தேங்காய்க் கதை தெரியுமா ?*

சிவதரிசனம் முடிந்து அனைவரும் திரும்பிக் காெண்டிருந்தார்கள்.

ஒரு தேங்காய் மட்டும் ஆணவத்தாேடு சிவபெருமானை நெருங்கி பேசத் தாெடங்கியது. சிவபெருமானுக்கும் தேங்காய்க்கும் நடந்த உரையாடல்…

” நான் தேவர்களையே காய் (காேபிப்) ப்பவன் அதனால்தான் எனக்குத் தேங்காய் என்று பெயர் வந்தது தெரியுமா?” எனக்கேட்டு தானும் சிவபெருமானும் ஒன்று என வாய்ப்பந்தல் பாேட்டது. அதன் நாேக்கம் அறிந்த சிவபெருமானும் அப்படியா?    நான் கெட்டியான ஆமை ஓடு அணிந்திருக்கிறேனே” என்றார். 

தேங்காய் விடவில்லை. நானும் கூடத்தான் மேலே கெட்டியான ஓடு வைத்திருக்கிறேன். தேங்காய் ஓடு என்பார்களே கேள்விப்பட்டதில்லையா?” என்றது இறுமாப்பாேடு. சிவபெருமான் தாெடர்ந்தார்.  “யானை,புலி பாேன்றவற்றை உரித்திருக்கிறேனே” என்று சாெல்ல,   தேங்காய் , “நான் கூடதான் மட்டையை உரித்துவிட்டு உட்கார்ந்திருக்கிறேன்” என்றது இறுமாப்பாக. சிவபெருமான் மேலும் பாெறுமையாக, “சரி…சரி..நான் வெண்ணீறு பூசி, வெள்ளைவெளேரென்று விளங்குகிறேனே” என்றார். தேங்காயாே மேலும் ஆணவத்தாேடு, ” எனக்கு அந்தக் கட்டாயமெல்லாம் இல்லை. இயற்கையாகவே நான் வெள்ளையாகத்தான் இருக்கிறேன்” என்றது. 

“நான் கங்கையைத் தாங்குகிறேன்” என்றார் சிவன்.   “நான் இளநீரைத் தாங்குகிறேன்” என்றது தேங்காய். “எனக்கு மூன்று கண்கள்” என்று சிவபெருமான் சாெல்லத் தாெடங்கியதுமே இடைமறித்த தேங்காய், “அட….. எனக்கும் கூடத்தான் மூன்று கண்கள் உள்ளன” என்றது.    “நான் மறைகளின் முடியி்ல் இருக்கிறேன்” என்றார் சிவன்.   “நான் மரங்களின் முடியில் இருக்கிறேன்” என்றது தேங்காய்.    “எனக்கு சடைக்குடுமி இருக்கிறதே” என்றார் சிவபெருமான்.    “எனக்கும் தான் குடுமி இருக்கிறது” என்றது தேங்காய்.   ஆணவத்தின் உச்சியிலே ஒலித்த தேங்காயின் பதிலைக் கேட்ட சிவபெருமான்,

“தேங்காயே… பணிவு என்பதே காெஞ்சமும் இல்லாத அகம்பாவம் பிடித்த நீ சிதறும் படியாக எல்லாரும் உன்னை உடைக்கட்டும்” என்றார். அடக்கம் இல்லாமல் ஆணவமாகப் பேசினால் சிதறு காயாக நம் வாழ்க்கை சிதறிப்பாேகும் என்று உணர்த்துகிறது இந்தக்கதை…

 

