மயிலாடுமலை கோயில்

உலகிலேயே மிகப்பெரிய முருகப்பெருமான் திருமேனி உடைய கருவறை கொண்ட தலமான #மேல்மாயில் என்ற#மயிலாடுமலை#சக்தி_முருகன் திருக்கோயில் வரலாறு:

வேலூர் மாவட்டத்தில் உள்ள காட்பாடியில் இருந்து குடியாத்தம் போகும் வழியில் கே.வி.குப்பம் வழியாக மேல்மாயில் கிராமத்தில் அமைந்துள்ள  மயிலாடுமலை கோயிலுக்கு செல்லலாம். இம்மலை கோயிலுக்கு படிகள் மற்றும் மலைப்பாதை சாலை வழியாகவும் செல்லலாம். இயற்கை எழில் கொஞ்சும் அழகான சூழ்நிலையில் இக்கோயில் அமைந்துள்ளது. 

மூலவர்: சக்தி முருகன்அம்மன்: வள்ளி மற்றும் தெய்வானை மலை அடிவாரத்தில் இருந்து படிக்கட்டுகள் வழியாக மேலே சென்றால் முதலில்  பஞ்சமுக விநாயகப் பெருமான் அருள்பாலிக்கிறார். விநாயகர் கோயில் கடந்து சென்றால் படிக்கட்டுகள் முடிந்து மலைப்பாதையாக செல்லும். 

வரலாறு:

இத்திருக்கோயில் 1920 ஆம் ஆண்டு கிருபானந்த வாரியார் சுவாமிகளால் அடிக்கல் நாட்டப்பட்டது.  1994 ஆம் ஆண்டு திருப்பணிகள் தொடங்கப்பட்டது. இத்திருக்கோயில் முழுமையாக உருவாக காரணமாக அமைந்தவர் மிளகாய் சித்தர் சுவாமிகள் .அவரது ஜீவசமாதி இத்திருக்கோயில் அடி ஓரத்தில் அமைந்துள்ளது. 

தல சிறப்பு:

உலகிலேயே மிகப்பெரிய 9 அடி முருகப்பெருமான் திருமேனி கொண்ட கருவறை இங்கு தான் உள்ளது. இங்கு கருவறைக்கு உள்ளே கருவறை என சூட்சுமமான வகையில் அமைந்துள்ளது. இத்திருக்கோயிலில் முக்கிய நேர்த்திக்கடன் தேங்காய் கட்டுதல் ஆகும். வேண்டுதல் வைத்து தேங்காயில் அவர்களது பெயர் எழுதி கட்டினால் வேண்டியது நிறைவேறும் என்பது ஐதீகம். மற்ற முருகன் கோயில்களில் இல்லாத வகையில் வள்ளி மற்றும் தெய்வானை அம்மன் தனி தனிச் சன்னதியில் அமைந்து அருள்பாலிக்கின்றனர். இங்கு தைப்பூசம் மற்றும் கிருத்திகை நாட்கள் சிறப்பாக கொண்டாடப்படுகிறது. 

அமைவிடம்: 

வேலூர் மாவட்டத்தில் இருந்து காட்பாடி To குடியாத்தம் போகும் வழியில் கே. வி. குப்பம் தாலுகா மேல்மாயில் கிராமத்தில் உள்ள மயிலாடுமலையில் அமைந்துள்ளது. 

*நன்றிகள் திரு தமிழ் பிரியன் ஐயா அவர்கள்*

கோலியனூர் வாலீஸ்வரர் திருக்கோயில்.

1000 ஆண்டுகள் பழமையான தலங்களில் ஒன்றானதும், வாலி வழிபட்டு சாபவிமோசனம் பெற்ற தலமான #கோலியனூர் #திருவாலீஸ்வரர் #பெரியநாயகிஅம்மன் திருக்கோயில் வரலாறு:

விழுப்புரம் பேருந்து நிலையத்திலிருந்து 9 கிலோமீட்டர் தொலைவில் உள்ளது கோலியனூர் வாலீஸ்வரர் திருக்கோயில். கிஷ்கிந்தையின் அரசன் வாலி வழிபட்ட சிறப்பினை உடையது. அதனால் இறைவன் வாலீஸ்வரர் என்றே அழைக்கப்படுகிறார்.

வாலி தன் தம்பி மனைவியை அபகரித்த தோஷம் நீங்க வழிபட்டதால், சுவாமிக்கு,”வாலீஸ்வரர்” என்று பெயர் ஏற்பட்டது. வீரபத்திரர் சப்த கன்னியரின் பாதுகாப்பிற்காக இங்கு வந்தபோது, அவர் ரிஷபத்தில் வந்தார். இந்த நந்தி கோயிலுக்கு வெளியில் இருக்கிறது. நந்தி அருகில் கொடிமரம் உள்ளது.

தல வரலாறு:

மகிஷாசுரன், கருவில் உருவாகாத பெண்ணால் மட்டுமே அழிவு உண்டாக வேண்டுமென்ற வரம் பெற்றிருந்தான். தான் பெற்ற வரத்தால், தேவர்களை துன்புறுத்தினான். தங்களைக் காக்கும்படி தேவர்கள் சிவனிடம் முறையிட்டனர். சிவன், அம்பிகையிடம், மகிஷாசுரனை வதம் செய்யும்படி கூறினார். அதன்படி அம்பிகை, தன்னிலிருந்து பிராஹ்மி, மகேஸ்வரி, கவுமாரி, வைஷ்ணவி, வாராஹி, இந்திராணி, சாமுண்டி என ஏழு சக்திகளைக் தோற்றுவித்தாள். “சப்தகன்னியர்’ எனப்பட்ட இவர்கள் மகிஷாசுரனை அழித்தனர். இதனால் அவர்களுக்கு தோஷம் உண்டானது.

இந்த தோஷம் நீங்க, கயிலாயம் சென்று சிவனை வேண்டினர். இவர்களது வேண்டுதலை ஏற்ற சிவன், பூலோகத்தில் இத்தலத்தில் தன்னை வழிபட்டு வர, குறிப்பிட்ட காலத்தில் தோஷ நிவர்த்தி செய்வதாக கூறினார். மேலும், அவர்களது பாதுகாப்பிற்காக, தனது அம்சமான வீரபத்திரரையும் அனுப்பி வைத்தார். சிவன் அவர்களுக்கு விமோசனம் தந்து, சிவாலயங்களில் அம்பிகையின் காவலர்களாகவும் இருக்க அருள்பாலித்தார். இதன் அடிப்படையில் இத்தலத்தில், சப்தகன்னியர் தட்சிணாமூர்த்தியிடம் உபதேசம் பெறும் கோலத்தில் காட்சி தருகின்றனர். இத்தகைய அமைப்பைக் காண்பது அபூர்வம். சப்தகன்னியருக்கு அருளியவர் என்பதால் இவரை, “கன்னியர் குரு’ என்று அழைக்கிறார்கள் .

தல சிறப்பு:

இத்தலத்து மூலவர் மேற்கு நோக்கி சுயம்பு மூர்த்தியாக அருள்பாலிக்கிறார் சனகர், சனாதனர், சனந்தனர், சனத்குமாரர் ஆகிய சீடர்களுடன் காட்சி தரும் தட்சிணாமூர்த்தி, விழுப்புரம் அருகிலுள்ள கோலியனூர் வாலீஸ்வரர் கோயிலில், சப்தகன்னியருடன் காட்சி தருகிறார். சனி பகவான் இங்கு தனி சன்னதியில் தெற்கு நோக்கி அருள்பாலிக்கிறார்.

தல அமைப்பு:

மேற்கு நோக்கியவாறு உள்ள இந்த சிவாலயத்தில் பெரிய நாயகி அம்பாளுடன் சிவபெருமான் மூலவராகக் காட்சியளிக்கிறார். வால் தன் தம்பியின் மனைவியை அபகரித்த தோஷம் நீங்க இத்தலத்தில் வழிபட்டதால் மூலவருக்கு வாலீஸ்வரர் என பெயர்சூட்டப்பட்டுள்ளது. இந்தக் கோவிலில் உள்ள சனீஸ்வரரை வணங்குவதால் அனைத்துவித ராசிக்காரர்களுக்கும் உள்ள ஜென்மச் சனிகள், ஏழரைச் சனி, அஷ்டமசனி உள்ளிட்ட தோஷங்கள் நீங்கி செழிப்பான வாழ்க்கை கிடைக்கும். சனியால் பாதிக்கப்பட்டவர்கள் சனிக்கிழமைகளில் இத்தலத்தில் எண்ணெய் தீபம் ஏற்றி வழிபடுவது வழக்கம்.

பொது தகவல்:

பிரகாரத்தில் முருகன், விநாயகர், சனீஸ்வரர், லட்சுமி நாராயணர் ஆகியோரும் இருக்கின்றனர்.

தலபெருமை:

கூர்மாங்க சனீஸ்வரர்:

நவக்கிரகங்களில் ஈஸ்வரன் பட்டம் பெற்ற ஒரே கிரகம் சனிபகவான். இவரது பெயர்ச்சியின் அடிப்படையில் பாவ புண்ணியங்களை அடிப்படையாகக் கொண்டு ஒருவரின் வாழ்க்கையில் நீதிமான் போல செயல்பட்டு அதற்கேற்ற பலன்களை தருபவர். இவரது பார்வையில் சனிபகவான் உட்பட யாரும் தப்ப முடியவில்லை. ஒவ்வொருவரின் ஜாதகத்தில் ஆயுள்காரணமாக விளங்குவதால் உலகின் சகல ஜீவராசிகளுக்கும் ஆயுளை தீர்மானிக்கும் ஆற்றல் பெற்றவர். இத்தனை சிறப்பு வாய்ந்த சனீஸ்வர பகவான் பொதுவாக மற்ற கோயில்களில் நவக்கிரகங்களுடன் தனி சன்னதி அமைந்திருக்கும். ஆனால் ஒரு சில பரிகாரக் கோயில்களில் திருநள்ளாறு, குச்சனூர் போன்ற தனி சன்னதிகளில் மூர்த்தியாக காட்சி தருகிறார். அதைப் போலவே இந்த அருள்மிகு வாலீஸ்வரர் திருக்கோயிலில் ஈசான்ய மூலையில் தெற்கு நோக்கி தனி சன்னதியில் சனிபகவான் காட்சி தருகிறார்.

