கயிறு விளையாட்டு எனவும் இது அழைக்கப்பட்டிருக்கிறது.   மல்லர் கம்பத்தில் எண்ணெய் தடவி கயிற்றில் தொங்கி வீர தீர விளையாட்டுக்கள் ஆசனங்கள் செய்து பழகும் வழங்கமும் இந்தியாவில் பல பகுதிகளில் இருந்தது.

தகவல் நன்றி   வ முருகன்   சிறுவர் மலர்.