Advertisements

அழுகிய__தேங்காய்

 அபசகுனமா? உண்மை இது தான்..தெரிஞ்சிக்கோங்க
வீட்டில் நல்ல காரியங்கள் செய்யும் போது பயன்படுத்தும் முக்கியப் பொருள் தேங்காய். ஒரு கண், இரண்டு கண், மூன்று கண் என தேங்காய் உண்டு.    கண் நரம்பு இல்லாத தேங்காய் கிடைக்காததால் கன்னியாகுமரி பகவதி அம்மன் திருமணம் ஆகாமல் நிற்பதாக சாஸ்திரம் கூறுகிறது.  ஆகவே ஒரு கண் தேங்காய்!#பிரம்மனாகவும்,  இரண்டு கண் தேங்காய் #லஷ்மியாகவும்,
மூன்று கண் தேங்காய் #சிவனாகவும் போற்றப்படுகிறது.
இறைவனுக்கு நம் உள்ளத்தின் சுத்தத்தைக் காண்பிக்க #தேங்காயில்_சில_சகுனங்கள் உண்டு.
தேங்காய் உடைக்கும் பொழுது #அழுகி_இருந்தால் தேவையில்லாத பயம், குழப்பம், கலக்கம் & ஏமாற்றம் அடைந்ததாக எண்ணிக்கொள்வார்கள்.   ஒரு சிலா் நடக்கக்கூடாதது நடந்துவிட்டதை போல தானும் பயந்து மற்றவா்களையும் பயமுறுத்துவார்கள்.ஆனால்      #அழுகிய_தேங்காய் #ஆனந்தத்தின்_அறிகுறி என்பது யாருக்கெல்லாம் தெரியும்.
அழுகிய அனைத்து தேங்காயும் காரிய சித்தி ஆவதன் அறிகுறி. ஒரு துணி எடுத்து நீரில் நனைத்து அழுக்கை துடைத்து பிழிந்தால் அழுக்கு நீர் தான் வரும் அதே போல தான் உங்கள் பீடை, சரீர பீடை, துா்சொப்னங்கள், கண்திருஷ்டி, ரோகம், ஆகியவை அனைத்தும் பிரார்த்தனை செய்து உடைக்கும் தேங்காயில் விலகியதன் அறிகுறியை காட்டுகிறது.
முழு கொப்பரையாக இருந்தால் #சுபகாரியம் உண்டாகும், #புத்திர_பாக்யம் உண்டாகும், #பிரிந்த_குடும்பம் ஒன்று சேரும் என்று பெரியோர்கள் கூறுவார்கள்.
அடுத்து, தேங்காயில் பூ இருந்தால் ரோக நாஸ்தி, எதிர்பாராத வரவு சொர்ண லாபம் ஏற்படுமாம்.
 நீங்கள் உங்களையோ அல்லது #இறைவனையோ
 #முழுமையாக_நம்பினால் #போதும்

நீங்கள் நம்பிக்கை உள்ளவரா?

 

எல்லாம் ஒழுங்காக நடக்க…

நீங்கள் நம்பிக்கையோடு இருந்தால் அதன் பெயர் நம்பிக்கையில்லை…

எதுவுமே ஒழுங்காக நடக்காதிருக்கும் போதும், நீங்கள் தைரியமாக வாழ்ந்தால் அதன் பெயரே நம்பிக்கை  

நீங்கள் நினைப்பதெல்லாம் உங்களுக்கு நடக்க நீங்கள் பலமானவராக உணர்ந்தால் அதன் பெயர் நம்பிக்கையில்லை…

நீங்கள் நினைக்காத சோகங்கள் உங்களுக்கு நடந்தாலும்…நீங்கள் அசராமலிருந்தால் அதன் பெயரே நம்பிக்கை

.

உற்றாரும், உறவினரும் உங்களுக்கு உதவி செய்ய…நீங்கள் நிதானமாக இருந்தால்

அதன் பெயர் நம்பிக்கையில்லை…

உங்களுக்கு உதவ யாருமே தயாராக இல்லாத சமயத்திலும்…நீங்க பக்குவத்தோடிருந்தால் அதன் பெயரே நம்பிக்கை…

எல்லோரும் உங்களைக்கொண்டாட, நீங்கள் சந்தோஷமாக இருந்தால் அதன் பெயர் நம்பிக்கையில்லை…

எல்லோரும் உங்களை அவமதித்து ஒதுக்கித் தள்ள…அவர்கள் முன் ஜெயிக்கப் போராடினால் அதன் பெயரே நம்பிக்கை

உங்கள்l முயற்சிகளெல்லாம் வெற்றியடைய நீங்கள் அழகாகதிட்டமிட்டால் அதன் பெயர் நம்பிக்கையில்லை…