சனீஸ்வரர் சிறப்புகள்:

தெற்கு திசை நோக்கி அமைந்த காரணம்: வாலி மிகப்பெரிய சிவபக்தன். சூரிய உதயம் முதல் சூரிய அஸ்தமனம் முடிவதற்குள் 1000 சிவாலயங்களில் பூஜை செய்யும் வழக்கம் உடையவன். அதைப் போலவே இங்கு அடர்ந்த வனப் பகுதியில் 100 சிவலிங்கங்களை அமைத்து மேற்கு நோக்கி தவம் செய்வது வழக்கம். இதைப்பற்றி கேள்விப்பட்ட இலங்கை மன்னன் ராவணன் தனது பக்தியினை விட சிறந்த பக்தனான வாலி மீது கோபம் கொண்டு வாலியின் தவத்தைக் கலைக்க முடிவு செய்து பின்புறமாக மறைந்து வந்து தவம் செய்த வாலியினை பின்பக்கம் இறுக்கிப் பிடித்துக் கொண்டு வாலியை எங்கேயும் செல்ல விடாமல் தடுக்க நினைத்தார். இதனை உணர்ந்த வாலி தனது வாலினால் ராவணனை உடல் முழுவதும் சுற்றி கட்டி வாலில் தொங்கவிட்டபடி தனது பூஜைகளை குறித்த நேரத்தில் முடித்துவிட்டார். பின் இராவணனை சிறையில் அடைத்து வைத்திருந்தான். தனது மகன் அங்கதன் விளையாடும் பொருட்டு அவனது தொட்டிலின் மேலே தலைகீழாக தொங்கவிட்டு வேடிக்கை காட்டினான். இதனை கேள்விப்பட்டு இராவணன் மனைவி மண்டோதரி வாலியிடம் மடிப்பிச்சை கேட்டு இராவணனை அழைத்துச் சென்றாள். பின்னாளில் தனது மக்களுக்கு இராவணன் மூலம் எந்தத் துன்பமும் வராமல் தடுக்க தனது ஞான சக்தியால் தெற்கு திசை நோக்கி (இலங்கையை நோக்கி) சனீஸ்வரர் பார்வை பட்டுக் கொண்டே இருக்கும்படி தனி சன்னதியில் பிரதிஷ்டை செய்தார். தெற்கு திசை எமனின் திசை. தனது சகோதரர் எமதர்மனால் ஏற்படும் ஆயுள் கண்ட பிரச்னைகள் இந்த சனீஸ்வர பகவானை வழிபடுவதால் நீங்கும்.

சனீஸ்வரர் வழிபாடு:

இந்த சனீஸ்வரரை வணங்குவதால் அனைத்து வித ராசிக்காரர்களுக்கும் ஏற்படும் ஜன்ம சனி, ஏழரை சனி, அர்த்தமசனி, அர்த்தாஷ்டமசனி, அஷ்டமசனி, மற்றும் சனி திசை ஆகிய அனைத்து விதமான தோஷங்களும் நீங்கி நன்மைகள் ஏற்படும். வழிபடும் முறைகள்: சனியால் பாதிக்கப்பட்டவர்கள் ஏழரை சனி, ஜென்மசனி, அஷ்டம சனி நடப்பவர்கள் சனிக்கிழமைகளில் எண்ணெய் தீபம் ஏற்றி வழிபடுகிறார்கள். இந்த சனீஸ்வரரை வலம் வரக்கூடிய நிலையில் சனி சன்னதியில் அமைந்துள்ளனர். சனிக்கிழமை நாளில்11 சுற்று, 11 வாரங்கள் சுற்றி வர சனியின் பாதிப்புகள் முற்றிலும் நீங்கி நன்மைகள் ஏற்படும்.

ஆயுள் நீடிக்க:

தீராத வியாதிகளுக்கு முன் ஜென்ம பாவங்களே காரணம். முன் ஜென்ம பாவங்களை தீர்க்கும் ஒரே கடவுள் சனீஸ்வரர்தான். ஆயுள் கண்டம் ஏற்படுத்தும் இதய நோய், வலிப்பு நோய், தலைசம்பந்தப்பட்ட நோய்கள், எலும்பு, நரம்பு வியாதிகளில் பாதிக்கப்பட்டவர்கள். சனீஸ்வரரை வழிபட நன்மை நடக்கும். ஆயுள் பலம் வேண்டுவோர் நீல வஸ்திரம் அணிவித்து நீல மலர்களால் அர்ச்சனை செய்து வழிபடலாம். தனது வயதின் எண்ணிக்கையில் தீபம் ஏற்றி வயது எண்ணிக்கையில் சனிதோறும் சுற்றிவந்து நீண்ட ஆயுள் பலம் பெறலாம். சனி மற்றும் ஞாயிற்றுக் கிழமைகளில் ஏழைகளுக்கு எள் மற்றும் பிற சாதங்களை அன்னதானம் செய்யலாம்.

மேற்கு நோக்கிய சிவாலயமான இங்கு பெரியநாயகி அம்பாளுடன் சிவன் காட்சி தருகிறார். வாலி தன் தம்பி மனைவியை அபகரித்த தோஷம் நீங்க வழிபட்டதால், சுவாமிக்கு “வாலீஸ்வரர்’ என்று பெயர் ஏற்பட்டது.வீரபத்திரர் சப்த கன்னியரின் பாதுகாப்பிற்காக இங்கு வந்தபோது, அவர் ரிஷபத்தில் வந்தார். இந்த நந்தி கோயிலுக்கு வெளியில் இருக்கிறது. நந்தி அருகில் கொடிமரம் உள்ளது.

ஏழு நாளும் பூஜை :

பொதுவாக தட்சிணாமூர்த்தியை, வியாழக்கிழமைகளில் வழிபாடு செய்வார்கள். ஆனால், பக்தர்கள் இங்கு தினமும் பூஜை செய்து வழிபடுகிறார்கள். பிராஹ்மிக்கு உரிய அதிதேவதை பிரம்மா. எனவே, தலைவிதி சரியில்லை என வருந்துபவர்கள் மன அமைதி கிடைக்கவும், கல்வியில் சிறப்பிடம் பெறவும் ஞாயிற்றுக் கிழமைகளில் இவளை வழிபடுகிறார்கள். மகேஸ்வரிக்குரிய அதிதேவதை சிவன் என்பதால், முக்தி கிடைக்க சிவனுக்குரிய திங்கட்கிழமைகளில் இவளிடம் வேண்டிக்கொள்கிறார்கள். கவுமாரிக்குரிய அதிதேவதை முருகன் என்பதால், இவளிடம் செவ்வாய் தோஷ நிவர்த்திக்காக வேண்டுகிறார்கள்.

குடும்பத்தில் ஐஸ்வர்யம் பெருக சனிக்கிழமைகளில் வைஷ்ணவியையும், தீராத நோய்கள் விரைவில் குணமாக புதன்கிழமையில் வாராஹியையும், தோஷ நிவர்த்தி பெற வியாழக்கிழமைகளில் இந்திராணியையும், திருமணத்தடை நீங்க வெள்ளிக்கிழமைகளில் சாமுண்டியையும் வழிபடுகிறார்கள். இவ்வாறு ஒவ்வொரு கன்னியரையும் வணங்கும் போது அவர்களுடன், தட்சிணாமூர்த்திக்கும் நைவேத்யம் படைக்கிறார்கள். இதனால், தங்களின் குருவின் கட்டளைப்படி பக்தர்களுக்கு சப்தகன்னியர் அருளுவதாகச் சொல்கிறார்கள். பஞ்சமி திதியன்று, சப்தகன்னியருடன் உள்ள வீரபத்திரருக்கு விசேஷ பூஜை நடக்கும்.

திருவிழா:

சிவராத்திரி, பஞ்சமி நாட்கள் உள்ளிட்ட தினங்களில் வீரபத்திரருக்கு சிறப்புப் பூஜைகள் நடைபெறும். மேலும், பங்குனி உத்திரத்தன்று பல்வேறு சிறப்பு வழிபாடு மற்றும் நிகழ்ச்சிகளுடன் விழா கொண்டாடப்படுகிறது.

வழிபாடு:

தலைவிதியே சரியில்லை என வருத்தத்துடன் வாழ்நாட்களை கழித்துக் கொண்டிருப்பவர்கள் இத்தலத்தில் உள்ள வாலீஸ்வரரை வழிபட்டு அர்ச்சனையும், அபிஷேகம் செய்தால் தலைவிதி மாறி விருப்பமான வாழ்க்கை கிடைக்கம் என்பது தொன்நம்பிக்கை. அடுமட்டுமின்றி, செவ்வாய் தோஷம் நீங்க, இல்லறத்தில் ஐஸ்வர்யம் பெருக, தீராத நோய்கள் விட்டு விலகஇத்தலத்தில் சிறப்புப் பூஜைகள் செய்யப்படுகிறது.