உங்களுடைய எல்லா முயற்சிகளும் தோல்வியடைய, அதிலிருந்து பாடம் கற்று நீங்கள் முயன்று கொண்டேயிருந்தால் அதன் பெயரே நம்பிக்கை…

எல்லோரும் உங்களுக்கு நம்பகமாக நடக்க, நீங்கள் தெளிவாய் முடிவெடுத்தால் அதன் பெயர் நம்பிக்கையில்லை…

உங்களுக்கு வேண்டியவரெல்லாம் உங்கள் முதுகில் குத்திக் கொண்டேயிருக்க, நீங்கள் தெளிவான வழியில் சென்றால், அதன் பெயரே நம்பிக்கை…

உங்களிடத்தில் எல்லாம் இருக்க, நீங்கள் எதிர்காலத்தைப் பற்றிக்கவலையில்லாமல் இருந்தால்,  அதன் பெயர் நம்பிக்கையில்லை…

உங்களிடத்தில் எதுவுமே இல்லாத பச்சத்தில், நீங்கள் எதிர்காலத்தை நினைத்துப் பயப்படாமல் இருந்தால் அதன் பெயரே நம்பிக்கை…

இந்த நம்பிக்கை தான் வாழ்க்கை…

 

பிரச்சினையா?  அசௌகரியமா?

அமெரிக்க கப்பற்படையில் மிகப் பெரிய பதவி வகித்து ஓய்வு பெற்ற ஒருவர்,  ’நான் கற்ற பாடம்’  என்ற தலைப்பில் அவர் வாழ்க்கையில் கற்ற பாடத்தைப் பற்றி எழுதியுள்ளார்.    அவர் கப்பற்படையில் சிறிய பதவியில் இருந்த காலம் அது. நடுக்கடலில் இருந்த கப்பலில் ஏதோ சிரமமான வேலை அவருக்கு ஒதுக்கப்பட்டிருந்தது.  வேலைப்பளு அதிகம்  இருந்த ஒரு நாள், வேறு சில கூடுதல் பணியும் அவர் தலையில் விழ… அவருக்கு கோபம் தாளவில்லை. நேராக தன்  உயரதிகாரியான கப்பலின் கேப்டனிடம் சென்று கோபத்தில் கத்தியிருக்கிறார்.

‘முதலிலேயே என் பணிக்கு உதவியாளரை தரவில்லை. இப்போது கூடுதல் வேலை வேறு தருகிறீர்கள்.  எனக்கு பிரச்சினைக்கு மேல் பிரச்சினை (problem) தருகிறீர்களே? எப்படி என்னால் வேலை பார்க்க முடியும்?’  என்கிற ரீதியில் சுமார் கால் மணி நேரம் விடாமல் பொரிந்து தள்ளியிருக்கிறார்.   அவர் பேசியதில்  ’பிரச்சினை’  என்ற சொல் பல முறை உபயோகப்படுத்தப் பட்டிருக்கிறது.   எல்லாவற்றையும் பொறுமையாகக் கேட்ட கப்பலின் வயதான கேப்டன் அமைதியாகச் சொன்னாராம்:

‘நீ பேசும்போது பிரச்சினை’ என்ற வார்த்தையை அதிகம் பயன்படுத்தினாய்.  பிரச்சினை என்றால் என்ன என்று உனக்குத் தெரியுமா?   உனக்கு முதுகுத்தண்டு முறிந்து போய் படுத்த படுக்கையாய் இருக்கிறாய். அது குணமாக வருடக்கணக்காகும் என்றால் அது  பிரச்சினை.  உன் வீடு எரிந்துபோய், இருக்கின்ற எல்லாவற்றையும் இழந்து நீ நடுத்தெருவில் நின்றால் அது  பிரச்சினை…  ஆண்டாண்டு காலம் முயன்றால் மட்டுமே சரி செய்ய முடியும் அல்லது சரி செய்யவே முடியாது என்கிற வகையில் வருவது மட்டுமே பிரச்சினை.  இதுபோன்ற பிரச்சினைகள் மனிதனின் வாழ்க்கையில் ஓரிரண்டு வரலாம். வராமலும் இருக்கலாம்.