அதிசயத்தின் அடிப்படையில்:

இத்தலத்து மூலவர் மேற்கு நோக்கி சுயம்பு மூர்த்தியாக அருள்பாலிக்கிறார் சனகர், சனாதனர், சனந்தனர், சனத்குமாரர் ஆகிய சீடர்களுடன் காட்சி தரும் தட்சிணாமூர்த்தி, விழுப்புரம் அருகிலுள்ள கோலியனூர் வாலீஸ்வரர் கோயிலில், சப்தகன்னியருடன் காட்சி தருகிறார். சனி பகவான் இங்கு தனி சன்னதியில் தெற்கு நோக்கி அருள்பாலிக்கிறார்.

நடைதிறப்பு:

அருள்மிகு வாலீஸ்வரர் கோவில் நடை காலை 6 மணி முதல் 12 மணி வரையிலும், மாலை 4 மணி முதல் இரவு 8 மணி வரையிலும் திறக்கப்பட்டிருக்கும்.

எங்கே உள்ளது ?

விழுப்புரத்தில் இருந்து புதுச்சேரி – விழுப்புரம் சாலையில் சுமார் 7.5 கிலோ மீட்டர் பயணித்தால் தேசிய நெடுஞ்சாலை 36ம், 332ம் சந்திக்கும் இடத்திற்கு முன்பாக அமைந்துள்ளது அருள்மிகு வாலீஸ்வரர் திருக்கோவில். விக்கிரவாண்டியில் இருந்து குறிஞ்சிபாடி, மதிரிமங்கலம் வழியாக 13 கிலோ முட்டர் பயணித்தும் இக்கோவிலை அடையலாம்.

ஓம் நமசிவாய

வாஸ்து தோஷம் போக்குபவர்

வீட்டில் வாஸ்து தோஷம் இருந்தால் பிரச்னை துன்பம் தொடர்கதையாகத் தான் இருக்கும்.  நூறு சதவீதம் தோஷம் இல்லாமல் வீட்டைக் கட்டுவது என்பது அவ்வளவு எளிதானதல்ல.  எந்த தோஷமாக இருந்தாலும்  அதை நிவர்த்தி செய்பவராக தெலுங்கானா வாரங்கல் மாவட்டம் காசிப்பேட்டில் சுயம்பு வெள்ளெறுக்கு வினாயகர் திகழ்கிறார். இவரை சங்கடஹர சதுர்த்தியன்று தரிசிப்பது சிறப்பு.  

பக்தர் ஒருவரின் கனவில்  வினாயகர் தோன்றி குறிப்பிட்ட இடத்தில் வெள்ளெருக்கின் வேரில் சுயம்பு மூர்த்தியாகத் தான் இருப்பதாகத் தெரிவித்தார்.  அதைக் கண்டுப்பிடித் காசிப்பேடு என்னும் பகுதியில் வைத்து வழிபடத் தொடங்கினர்.   வினாயகரை பிரதிஷ்டை செய்யும் முன் வினாயகர் யந்திரத்தை புனித தலங்களுக்கு எடுத்துச் சென்று பூஜைகள் நடத்தினர்.  பக்தர்களின் அமோக வரவேற்பால் கோயில் நாளடைவில் விரிவுபடுத்தப்பட்டது.  ஆவணி மாதத்தில் வினாயகருக்கு வசந்த உற்சவமும் சித்திபுத்தி தேவியர் கல்யாண உற்சவமும் நடத்தப்பட்டது.  பிரபல மடங்களைச் சேர்ந்த பீடாதிபதிகள் மூலம் கணபதி யோகம் எனும் பட்டாபிஷேக உற்சவத்தினை நடத்தினர்.

இமாலய பிரதேசத்தைச் சேர்ந்த பக்தரின் கனவில் தோன்றி தனக்கு வெள்ளிக்கவசம் சாத்தி அழகு பார்க்கவேண்டும் என்று வினாயகர் கேட்க அவரும் காணிக்கையாக செலுத்தினார்.  வினாயகர் சதுர்த்தியன்று பக்தர்கள் கூட்டம் அலை மோதும்.  நவராத்திரி விழாவின் போது தினம் ஒரு விசேஷ அலங்காரம் நடக்கும்.  வட இந்திய பாணியில் கோயிலின் முகப்பு பகுதி அமைக்கப்பட்டுள்ளது.  இங்குள்ள வளாகத்தில் ஆதிகணபதி மகாலட்சுமி ஞான முத்ரா   சரஸ்வதி  சந்தோஷிமாதா சாய்பாபா சந்தன நாகலிங்கேஸ்வரர் வெங்கடேஸ்வரர் சீதா ராமர்  கிருஷ்ணர்  அனுமன் சத்ய நாராயணர் அய்யப்பன் சன்னதிகள் உள்ளன்.  கோரிக்கைகள் நிறைவேறவும் வாஸ்து தோஷம் தீரவும் 16 செவ்வாய்கிழமைகள் 21 செவ்வாய்கிழமைகள்  என பக்தர்கள் தரிசனம் செய்து பயனடைகிறார்கள்.  செவ்வாய் தோறும் வேத விற்பன்னர்கள் மூலம் கணபதி மூலமந்திரம் ஜபித்து கனபதி ஹோமம் நடத்துகின்றனர்.

எப்படி செல்வது

வாராங்கல்லில் இருந்து 11 கிமீ தூரத்திலுள்ள காசிப்பேடு விஷ்ணுபுரி  காலனியில் கோயில் உள்ளது.

விசேஷ நாட்கள்

சங்கடஹர சதுர்த்தி    வினாயகர் சதுர்த்தி  நவராத்திரி

கொடுமுடிநாதர் திருக்கோயில்

தேவாரப் பாடல் பெற்ற தலங்களில் ஒன்றானதும், மும்மூர்த்திகள் ஒரே இடத்தில் அருள்பாலிக்கும் திருப்பாண்டிக்கொடுமுடி என்ற கொடுமுடி மகுடேஸ்வரர் என்ற கொடுமுடிநாதர் திருக்கோயில் வரலாறு:

தமிழ்நாட்டில் ஈரோடு மாவட்டத்திலுள்ள கொடுமுடியில் அமைந்துள்ள மகுடேசுவரர் கோயில் (திருப்பாண்டிக் கொடுமுடி) தேவாரப் பாடல் பெற்ற தலங்களில் கொங்கு நாட்டுத் தலங்களில் ஒன்றாகும். சம்பந்தர், அப்பர், சுந்தரர் மூவரது பாடல் பெற்றது. சுந்தரர் நமச்சிவாயப் பதிகம் பாடிய தலமாகும்.

இத்தலம் ஈரோடு மாவட்டத்தில் ஈரோட்டில் இருந்து சுமார் 40 கி.மீ தொலைவில் கொடுமுடியில் உள்ளது. திருச்சி-ஈரோடு ரயில் பாதையில் கொடுமுடி ரயில் நிலையம் இருக்கிறது. கோவில் ரயில் நிலையத்திற்கு அருகிலேயே அமைந்துள்ளது. காவிரி ஆற்றின் கரைக்கருகில் இக்கோயில் உள்ளது. வடக்கிருந்து தெற்கு நோக்கி ஓடிவரும் காவிரி ஆறானது இவ் விடத்தில் கிழக்கு நோக்கி திசைமாறிச் செல்கிறது.

இந்த கொடுமுடி திருக்கோவிலில் மும்மூர்த்திகளான சிவன், பிரம்மா, விஷ்ணு இவர்கள் மூவரையும் ஒரே இடத்தில் காணலாம். மூலவர்:மகுடேஸ்வரர், மலை கொழுந்திஸ்வரர்அம்மன்:திரிபுர சுந்தரி, மதுரபாஷினி.

தல விருட்சம்:வன்னிதீர்த்தம்:தேவ தீர்த்தம், பிரம்ம தீர்த்தம், காவேரி

வழிபட்டோர்:

அகத்தியர், திருமால், பிரம்ம தேவர், பரத்துவாஜர், மலையத்துவச பாண்டியர்பாடியவர்கள்:தேவார பதிகம் :சம்பந்தர், சுந்தரர்”இட்டனும்மடி ஏத்துவார் இகழ்ந்து இட்ட நாள் மறந்திட்ட நாள் கெட்டநாள் இவை என்றலாற் கரு தேன் கிளர் புனல்காவிரி வட்ட வாசிகை கொண்டடி தொழுது ஏத்து பாண்டிக் கொடுமுடி நட்டவா உனை நான் மறக்கினும் சொல்லும் நா நமச்சிவாயவே.-சுந்தரர்தேவாரப்பாடல் பெற்ற கொங்கு நாட்டுத்தலங்களில் இது 6வது தலம்.பிரம்மன் இந்த தலத்துக்கு வந்து வழிபட்டதால் பிரம்மபுரி என்றும், திருமால் பூஜித்ததால் அரிகரபுரம் என்றும், கருடன் பூஜித்து தேவலோகம் சென்று அமுதம் கொண்டு வந்ததால் அமுதபுரி என்றும் இந்த தலத்துக்கு இன்னும் பல பெயர்கள் உள்ளன. 

மலையின் முடியே இங்கு சிவலிங்கமாக காட்சி அளிப்பதால் கொடுமுடி என்று அழைக்கப்படுகிறது. இங்கு எழுந்தருளி உள்ள சிவபெருமானை மகுடேசுவரர் என்று அழைக்கிறார்கள். மகுடேசுவரரின் திருமணத்தை காண திருமாலும், பிரம்மனும் இங்கு வந்தார்கள் என்பது ஐதீகம். கோவிலின் முன்பு காவிரி ஆறு செல்கிறது. கொடுமுடியில் இருந்துதான் காவிரி கிழக்கு நோக்கி திரும்பி பாய்ந்து செல்கிறது. இந்த ஆற்றில் பக்தர்கள் புனித நீராடியபின் கோவிலுக்கு செல்வது வழக்கமாக உள்ளது. 