மற்றபடி நீ  பிரச்சினை என்ற பெயரில் சொல்கின்ற எல்லாமே அசௌகரியங்கள்   (inconveniences)  இதுபோன்ற  அசௌகரியங்கள்  வாழ்க்கையில் நிறைய வரும்.  அந்தந்தச் சமயத்தில் இவை பெரிதாகத் தோன்றும்.  ஆனால் மணிக்கணக்கிலோ, நாட்கணக்கிலோ இவை சமாளிக்கப்பட்டு மறக்கப்படக் கூடியவை. பின்னாளில் யோசித்துப் பார்த்தால் அவை,  அற்ப விஷயங்களாகத் தோன்றும்.   இப்போது ஆத்திரப்படும் உனக்கே ஆறு மாதம் கழித்து நினைத்துப் பார்க்கையில் இது அவ்வளவு பெரிய விஷயமாய் தோன்றாது. நான் சொல்வதை நன்றாக நினைவு வைத்துக் கொள்.

நமது வாழ்க்கை முழுவதும் எல்லா கட்டங்களிலும் இதுபோன்ற அசௌகரியங்கள் நிறையவே இருக்கும். இதற்கெல்லாம் பிரச்சினை என்ற பெயரிட்டு வாழ்க்கையைப் பார்த்தால் நீ என்றுமே மகிழ்ச்சியாய் இருக்க முடியாது‘  என்று மிகவும் அமைதியாக அறிவுரை கூறியிருக்கிறார்.   அவர் சொன்னது மிகப் பெரிய பாடமாக எனக்கு இருந்தது.

அன்றிலிருந்து நான் எனக்கு சிக்கலை ஏற்படுத்தும் சூழ்நிலைகள் வரும்போதெல்லாம் அது  உண்மையான பிரச்சினையா, இல்லை அப்போதைய அசௌகரியமா  என்று என்னையே கேட்டுக்கொள்ள ஆரம்பித்தேன். நம் வாழ்க்கையில் அசௌகரியங்களைத் தான் அதிகம் சந்திக்கிறோம் என்றும் உண்மையில் அவை அவ்வளவு பெரிய விஷயங்கள் அல்ல என்றும் புரிய ஆரம்பித்தது.    கோபம், வருத்தம் எல்லாம் குறைய ஆரம்பித்து பொறுமையும், அமைதியும் என்னில் பெருக ஆரம்பித்தது”  என்று அனுபவப் பூர்வமாகச் சொல்லியிருந்தார்..

நாமும் நிதானமாக யோசிப்போம்:    நமது பிரச்சினை உண்மையில் பிரச்சினை தானா,   இல்லை தற்போதைய அசௌகரியமா என்று!

 

– படித்ததில் பிடித்தது.

 

தனித்துப் போகிறான் மனிதன் ………….தவிக்கப் போகிறான்.

காலையில்  எழுப்பிட அப்பா
வேண்டாம் – Alarm app -இருக்கு!
நடைபயிற்சிக்கு நண்பன்
வேண்டாம் – step counter இருக்கு!
சமைத்து தந்திட அம்மா
வேண்டாம்  – zomato, swiggy app இருக்கு!
பயணம் செய்ய பேருந்து
வேண்டாம் – Uber,OLA app இருக்கு!
விலாசம் அறிய டீ – கடைக்காரரும்,
ஆட்டோ ஓட்டுனரும் வேண்டாம்
Google Map இருக்கு!
மளிகை வாங்க
செட்டியார் தாத்தா கடைக்கும்,
அண்ணாச்சி கடைக்கும்
போக வேண்டாம் – Big Basket இருக்கு!
துணி, மணிகள் வாங்க
கடைத்தெரு போக வேண்டாம் –
Amazon , Flipkart app இருக்கு!
நேரில் சிரித்து பேசிட
நண்பன் வேண்டாம் –
What’s up, facebook இருக்கு!
கைமாறாக பணம் வாங்க
பங்காளியும்,அங்காளியும்
தேவையில்லை – Paytm app இருக்கு!
மற்றும் பல தகவலுக்கு நம்ம
Google டமாரம் இருக்கு!
இப்படி தனித்து வாழ்ந்திட
அனைத்தும் இருக்கு…..
App என்னும் ஆப்பு!!!
உள்ளங்கை நெல்லிக்கனியென
நீ நினைக்க !
விரித்திருப்பதோ மீள முடியாத
வலைதளம்.!
சிக்கிக்கொண்டோம் பூச்சிகளாய்!
விழித்தெழந்து விடை கொடு..!
செல்லின அடிமைகயாய் இல்லாமல்
உறவுகளோடும் சேர்ந்து ஓர்
வலை பின்னுவோம்…..!
என்றும் அன்புடன் …
படித்ததில் பிடித்தது ..🙂