மரபு வரலாறு:

ஆதிசேடனுக்கும் வாயுவுக்கும் இடையில் ஏற்பட்ட போட்டியில் மேருமலை சிதறிவிழுந்த துண்டுகள் மணிகளாகச் சிதறியபோது அவற்றில் ஒன்று கொடுமுடியாகவும் ஆகிற்று என்பது தொன்நம்பிக்கை.இவ்வரலாற்றில் தொடர்புடைய தலங்கள்:சிகப்பு மணி :திருவண்ணாமலைமரகத மணி :திருஈங்கோய் மலைமாணிக்கமணி :திருவாட்போக்கிநீலமணி : பொதிய மலைவைரமணி :பாண்டிக்கொடிமுடி

தல சிறப்பு:

இத்தலத்தில் உள்ள வன்னிமரத்தின் வயதை கணக்கிட முடியவில்லை. மிகவும் பழமையான இந்தமரத்தில் பூ பூக்கும். ஆனால் காய் காய்க்காது. ஒரு பக்கம் முள் இருக்கும். மற்றொரு பக்கம் முள் இல்லை. இந்த மரத்தின் இலையை தண்ணீரில் போட்டால் எவ்வளவு நாளானாலும் தண்ணீர் கெடுவதில்லை. பழநி பங்குனி உத்திர விழாவிற்கு தீர்த்தக்காவடி கொண்டு செல்லும்போது காவிரி தீர்த்தத்தில் இந்த இலைகளை போட்டுதான் பக்தர்கள் பாதயாத்திரையாக கொண்டு செல்கிறார்கள். இத்தலத்தில் இறைவன் சுயம்புமூர்த்தியாக அருள்பாலிக்கிறார். சிவனின் தேவாரப்பாடல் பெற்ற 274 சிவாலயங்களில் இது 210 வது தேவாரத்தலம் ஆகும்.

மும்மூர்த்திகள் :

மகுடேசுவரர் கோயில் வளாகத்துக்குள், மகுடேசுவரர் சன்னிதிக்கும் வடிவுடையநாயகி சன்னிதிக்கு நடுவில், வீரநாராயணப் பெருமாள்-மகாலட்சுமி சன்னிதிகள் உள்ளன. மேலும் வன்னி மரத்தடியில் வீற்றிருக்கும் பிரம்மாவின் சன்னிதியும் அமைந்துள்ளது.

புராண வரலாறு

உன்னை விட நான் பெரியவனா? என்னைவிட நீ பெரியவனா? என்ற பிரச்சனை மனிதர்களுக்கு மட்டுமல்ல. அந்த காலத்தில் இருந்தே ‘யார் பெரியவர்’ என்ற பிரச்சனை கடவுள்களுக்கும் இருந்துதான் வந்தது. இப்படித்தான் ஒருமுறை ஆதிசேஷனுக்கும், வாயு தேவனுக்கும் தங்களில் யார் பெரியவர் என்ற போட்டி நடந்தது.அந்தப் போட்டியில் மேருமலையை ஒரு கயிறு கட்டி ஒரு பக்கம் ஆதிசேஷனும், மறுபக்கம் வாயு தேவனும் இழுத்தனர். ஆதிசேஷன் மேரு மலையை தன் கைகளால் கட்டி அணைத்துக் கொண்டார். வாயு பகவான் அவரது காற்றின் வேகத்தால் ஆதிசேஷனை மலையை விட்டு கீழே தள்ள,  காற்றை வேகப்படுத்தி வீசினார். இதனால் மேரு மலையானது அழுத்தம் தாங்காமல் ஏழு துண்டுகளாக வெடித்து சிதறியது. வெடித்த துண்டுகள் அனைத்தும் ரத்தின கற்களாக மாறி லிங்கமாக உருமாறியது. அதில் ஒன்றுதான் கொடுமுடி. இந்த தளத்தில் வைர கல்லாலான லிங்கம் உள்ளது. இந்த லிங்கமே மகுடேஸ்வரர் என்ற பெயரில் அழைக்கப்படுகிறது. இதுவே இந்தக் கோவிலின் வரலாறாக கூறப்படுகிறது.

தல வரலாறு:

ஆதிசேஷனுக்கும் வாயு பகவானுக்கும் யார் வலிமை மிக்கவர் என்பதில் போட்டி எழுந்தது. அவர்கள் மேரு மலையை நடுவில் வைத்தனர்.ஆதிசேஷன் மேருவை கட்டி அணைத்துக்கொண்டான். வாயு பகவான் தனது வேகத்தால் ஆதிசேஷனை மேருவிலிருந்து தள்ள முயன்றார்.காற்று படுவேகமாக வீசியபோது மேருமலை சிதறி ஏழு துண்டுகளாக விழுந்தது. ஒவ்வொன்றும் ரத்தினமாக மாறி லிங்கமாக ஆனது. கொடுமுடி தலத்தில் வைரக்கல்லால் ஆன லிங்கமாக இறைவன் குடியிருந்ததாக ஐதீகம்.இது ஒரு நாகர் ஸ்தலம். நாகதோஷம் நீங்க இங்கு பக்தர்கள் ஏராளமாக வருகின்றனர்.

தலபெருமை:

இங்கே மூன்று முகம் கொண்ட பிரம்மனை தரிசிக்கலாம். வன்னி மரத்தடியில் இவர் அருள்பாலிக்கிறார். வன்னிமரத்தை இன்னொரு முகமாக பாவித்துக் கொள்ள வேண்டும். அகத்தியர், பரத்வாஜர் ஆகிய முனிவர்களுக்கு இங்கு இறைவன் திருமண கோலத்தில் காட்சிதந்தார். ஆதிசேஷனால் உருவான கோயில் என்பதால், இங்கு நாகர்வழிபாடு விசேஷம்.ஆஞ்சநேயர் கோரமான பல்லுடன் இங்கே காட்சி தருகிறார். சஞ்சீவி மலையை கொண்டு வருவதற்காக வடக்கு நோக்கி செல்வது போன்ற தோற்றத்தில் உள்ளார். வாலில்மணி கட்டப்பட்டுள்ளது.பெருமாள் சன்னதியின் உட்புறத்தில் ஒரு தூணில் வியாக்ரபாத விநாயகரின் சிற்பம் உள்ளது. புலியின் காலும், யானையின் முகமும் கொண்ட இந்த விநாயகர் மிகவும் அபூர்வமானவர்.இங்கே மகுடேஸ்வரர் மலை கொளுந்தீஸ்வரர் என்றும், அம்பாள் சவுந்தரநாயகி, வடிவுடைய நாயகி என்றும் பெயர் சூட்டப்பட்டு அழைக்கப்படுகின்றனர்.

பொது தகவல்:

அமாவாசை நாட்களில் பிதுர் தர்ப்பணம் செய்ய காவிரிக்கரையில் ஏராளமானோர் கூடுகிறார்கள்.அறுபதாம் கல்யாணம், ஆயுள்ஹோமம் ஆகியவை நடத்த இத்தலம் விசேஷமானது.

கோயில் அமைப்பு:

வடக்கிலிருந்து தெற்காக ஓடிவரும் காவிரி நதி கொடுமுடி சிவஸ்தலத்தில் கிழக்கு நோக்கி திரும்பி ஓடுகிறது. காவிரி நதியின் மேற்குக் கரையில் கொடுமுடிநாதர் கோவில் அமைந்துள்ளது. கிழக்குப் பார்த்து அமைந்துள்ள இக்கோவில் சுமார் 640 அடி நீளமும், சுமார் 484 அடி அகலமும் உடையதாய் அமைந்திருக்கிறது. இக்கோவிலில் மும்மூர்த்திகளான சிவன், விஷ்ணு, பிரம்மா ஆகிய மூவருக்கும் தனித்தனி கோபுரஙளும், தனித்தனி சந்நிதிகளும் அமைந்துள்ளன. இக்கோவிலுக்கு மூன்று வாயில்கள் கிழக்குப் பக்கம் அமைந்துள்ளன. நடு கோபுர வாயில் வழியாக உள்ளே சென்றால் விஷ்ணு மற்றும் பிரம்மாவின் சந்நிதிகளுக்குச் செல்லலாம். நடு வாயிலுக்கு வடபுறம் உள்ள கோபுர வாயில் வழியாக உள்ளே சென்றால் மூலவர் கொடுமுடி நாதர் சந்நிதிக்குச் செல்லலாம். நடு வாயிலுக்கு தென்புறம் உள்ள கோபுர வாயில் வழியாக இறைவி வடிவுடை நாயகியின் சந்நிதிக்குச் செல்லலாம்.

இக்கோவிலில் உள்ள சிவலிங்கம் சுயம்பு லிங்கம் ஆகும். குட்டையான சிவலிங்கத்தின் ஆவடையார் சதுர வடிவில் உள்ளது. பாணத்தின் மீது விரல் தடயங்களக் காணலாம். அகத்தியர் இத்தல இறைவனை பூஜை செய்த போது ஏற்பட்ட விரல் தடயங்கள் என்பது ஐதீகம். மூலவர் சந்நிதி கோஷ்டங்களில் நர்த்தன விநாயகர், தட்சிணாமூர்த்தி, மகாவிஷ்ணு, பிரம்மா, துர்க்கை ஆகியோரைக் காணலாம். சுவாமி சந்நிதிக்கு வலதுபுறம் அம்பாள் சந்நிதி அமைந்துள்ளது. இதுபோன்று அமைபுள்ள தலங்கள் கல்யாண தலங்கள் என்று போற்றப்படும். அம்பாள் சந்நிதி உட்பிரகாரத்தில் வல்லப கணபதி, சோழீஸ்வரர், விஸ்வேசர், காசி விஸ்வநாதர், விசாலாட்சி, சப்தமாதர்கள் ஆகியோரை தரிசிக்கலாம். அம்பாள் சந்நிதியில் சரஸ்வ திக்கும் தனி சந்நிதி உள்ளது. இக்கோவிலில் உமா மகேசுவரர், அகஸ்தீஸ்வரர், கஜலக்ஷ்மி, சுப்பிரமணியர் சந்நிதிகளும் உள்ளன. தென்கிழக்கு மூலையில் சூரியனுக்கும், வடகிழக்கு மூலையில் சந்திரனுக்கும் சந்நிதிகள் இருக்கின்றன. வடதிசையில் பைரவர், சனீஸ்வரர் சந்நிதிகள் உள்ளன.

இறைவி வடிவுடை நாயகி சந்நிதியின் பின்புறம் மேற்கில் 2000 ஆண்டுகள் பழமையான வன்னி மரத்தடியில் மூன்று முகம் கொண்ட பிரம்மாவின் சந்நிதி உள்ளது. இந்த வன்னி மரத்தின் ஒரு பகுதியில் முட்களும், மற்றொரு பகுதி முட்கள் இல்லாமலும் உள்ளது. ஆண் மரமாக கருதப்படும் இந்த வன்னி மரத்தில் பூக்கள் பூப்பதில்லை, காய்கள் காய்ப்பதில்லை என்பது சிறப்பம்சம். இந்த மரத்தின் இலையை தண்ணீரில் போட்டால் எவ்வளவு நாட்களானாலும் தண்ணீர் கெடுவதில்லை. பழநி பங்குனி உத்திர விழாவிற்கு தீர்த்தக்காவடி கொண்டு செல்லும் போது காவிரி தீர்த்தத்தில் இந்த இலைகளை போட்டுத்தான் பக்தர்கள் பாதயாத்திரையாக கொண்டு செல்கிறார்கள். பிரம்மாவின் கோவிலுக்கு வடமேற்கில் பெருமாள் கோவில் உள்ளது. இங்குள்ள பெருமாளின் பெயர் பள்ளிகொண்ட பெருமாள் மற்றும் வீரநாரயண பெருமாள். பெருமாள் கோவிலுக்கு வெளியே திருமங்கை நாச்சியாருக்கும், ஹனுமானுக்கும் சந்நிதிகள் இருக்கின்றன. இக்கோவிலில் உள்ள பிரம்மாவும், பெருமாளும் சிவபெருமானை வழிபடுவதாக ஐதீகம்.

காவிரி நதி, வன்னிமரம் அருகிலுள்ள தேவ தீர்த்தம், பாரத்வாஜ தீர்த்தம், மடப்பள்ளிக்கு அருகிலுள்ள பிரம்ம தீர்த்தம் ஆகியவை இக்கோவிலின் தீர்த்தங்களாகும். காவிரி மற்றும் தேவ தீர்த்தத்தில் நீராடி, இறைவனையும், மகாவிஷணுவையும் வழிபட பிணிகளும், பேய், பிசாசு, பில்லி சூன்யம் போன்ற் குற்றங்களும், மனநோயும் நீங்கும்.

 மலையத்துவச பாண்டியனின் மகனுக்கு பிறவியிலேயே விரல்கள் சரியாக வளராமல் இருந்தன. கொடுமுடிநாதரிடம் வேண்டியபின் இக்குறை தீர்ந்தது. எனவே பாண்டியன் இக்கோவிலுக்கு மூன்று கோபுரங்களையும், மண்டபங்களும் கட்டி, மேலும் பல திருப்பணிகளைச் செய்தான். பாண்டிய மன்னனால் திருப்பணிகள் செய்யப் பெற்றதால் இத்தலம் பாண்டிக்கொடுமுடி ஆயிற்று.

நமச்சிவாய பதிகம்: 

திருஞானசம்பந்தர் திருநல்லூர் பெருமணத்தில் சிவபெருமானுடன் ஜோதியில் தன் அடியார்களுடனும், சுற்றத்தாருடனும் கலக்கும் போது நமச்சிவாய பதிகம் பாடுகிறார். திருநாவுக்கரசரோ பல்லவ மன்னன் அவரைக் கல்லுடன் சேர்த்துக் கட்டி கடலினுள் எறியும் போது நமச்சிவாய பதிகம் பாடுகிறார். ஆனால் சுந்தரரோ பாண்டிக்கொடுமுடி வந்து அங்குள்ள இறைவனைக் கண்டு வணங்கி நமச்சிவாய பதிகம் பாடுகிறார்.

“மற்றுப் பற்று எனக்கு இன்றி நின் திருப்பாதமே மனம் பாவித்தேன்

பெற்றலும் பிறந்தேன் இனிப் பிறவாத தன்மை வந்து எய்தினேன்

கற்றவர் தொழுது ஏத்தும் சீர் கறை ஊரில் பாண்டிக்கொடுமுடி

நற்றவா ! உன்னை நான மறக்கினும் சொல்லும் நா நமச்சிவாயவே”

பிரார்த்தனை :

ராகு கேது தோஷத்தால் பாதிக்கப்பட்டவர்கள் இத்தலத்தில் பரிகாரங்கள் செய்து திருமணத்தடை நீங்குதல், குழந்தைப்பேறு ஆகியவை அடையப்பெறுகிறார்கள்.

ஒருவருக்கு எத்தனை வயதோ, அத்தனை குடம் தண்ணீர் எடுத்து விநாயகருக்கு ஊற்ற வேண்டும்.

நாகதோஷம் நீங்க வன்னி மரத்தடியில் கல்லில் செய்த நாகரை பிரதிஷ்டை செய்ய வேண்டும்.

நவக்கிரக பூஜைசெய்து, வாழை மரத்திற்கு தாலிகட்டும் பழக்கமும் இங்கு உள்ளது.

நேர்த்திக்கடன்:

வேப்பமரமும், அரசமரமும் இணைந்துள்ள மரத்தடியில் உள்ள விநாயகருக்கு காவிரியிலிருந்து தண்ணீர் எடுத்துவந்து ஊற்றினால் திருமண வரமும், குழந்தைவரமும் கிடைக்கும் என்பது நம்பிக்கை. கோயிலைச்சுற்றி எங்கும் நாகர் பிரதிஷ்டை நடக்கிறது.

திருவிழா: 

சித்திரை திருவிழா 11 நாள் நடக்கிறது. ஆடிப்பெருக்கன்று ஆயிரக்கணக்கான மக்கள் கூடுவார்கள். பவுர்ணமி, அமாவாசை, பிரதோஷ நாட்களிலும் விசேஷ பூஜை உண்டு.

 சிறப்பம்சம்:

அதிசயத்தின் அடிப்படையில்: இத்தலத்தில் உள்ள வன்னிமரத்தின் வயதை கணக்கிட முடியவில்லை. மிகவும் பழமையான இந்தமரத்தில் பூ பூக்கும். ஆனால் காய் காய்க்காது. ஒரு பக்கம் முள் இருக்கும். மற்றொரு பக்கம் முள் இல்லை. இந்த மரத்தின் இலையை தண்ணீரில் போட்டால் எவ்வளவு நாளானாலும் தண்ணீர் கெடுவதில்லை. இத்தலத்தில் இறைவன் சுயம்புமூர்த்தியாக அருள்பாலிக்கிறார்.

செல்லும் வழி:

ஈரோட்டில் இருந்து சுமார் 40 கிலோமீட்டர் தூரத்திலும், கரூரில் இருந்து சுமார் 26 கிலோமீட்டர் தொலைவிலும் கொடுமுடி உள்ளது.

பீமசங்கரர்   ஜோதிர் லிங்கம்

ஜோதிர் லிங்கம் : பீமசங்கரர்   ஜோதிர் லிங்கம் போர்கிரி நகரம் டாங்கினி யில் சாஹ்யாத்திரி மலைகள் மீது உள்ள து கடல் மட்டத்திலிருந்து இருந்து 3000 அடி உயரத்தில் உள்ளது  பீமா நதிக்கரை,13 நூற்றாண்டு கோவில் நாகரா கலை அமைப்பு கோவில், மகாராட்டிரம்!!

          13 ஆம் நூற்றாண்டு இலக்கியத்தில் இந்த கோவில் பற்றிய தகவல்கள் உண்டு.தற்போது உள்ள கோவில் 18 ஆம் நூற்றாண்டில் நானா பட்னாவிஸ் என்பவரால்  மத்தியில் கட்டப்பட்டது.              மூலவர் பீடம் இல்லாமல் கீழ் மட்டத்தில் உள்ளது  மராட்டிய மன்னர் சிவாஜி இந்த கோவிலுக்கு பல நன்கொடைகள் வழங்கிய  குறிப்புகள் உள்ளது.            கோவிலை சுற்றி அகண்ட திருச்சுற்று உண்டு. மூன்று மண்டலங்களாகப் பிரித்துள்ளனர்   இங்கு இரு நந்திகள்   வித்தியாசமாக இணைந்து உள்ளது.

            பீமசங்கரர்    ஆவுடை மீது ஒரு அடி உயர லிங்கமாக அருள்பாலிக்கிறார் மூலவர் சன்னதியின் முன்பாக நந்திக்கு பதிலாக மூலவர் முன்பு ஆமை அமைந்துள்ளது.               சிவதரிசனம் செய்ய மிகவும் பொறுமையாக இருக்க வேண்டும் என்று எண்ண ஆனால் எண்ணம் ஏன் எதற்கு எதற்காக என்று எண்ணூறு கேள்வி தான் வருகிறது!

           விநாயகர் கவுரி இராமன் இலக்குவன் பரிவார மூர்த்திகள். மூலவர் சன்னதியின் உள் சுவரில் சிறிய மாடத்தில் பார்வதி தேவி அருள்கிறார்.   சிவன் சன்னதிக்கு எதிரே சபா மண்டபத்தில் சனி தனி சன்னதியில் காட்சி தருகிறார்.  இங்கு ஒரு பெரிய போர்த்துகீசிய மணி உண்டு  அதை பாஜி ராவ் பேஷ்வா வின் சகோதரர் சிம்னாஜி காணிக்கையாக அளித்தார்.