முயல், ஆமை கதையின் லேட்டஸ்ட் வெர்ஷன்.!

முயலும் ஆமையும் ஓட்டப் பந்தயம் வைக்கின்றன. முயல் வேகமாக ஓடினாலும், வழியில் தூங்கிவிட, ஆமை மெதுவாகச் சென்றாலும் தூங்கும் முயலைத் தாண்டிச் சென்று பந்தயத்தில் ஜெயித்துவிடுகிறது.

நீதி: தலைக்கனம் கூடாது. வேகத்தைவிட, நிதானம் முக்கியம் ஜெயிக்க!

வெயிட்… இனிதான் கதையே ஆரம்பம்!   தோல்வியை நினைத்து மனவேதனை அடைந்த முயல், ‘நாம ஓவர் கான்ஃபிடன்ட்டா இருந்ததாலதான் தோத்துட்டோம்’ என்பதைப் புரிந்துகொண்டு, மீண்டும் ஆமையைப் பந்தயத்திற்கு அழைக்கிறது. ஆமையும் ஒப்புக்கொள்ள, பந்தயம் ஆரம்பிக்கிறது. முயல், இடையில் எங்கேயும் தூங்காமல் ஓடிச் சென்று, ஜெயிக்கிறது.

நீதி2: நிதானம் முக்கியம் தான், ஆனால் வேகம் அதை விட சிறப்பானது!

கதை முடிந்துவிட்டது என்று நினைத்தால்… அதுதான் இல்லை!   காலங்காலமாக ஜெயித்து வந்த ஆமையால் இந்தத் தோல்வியை தாங்கிக் கொள்ள முடியவில்லை. இம்முறை அது முயலை பந்தயத்துக்கு அழைக்கிறது. இங்குதான் ஒரு ட்விஸ்ட்! பந்தயம் வழக்கமான பாதையில் இல்லை என்று ஆமை சொல்ல, முயலும் அந்த ஒப்பந்தத்தில் கையெழுத்திடுகிறது (!).ஒன்… டூ… த்ரீ… முயல் இடையில் எங்கேயும் இளைப்பாறாமல் ஓட, ஆமை மெதுவாகச் சென்றது. முயல் ஒரு இடத்தில் சடன் பிரேக் போட்டாற்போல நிற்கிறது. பார்த்தால் அங்கே ஒரு ஆறு!  அதைக் கடந்தால் தான் பந்தய இலக்கை அடைய முடியும். ஆற அமர வந்து சேர்ந்த ஆமை அசால்ட்டாக ஆற்றை நீந்தி கோட்டைத் தொட்டு பந்தயத்தில் ஜெயிக்கிறது!

நீதி3: நாம் போட்டியிடும் போது எதிரியின் பலம் அறிந்து, ஆடுகளத்தை நம் பலத்துக்கு சாதகமாக மாற்றிக் கொள்ள வேண்டும்.

இன்னும் கதை முடியவில்லை மக்களே.! ஒரு வழியாக ஆமையும் முயலும் நண்பர்கள் ஆகி, இருவரும் சேர்ந்து பேசி, ஒரு பந்தயம் வைக்க முடிவு செய்கிறார்கள். ஆமை டிவிஸ்ட் வைத்த அதே பாதையில்தான் இம்முறையும் பந்தயம். முயல் வேகமாக ஓட, ஆமை மெதுவாக நகர்கிறது… ஆற்றின் கரை வரை. அதற்குப் பின்..?  ஆமை ஆற்றில் நீந்துகிறது. அப்படியென்றால் முயல்? ஆமையின் முதுகில். கரை சேர்ந்ததும், மீதம் உள்ள தூரத்தை, ஆமையை தன் முதுகில் வைத்தவாறு முயல் ஓடிக் கடக்கிறது. இருவரும் ஒரே நேரத்தில் பந்தயக் கோட்டை அடைகிறார்கள்; இருவரும் வெல்கிறார்கள்!

நீதி4: டீம் வொர்க் வின்ஸ்!

டீம்_வொர்க்

‘‘கணிதத்தில் 1+1 = 2. ஆனால், வாழ்வில் 1+1 = 3. அதாவது, இருவரின் பலம் சேரும்போது, அது ஒரு புது பலத்தை உருவாக்கும். அதனால்தான் நிறுவனங்களில் பணியாட்களைத் தேர்வு செய்யும்போது, அவர்களின் டீம் வொர்க் திறனை முக்கியமாகச் சோதிக்கிறார்கள்.அலுவலக வேலைகளுக்கு மட்டும் இல்லை, வீடுகளிலும் டீம் லிவ்ங் இருந்தால்தான், ஒரு குடும்பம் சிறப்பாகச் செயல்படும். எல்லோரின் பங்களிப்பும் தேவை குடும்பத்தில். எனவே, டீம் வொர்க் வளர்ச்சிக்கு மட்டும் இல்ல, வாழ்வதற்கும் மிக முக்கியம்.  இந்த லேட்டஸ்ட் முயல், ஆமை கதையில் வரும் எல்லா கருத்துக்களுமே ஜெயிக்க முக்கியமானவை. நிதானம் முக்கியம், வேகம் முக்கியம், புதுப்புது வழிகளைத் தேர்ந்தெடுக்க வேண்டியது முக்கியம், இந்த கதை இறுதியாக உணர்த்தும் ‘யூ வின், ஐ வின்!’ அப்ரோச் முக்கியம். மொத்தத்தில், இதுபோல மல்டி ஸ்கில் முக்கியம். அதை கற்றுக் கொடுப்பதும் டீம் வொர்க்கே!

வாழ்க்கையில் முயலும் ஜெயிக்கும், ஆமையும் ஜெயிக்கும்.     முயலாமை மட்டுமே ஜெயிக்காது.

முயன்று தோற்றால் அனுபவம்.  முயலாமல் தோற்றால் அவமானம்.

வெற்றி நிலையல்ல,தோல்வி முடிவல்ல..  முயற்சியை பொறுத்து தான் வெற்றி, தோல்வி..!!

 

ஆனந்தமாக இருப்பது எப்படி?

*எந்தவொரு சூழ்நிலையிலும் ஆனந்தமாக இருக்க ஓஷோ சொல்லும் வழிமுறை :*

அந்தக் கிராமத்தின் ஓய்வு விடுதியில், ஒரு நாள் இரவு ஓஷோவும் மாநில அமைச்சர் ஒருவரும் அடுத்தடுத்த அறைகளில் தங்கி இருந்தனர்.   இரவு முழுவதும் முப்பது அல்லது நாற்பது நாய்கள் அந்த விடுதியைச் சுற்றி குரைத்துக் கொண்டே இருந்தன. அமைச்சரால் தூங்கவே முடியவில்லை. அவர், அன்று காலை முழுவதும் பயணம் செய்திருந்தார்.  மறுநாளும் அலைச்சல் இருக்கிறது. அதை நினைக்க நினைக்க அமைச்சருக்குக் கோபம் அதிகமானது.  நாய்களோ வெறித் தனமாகக் குரைத்து, இரவின் அமைதியைக் கெடுத்தன.