     மணி வந்த  இந்தியா கதை  என்னவென்றால் சிம்னாஜி தந்தை போத்துக்கீசரை வாஜ்பாய் கோட்டையில் வென்று இரண்டு மணியை வெற்றியின் சின்னமாக எடுத்து வந்தார். அதில் ஒன்று இங்கும் மற்றொன்று கிருஷ்ணா நதிக்கரையில் அமைந்துள்ள மேநோவாலி சிவன் கோவிலில் உள்ளது.

         (சிதம்பரம் நடராஜர் கோவிலில் ஒரு ஜெர்மன் பக்தர்  தனிப்பட்ட முறையில் அவரின் சொந்த வருமானத்தில்  ஓம் என்ற பிரணவ மந்திரம் ஒலிக்கும் விதமாக வேண்டும் என்று உலக நாடுகள் முழுவதும் அழைத்து திரிந்து செய்து கப்பலில் கொண்டு வந்து இறங்கி நெய்வேலி நிலக்கரி கழகம் உதவியோடு கோவிலில் வந்து சேர்ந்தார்  அதில் ஒரு ஓரத்தில்  ஜெர்மனி பக்தரின் காணிக்கை என்று மட்டுமே இருக்கும்)

  பீமா ஆற்றில் நீராடி பீமசங்கரை வழிபாடு செய்யும் போது மோட்சம் கிடைக்கும் என்று நம்பிக்கை.  காசிவிஸ்வநாதர் ஆலயம் போல் இங்கும் பக்தர்கள் அபிஷேகம் ஆராதனை செய்யலாம்     மலையில் கோவில் இருப்பதால் மலையேற்றம் செய்து கொண்டு இயற்கையோடு இறைவனையும் காணலாம்

பள்ளிக்கொண்ட  பெருமாள்

குடும்பத்தில் மன நிம்மதி மற்றும் மோட்சம் தரும் பள்ளிக்கொண்ட  பெருமாள் ||வேலூர் மாவட்டத்தில் உள்ள பள்ளிக்கொண்டாவில் 2500 ஆண்டுகளுக்கும் முன்பு பழமை வாய்ந்த பெருமாள் கோவில் உள்ளது. இங்கு தாயார் ரங்கநாயகிவுடன் பள்ளி கொண்ட பெருமாள் என்ற பெயரில் அருள் பாலிக்கிறார். 

இவர் சாளகிராமத்தால் ஆனவர். இவரை வணங்கினால் தடைபட்ட திருமணங்கள் சிறப்பாக நடக்கவும் பிரிந்த தம்பதிகள் சேரவும் இங்கு திருமணம் செய்தால் மணம் ஒத்து வாழ்வார்கள் என்பது பக்தர்களின் தீராத நம்பிக்கை பிராத்தனை நிறைவேறியதும் சுவாமிக்கும் தாயாருக்கும் திருமஞ்சனம் செய்து துளசியால் அர்ச்சனை செய்கின்றனர்.

சோட்டா ரங்கநாதர்அந்நியர் படை எடுக்கும் போது இங்குள்ள ரங்கநாதர் மறைக்கப்பட்டு சிறிய ரங்கநாதர் சிலை செய்து கோயிலில் பாதுகாக்கப்பட்டது. இன்றும் கூட சிறிய ரங்கநாதருக்கு பூஜைகள் செய்யப்படுகிறது இவர் சோட்டா ரங்கநாதர் எனப்படுகிறார். இரவு தங்கி பெருமாளை வழிப்பட்டால் கண்டிப்பாக மோட்சம் கிடைக்கும்.

பெருமாளுக்கு உதவியாக இருந்து வந்த ஆதிஷேசன் இத்தலத்தில் தான் முதல் முறையாக அவரை நீரில் சயனிக்க வைத்தார் என்கிறது ஸ்தல புராணம். பின்னர் பெருமாள் பாற்கடலில் பள்ளி கொண்டதால். இத்தலத்து ஆறுக்கு பாலாறு என்று பெயர் ஏற்பட்டது. இத்தலத்தில் ஒரு நாள் இரவு தங்கி பெருமாளை வழிப்பட்டால் மோட்சம் கிடைக்கும் என பிரம்மாண்ட புராணம் கூறுகிறது.பூலோகத்தில் விரும்பி வந்து பள்ளி கொண்ட இடம்

மஹா ஷ்மிக்கும், சரஸ்வதிக்கும் தங்களில் யார் பெரியவர் என்ற சர்ச்சை ஏற்பட்டது. இதற்கு தீர்ப்பு கூறும்படி இருவரும் பிரம்மனிடம் சென்றனர். மஹாலஷ்மி தான் பெரியவர் என பிரம்மா தீர்ப்பு கூறினார். இதனால் சரஸ்வதிக்கு கோபம் ஏற்பட்டு, பூலோகத்திலுள்ள சாசிய மலையில் தனது நிலை உயர வேண்டி தவம் செய்யத் தொடங்கினாள்.இந்நிலையில் பிரம்மா பெருமாளுக்கு மரியாதை செய்வதற்காக ஒரு யாகம் தொடங்கினார். சாஸ்திர நியதிப்படி யாகத்தை தம்பதி சமேதராக நடத்த வேண்டும். ஆனால், சரஸ்வதி யாகத்திற்கு வர மறுத்தாள்.எனவே பிரம்மா, சரஸ்வதியின் அம்சமாக ஒரு பெண்ணைப் படைத்து, அவளுக்கு சாவித்திரி என பெயர் சூட்டி, அவளையே மணந்து யாகத்தை தொடங்கினார். இதனால் மேலும் கோபமடைந்த சரஸ்வதி, பிரம்மன் ஆரம்பித்த இந்த யாகத்தை அழிக்க வேண்டும் என்ற நோக்கத்துடன் 

‘க்ஷீரநதி’ என்ற பெயரில் நதியாக மாறி, வெள்ளப்பெருக்கெடுத்து யாக குண்டத்தை உடைக்கும் நோக்கத்தில் ஓடி வந்தாள்.இதனால் பிரம்மா, பெருமாளின் உதவியை நாடினார். பெருமாள், சரஸ்வதியை சமாதானம் செய்தார். முன்னதாக, அவர் நதியின் ஓட்டத்தை தடுக்க, ஆதிசேஷனை நதியின் குறுக்கே படுக்க வைத்து, அதில் சயனித்தார். பின்னர், பிரம்மா யாகத்தை சிறப்பாக முடித்தார்.சரஸ்வதியும் சாவித்திரியும் ஒன்றே என்பதை விளக்கிய பெருமாள், அவளை பிரம்மனுடன் மீண்டும் இணைத்து வைத்தார். பெருமாள் பூலோகத்தில் விரும்பி வந்து பள்ளி கொண்ட இடம் என்பதால், இவ்வூர் ‘பள்ளி கொண்டான்’ எனப்பட்டது. பெருமாள் ‘உத்தர ரங்கநாதர்’ எனப்படுகிறார்.இத்தலத்தில் நிறைய திருமணங்கள் நடக்கின்றன. இங்கு திருமணம் செய்து கொண்டால், தம்பதியர் மனமொத்து வாழ்வர் என்பது நம்பிக்கை. இன்றும் கூட சிறிய ரங்கநாதருக்கும் பூஜைகள் செய்யப்படுகிறது. அதனால் தான் ‘சோட்டா ரங்கநாதர்’ எனப்படுகிறார். தனி சன்னதியில் தாயார் ரங்கநாயகி இருக்கிறார்.உள்பிரகாரத்தில் உடையவர், ராமர், நவநீதகண்ணன், ஆண்டாள், அனுமன், மணவாள மாமுனிகள், கருடாழ்வார், குலசேகர ஆழ்வார், நம்மாழ்வார் சன்னதிகள் உள்ளன. இக்கோயிலுக்கு தெற்கே 2 கி.மீ. தூரத்தில் பீஜாசலம் என்ற மலைக்குன்று உள்ளது.

திருவிழா  

சித்திரையில் பிரமோற்ஸவம், வைகாசி விசாகத்தில் கருடசேவை, ஆனியில் ஜேஷ்டா திருமஞ்சனம். ஆடி வெள்ளிக்கிழமைகளில் திருவாடிப்பூரம். கிருஷ்ண ஜெயந்தி, நவராத்திரி. திருக்கார்த்திகை. வைகுண்ட ஏகாதசி. தை மாதம் கிரிபிரதட்சணம். மாசி தெப்பம். பங்குனி உத்திரம் மிகவும் விசேஷம்.

இடம்

வேலூரில் இருந்து பள்ளிக்கொண்டா 30 கி.மி தொலைவில் உள்ளது இங்கு செல்ல பேருந்து வசதி உள்ளது .

இந்த கோவிலுக்கு ப்ராப்தம் இருந்தால் மட்டுமே செல்ல முடியும்.

ஜெய் ஸ்ரீராம்

சர்வம் கிருஷ்ணார்பணமஸ்து.   

செல்லாண்டியம்மன் திருக்கோயில்

மூவேந்தர்களுக்காக மூன்று பாகங்களாக பிரிந்ததிருச்சி மாவட்டத்தில் உள்ள புகழ்பெற்ற சக்தி தலமான உறையூர் செல்லாண்டியம்மன் திருக்கோயில் வரலாறு:

திருச்சி, உறையூர், பாண்டமங்கலம் செல்லாண்டியம்மன் கோவில் அமைந்துள்ளது. இக்கோவில் காவிரி நதியுடன், குடமுருட்டி நதி சங்கமிக்கும் இடத்தின் தென்கரையில் கோவில் அமைந்துள்ளபடியால் காவிரியே இத்தலத்தின் தீர்த்தமாகும். செல்லாண்டியம்மனுக்கு மற்ற தெய்வங்களைப் போல தலை, கை மற்றும் உடல் இல்லை. கருவறையில் உள்ள மூலவர் சிலை இடுப்ப்புக்குக் கீழே உள்ள அங்கங்கள் மட்டும் உள்ளன. இது சற்று மாறுபட்ட சிலை அமைப்பாகும்.