ஆனால், இத்தனைக்கும் மத்தியில் ஓஷோ அடுத்த அறையில் நிம்மதியாக உறங்கிக் கொண்டிருந்தார்.  ஓஷோவை எழுப்பிய அமைச்சர்,  ”என்ன மனிதர் நீங்கள்… இவ்வளவு சத்தத்துக்கு மத்தியில் உங்களால் எப்படி உறங்க முடிகிறது…???” என்று புலம்பினார்.  ஓஷோ, தனது வழக்கமான கிண்டலுடன் கூறினார்:  ”அந்த நாய்கள், உங்களுக்கு ஆதரவாகவோ அல்லது எதிராகவோ இங்கு கூடவில்லை; கோஷமிடவில்லை  பாவம், அந்த நாய்களுக்கு… இங்கு ஒரு மந்திரி தங்கி இருப்பது தெரியாது.  அவை, பத்திரிகை படிப்பதில்லை.  அவற்றுக்கு அறிவும் கிடையாது.  அந்த நாய்களுக்கும் உங்களுக்கும் எந்த சம்பந்தமும் இல்லை.  அவை, தங்களுக்கே உரிய குரைக்கும் வேலையைப் பார்க்கின்றன.

நீங்கள், தூங்குகிற வேலையைப் பாருங்கள்…!!!” என்றார்.  ”நாய்கள் இப்படி ஓயாமல் குரைத்தால், நான் எப்படி தூங்க முடியும்…???” என்றார் அமைச்சர்.  உடனே ஓஷோ, ”நீங்கள், அவை குரைப்பதை எதிர்த்துப் போராடுகிறீர்கள்.  அப்படிப் போராடாதீர்கள்.  பிரச்னை குரைப்பொலி அல்ல…  உங்கள் எதிர்ப்பு உணர்வு.. நீங்கள், சத்தத்துக்கு எதிராக இருக்கிறீர்கள்; இந்த நாய்கள் குரைப்பதை நிறுத்தினால் தான் தூங்க முடியும் என்று ஒரு நிபந்தனை ஏற்படுத்தி விட்டீர்கள்.   நாய்கள் உங்களது நிபந்தனையைக் கவனிக்கப் போவது இல்லை.  நீங்களும் உங்கள் நிபந்தனையை விலக்கப் போவது இல்லை.  ஆனால், நிபந்தனையை விலக்கினால் மட்டுமே நிம்மதி பெற முடியும்..

நடைமுறைக்குச் சாத்தியமானதும் அதுதான்  நாய்களின் குரைப்பை ஏற்றுக் கொள்ளுங்கள்.  இந்த இரவிலும் எவ்வளவு சக்தியுடன் அவை குரைக்கின்றன… பார்த்தீர்களா….??? ஏற்பு உணர்ச்சியுடன் கவனித்தால், குரைப்புச் சத்தமும் ஒருவகை மந்திரம்தான்…!!!” என்றார் ஓஷோ  ‘உதவாக்கரை யோசனை’ என்று மனதுக்குள் பழித்தபடி போனார் மந்திரி.   ஆனால் காலையில், மிகுந்த மகிழ்ச்சியுடன் வந்து ஓஷோவைச் சந்தித்தார் அமைச்சர்…!!!  ”ஆச்சரியம்தான்….!!! எனது எதிர்ப்பு உணர்ச்சியை விலக்கிக் கொண்டு, நாய்கள் குரைப்பதைக் கவனித்தேன்.  ஆழ்ந்து ரசிக்கவும் தொடங்கினேன். அப்படியே உறங்கிப் போனேன்” என்றார் அமைச்சர்.

*ஓஷோ நமக்குச் சொல்கிறார்:*

*”இதை, நீ ஞாபகத்தில் வைத்துக் கொள்.* *உன்னைச் சுற்றி இருப்பவற்றால் நீ எரிச்சல் அடைந்தால், உன் முகத்தை  உள்முகமாகத் திருப்பு..*  *எரிச்சலுக்கான காரணம் நீயாகத்தான் இருப்பாய்..**உனது எதிர்பார்ப்பு அல்லது ஆசை வேறாக இருந்திருக்கும்;*  *அல்லது ஏதோ ஒரு நிபந்தனையை உனக்குள் நீ விதித்திருப்பாய்.*  *அதுதான் உனது எரிச்சலுக்குக் காரணம்..**உலகத்தை நமக்கேற்ப நிர்ப்பந்தப்படுத்த முடியாது..**அதை எதிர்த்துப் போராடும்போது நீ வெறுப்படைகிறாய்” என்கிறார்.*