மூலவர்: செல்லாண்டியம்மன் உற்சவர்: பனை ஓலை அம்மன் தல விருட்சம்: அரச மரம் மற்றும் வேம்பு தீர்த்தம்: காவிரி ஊர்: உறையூர்

கருவறை:

அம்மன் இத்தலத்தில் இடுப்பிற்கு கீழ் உள்ள பகுதியினை மட்டும் காட்டி தன சூலத்தால் அசுரனை வதம் செய்தபடி கிழக்கு நோக்கி அமர்ந்துள்ளாள். எனினும் அம்மனை முழு உருவம் உள்ள சிலை போல அலங்காரம் பண்ணியுள்ளார்கள். அபிஷேகததின் போது மட்டும் பாதம் பார்க்கலாம். இந்த சிலைக்குப் பின்னால் தற்காலத்தில் செய்த ஒரு முழு உருவச்சிலையும் கருவறையில் உள்ளது.

உற்சவர்:

ஒவ்வொரு வருடமும் திருவிழா நடக்கும்போது, பனை ஓலையில் அம்மனை எழுந்தருளச்செய்கிறார்கள். இந்த ஓலையில் அம்மன் அருள்பாலிப்பதாக நம்பிக்கை உள்ளது..

தல வரலாறு:

இத்தலத்தின் வரலாறு தமிழகத்தை ஆண்ட மூவேந்தர்களான சேர, சோழ, பாண்டிய அரசர்களுக்குள் ஏற்பட்ட ஒரு பிரச்சினையை மையமாகக் கொண்டு அமைந்துள்ளது. மூவேந்தர்கள் ஆட்சிப் பொறுப்பினை ஏற்பதற்கு முன்பு தமிழ் நாட்டை எவ்வாறு பிரித்து பங்கிட்டுக் கொள்வது என்பது ஒரு பெரும் சிக்கலாக உருவானது. தங்களுக்குள் ஏற்பட்ட சிக்கலை மூன்று மன்னர்களுக்கும் பொதுவான ஒருவர் தான் தீர்த்து வைக்க முடியும் என்று நம்பினார்கள். தாங்கள் வணங்கும் அம்மனை நோக்கி வேண்டினார்கள். நல்ல தீர்ப்புக்காக அம்மனை நோக்கித் தவமியற்றினார்கள். அம்மனும் மனமிரங்கி அவர்களின் சிக்கலைத் தீர்க்க எண்ணி அவர்கள் முன் தோன்றினாள். மூவேந்தர்கள் தங்கள் பிரச்சனையை எடுத்துக் கூறி ஒவ்வொருவரும் ஆள வேண்டிய நாட்டின் பகுதிகளை சமமாகப் பங்கிட்டுத் தரும்படி அம்மனை வேண்டினர்.

அம்மனும் அவர்கள் விருப்பப்படி நாட்டை மூன்று பகுதிகளாகப் பிரித்து, ஒவ்வொரு பிரிவிற்கும் தனித்தனி எல்லைகள் வகுத்துக் கொடுத்தாள். மன்னர்கள் மனமகிழ்ந்து அம்மனை தங்கள் நாட்டிலே எழுந்தருளுமாறு வேண்டினர். அவர்களுக்காக செல்லாண்டி அம்மன், தன்னைத்தானே மூவருக்கும் மூன்று பாகமாகப் பிரித்தளித்து, அவர்கள் நாட்டில் எழுந்தருளினாள் என்கின்றனர். அதன்படி, பாகம் ஒன்று மதுரையிலும், பாகம் இரண்டு கோவையிலும், மூன்றாவது பாகம் திருச்சியிலும் அமையப் பெற்றதாம். சோழ மன்னன் மட்டும் தன்னுடைய நாடு எப்போதும் செழிப்பாக இருக்கும்படி அருள வேண்டும் என வேண்டினான். அம்மனும் அவன் வேண்டுதலை ஏற்று காவிரி நதியால் சோழ நாடு எப்போதும் செழிப்புற்றிருக்கும்படி அருளினாள். சோழ மன்னனுக்கு அருள் செய்த அம்மன், இத்தலத்தில் செல்லாண்டியம்மனாக பக்தர்களுக்கு அருள்பாலிக்கிறாள். 

தலைப்பாகம் சேர மன்னனுக்கு சொந்தமாக காங்கேயம் அருகில் கீரனூர் என்ற இடத்திலும், மார்பு பாகம் பாண்டிய மன்னனுக்கு சொந்தமாக மதுரை சிம்மக்கல்லிலும், இடுப்புக்கு கீழே பாதம் உள்ள பகுதி சோழ மன்னனுக்கு உரித்தானதாக திருச்சி உறையூரிலும் அமைந்துள்ளதாக தெரிவிக்கிறது அந்தக் கதை. கிழக்கு நோக்கிய இந்தக் கோவில் வளாகத்தில் தென்கிழக்கு மூலையில் அரசும், வேம்பும் இணைந்த பெரிய மரத்தடியில் வலம்புரி விநாயகர் மேற்கு நோக்கி எழுந்தருளியுள்ளார். இவரை வணங்கி விட்டு கருவறையை நோக்கி சென்றால், வலது புறத்தில் மேலும் ஒரு வலம்புரி விநாயகரும், இடது புறத்தில் ஸ்ரீ சுப்பிரமணியர் மட்டும் தனித்து பக்தர்களுக்கு அருள்பாலித்து வருகிறார்கள். செல்லாண்டி அம்மனின் பின்புறம் அம்மனின் முழு உருவச்சிலை ஒன்று பிரதிஷ்டை செய்யப்பட்டு உள்ளது. பிற்காலத்தில் இந்த சிலை வடிவமைக்கப்பட்டதாக கோவில் நிர்வாகத்தினர் தெரிவிக்கின்றனர்.

கோவிலில் உள்ள அர்த்த மண்டபத்தை ஒட்டி உள்ள மகா மண்டபம் 20 தூண்களை கொண்டு திகழ்கிறது. மற்ற கோவில்களில் அம்மனுக்கு எதிரில் சிம்மம் காட்சி அளிக்கும். இங்கு சிம்மம் இல்லை. அதற்கு பதில் பலி பீடத்திற்கு அருகே வேல் ஒன்று நடப்பட்டு உள்ளது. கோவில் சன்னிதியின் முன் மண்டபத்தில் அம்பிகையின் பாதம் பொறிக்கப்பட்ட பீடம் இருக்கிறது. இதனையும் அம்பாளாகவே பாவித்து பக்தர்கள் வணங்குகிறார்கள். அம்பாளுக்கு பூஜை செய்யப்படும்போது பாதத்திற்கும் பூஜை செய்யப்படுகிறது. 

பரிவார தேவதைகள்:

கோயில் முன்மண்டபத்தில் கருப்பண்ணசுவாமி, மதுரைவீரன் ஆகிய காவல் தெய்வங்கள் தனித்தனி சன்னதிகளில் இருக்கின்றனர். வளாகத்தில் அரசமரத்தின் கீழ் வலம்புரி விநாயகர் காட்சி தருகிறார்.

படையல்:

பௌர்ணமி தினங்களில் மாலையில் அம்மனுக்கு உப்பில்லாத அன்னம் மற்றும் நவதானியம் படைக்கப்படுகின்றன. அம்மனின் பிரசாதமாக இவற்றையே விநியோகிக்கிறார்கள். தொடர்ந்து பிரசாதம் உண்டால் குழந்தைப்பேறு உண்டு என்ற நம்பிக்கை உள்ளது.

திருவிழா:

ஒவ்வொரு ஆண்டும் சித்திரை 7 ஆம் தேதி காளி ஓட்டத் திருவிழா நடைபெறுகிறது. தொடக்க காலத்தில் அம்மனைத் தூக்கிக்கொண்டு ஓடும் வழக்கம் இருந்தது. எனவே இவ்விழாவினை “காளி ஓட்டத் திருவிழா’ என்று அழைத்தனர். தற்போது இவ்வழக்கம் நடைமுறையில் இல்லை. புரட்டாசியில் லட்சார்ச்சனை, நவராத்திரி, ஆடி மற்றும் தை வெள்ளி விழாக்களும் உண்டு.

திருமண தோஷம், புத்திர தோஷம் உள்ள பெண்கள் பவுர்ணமியில் அம்மனுக்கு விசேஷ பூஜை செய்து வேண்டிக்கொள்கிறார்கள். அம்மனை வேண்டி பிரார்த்தனை நிறைவேறியவர்கள் இந்த கோவிலுக்கு வந்து தாலி, எலுமிச்சை மாலை அணிவித்தும், விளக்கு ஏற்றியும் அம்மனுக்கு தங்களது நேர்த்திக்கடனை செலுத்தி விட்டு செல்கிறார்கள். திருச்சி நகரின் மத்தியில் அமைந்துள்ள இந்த கோவிலுக்கு செல்ல பஸ், ஆட்டோ வசதி உள்ளது.பனை ஓலையில் அம்மன் திருவுருவம் : வழக்கமாகவே அம்மன் கோவில்களில் ஆடி மாதம் பல்வேறு பூஜைகள் சிறப்பாக நடைபெறும். இங்கும் ஆடி மாத வெள்ளிக்கிழமைகளில் பல்வேறு சிறப்பு பூஜைகள், வழிபாடுகள் நடக்கின்றன. இந்த கோவில் ஆண்டுதோறும் சித்திரை மாதத்தில் காளி ஓட்டத்திருவிழா 7 நாட்கள் நடக்கிறது. பொதுவாக கோவில்களில் திருவிழா காலங்களில் அம்பிகையின் பஞ்சலோக சிலையே உற்சவ அம்மனாக வீதியுலா எடுத்து செல்லப்படும். ஆனால் இங்கு பஞ்சலோக விக்கிரகம் இல்லை. அதற்கு பதிலாக பனை ஓலையில் செய்யப்பட்ட அம்மனை உற்சவ அம்மனாக கருதி வழிபடுகின்றனர்.

ஒவ்வொரு ஆண்டும் திருவிழா நடைபெறும்போது பனை ஓலையில் அம்மனின் உருவத்தை செய்கின்றனர். இந்த ஓலையில் அம்மன் அருளுவதாக பக்தர்களிடையே நம்பிக்கை இருக்கிறது. விழாவின்போது பனை ஓலை அம்மனை இந்த கோவிலில் இருந்து சற்று தூரத்தில் உள்ள ஒரு திடலுக்கு கொண்டு செல்கின்றனர். தொடர்ந்து 6 நாட்களுக்கு அம்மனுக்கு பிரதான நெய்வேத்தியம் படைக்கப்பட்டு விசேஷ பூஜை நடத்தப்படுகிறது. ஐந்தாம் நாள் விழாவின் முடிவில் அம்மனை மீண்டும் கோவிலுக்கு கொண்டு வருகின்றனர். ஆரம்ப காலத்தில் இந்த விழாவின்போது கோவிலில் இருந்து அம்மனை தூக்கிக்கொண்டு ஓடும் வழக்கம் இருந்தது. எனவே இந்த விழா காளி ஓட்டத்திருவிழா என்று அழைக்கப்பட்டது. இந்த வழக்கம் நாளடைவில் மறைந்து இப்போது நடைமுறையில் இல்லை.

ஓம் சக்தி 

*நன்றிகள் திரு தமிழ் பிரியன் ஐயா அவர்கள்*.

பொள்ளாப் பிள்ளையார்

நம்பியாண்டார் நம்பிகள் போற்றும் திருநாரையூர் பொள்ளாப் பிள்ளையார்: 

சிதம்பரத்திலிருந்து 18 கி.மீ தொலைவில் அமைந்துள்ளது திருநாரையூர், திருஞானசம்பந்தர் மற்றும் நாவுக்கரசு சுவாமிகளால் பாடல் பெற்றுள்ள சிறப்புப் பொருந்தியது. அடிப்படையில் சிவத்தலமாக விளங்கும் இவ்வாலயத்தில் விநாயகப் பெருமான் ‘பொள்ளாப் பிள்ளையார்’ எனும் திருநாமத்துடன் ஆச்சரியமாய் எழுந்தருளி இருக்கின்றார். ‘பொள்ளா’ எனும் பதம் ‘உளியால் செதுக்கப்படாத சுயம்புத் தன்மையை’ குறிக்க வந்தது, இம்மூர்த்தியின் திருநாமம் நாளடைவில் மருவி ‘பொல்லாப் பிள்ளையார்’ என்று தற்பொழுது பிரசித்தமாக அறியப்பட்டு வருகின்றார்.

பன்னிரு சைவத் திருமுறைகளுள், 11 திருமுறைகள் வரையிலும் தொகுத்தளித்தவராகவும், 11ஆம் திருமுறையின் ஆசிரியர்களுள் ஒருவராகவும் விளங்கும் நம்பியாண்டார் நம்பிகளின் அவதாரத் தலமாகவும் இத்திருத்தலம் திகழ்கின்றது. சிறு பிராயத்தில், நிவேதன உணவினைப் பொல்லாப் பிள்ளையார் ஏற்கவில்லையே என்று பெரிதும் ஏங்கி வருத்தமுற்றுத் தன் இன்னுயிரையும் மாய்க்கத் துணிந்த நாள் முதல், அனுதினமும் நேரில் தோன்றி நம்பிகளுடன் உரையாடியவாறே நிவேதன உணவை உண்டு அருள் புரிவாராம் இப்பொல்லாப் பிள்ளையார். 

அது மட்டுல்லாது, பால்யப் பருவத்திலிருந்தே நம்பிகளைத் தன்னுடைய சீடராகவும் ஏற்று ஞானாசிரியராகவும் விளங்கிப் பேரருள் புரிந்துள்ளார் இப்பிள்ளையார். அடியார்க்கு எளியரான இம்மூர்த்தியே ‘தேவாரத் திருமுறைகள் தில்லைத் திருக்கோயிலில், திருக்காப்பிட்ட ஓர் அறையினுள் இருப்பதனை’ நம்பிகளுக்கு அறிவித்து அருள் புரிந்தவர். நம்பிகள் இப்பிள்ளையாருக்கென 20 திருப்பாடல்களால் கோர்க்கப்பெற்றுள்ள ‘திருநாரையூர் விநாயகர் திருஇரட்டைமணி மாலை’ எனும் அரிய பாடல் தொகுப்பினை 11ஆம் திருமுறையில் அருளிச் செய்துள்ளார்.

  *நன்றிகள் திரு தேவராஜன் நடராஜன் ஜயா அவர்கள்

அச்சலேஷ்வர் மகாதேவ் கோவில்

 இந்த சிவாலயத்தில்  தினமும் நிறம் மாறும் அதிசய சிவலிங்கம்   உள்ளது ! காலை நண்பகல் இரவு  என  மூன்று வேளையும்  ஒவ்வொரு விதமாக  காலையில்  சிவப்புநிறமாகவும்  நண்பகல்  கவி நிறத்துடனும்இரவு  கருப்பு நிரத்திலும்  காட்சி அளீக்கிறது ஒவ்வொரு கலரில்  காடசி அளிக்கும்  வினோதம் ஆச்சரியமான ஒன்றாகும்அச்சலேஷ்வர் மகாதேவ் கோவில்

முக்கியமான திருவிழா: சிவராத்திரி.

முதன்மைக் கடவுள்: சிவபெருமான்.

உங்களுக்கு தெரியுமா:  அச்சலீஷ்வர் கோயில் 9 ஆம் நூற்றாண்டில் பர்மர் வம்சத்தால் கட்டப்பட்டது. அச்சலேஷ்வர் மஹாதேவ் ஆலயம் குறிப்பாக இந்த கோவிலில் சிவபெருமானின் பாதத்தின் பெருவிரல் வழிபடப்படுகிறது.அச்சலேஷ்வர் மகாதேவ் கோயில் என்பது சிவபெருமானுக்கு அர்ப்பணிக்கப்பட்ட ஒரு இந்து கோயிலாகும். ராஜஸ்தானின் சிரோஹி மாவட்டத்தில் உள்ள அபு ரோடு தெஹ்சிலில் அமைந்துள்ள அகல்கர் கோட்டைக்கு வெளியே இந்தக் கோயில் உள்ளது. இந்த கோவில் 9 ஆம் (ஆண்டு பர்மர் வம்சத்தால் கட்டப்பட்டதாக நம்பப்படுகிறது. பின்னர், 1452 இல், மஹாராணா கும்ப் அதை மீண்டும் கட்டியெழுப்பினார் மற்றும் அதற்கு அச்சல்கர் என்று பெயரிட்டார்.

‘அச்சலேஷ்வர்’ என்பது சமஸ்கிருதச் சொல்லையும் அசைக்கவோ அசையாததாகவோ இருக்கும் ‘அச்சல்’ என்ற சமஸ்கிருதச் சொல்லையும் பிரதிபலிக்கும் ஒரு வார்த்தை, மேலும் ‘ஈஸ்வர்’ என்றால் ‘கடவுள்’, ‘மஹாதேவ்’ என்ற வார்த்தையைப் பிரிக்கும்போது, ​​பெரிய (மஹா) பகவான் (தேவ்), இது சிவபெருமானைக் காட்டுகிறது. இந்த கோவில் அர்ப்பணிக்கப்பட்ட கடவுள்

அச்சலேஷ்வர் மஹாதேவ் ஆலயம் குறிப்பாக இந்த கோவிலில் சிவபெருமானின் பாதத்தின் பெருவிரல் வழிபடப்படுகிறது. சிவபெருமானின் அனைத்து கோவில்களிலும் சிவலிங்கம் அல்லது சிவன் சிலை என்று வழிபடப்படுகிறது ஆனால் இந்த கோவிலில் சிவபெருமானின் கட்டைவிரல் வணங்கப்படுகிறது.

இக்கோயிலில் சுமார் 4 டன் எடையுள்ள நந்தி, சிவபெருமான் சிலை உள்ளது. இது தங்கம், வெள்ளி, செம்பு, வெண்கலம் மற்றும் துத்தநாகம் ஆகிய ஐந்து உலோகங்களால் ஆனது. ஒரு பிரபலமான உள்ளூர் புராணத்தின் படி, நந்தியின் சிலை முஸ்லீம் படையெடுப்பாளர்களின் படையெடுப்பிலிருந்து கோயிலைப் பாதுகாக்கிறது. கோவிலில் மறைந்திருக்கும் தேனீக்கள் கோவிலை பலமுறை காப்பாற்றியுள்ளனர். கோவிலில் இன்னும் பல சிற்பங்கள் உள்ளன, இதில் ஸ்பாடிக் என்பது குவார்ட்ஸ் கல் ஆகும், இது இயற்கையான ஒளியில் ஒளிபுகாதாக தோன்றுகிறது, ஆனால் அது வெளிச்சமாகும்போது படிகமாக மாறும்.

ராஜஸ்தானில் உள்ள ஒரே மலைவாசஸ்தலமான மவுண்ட் அபு இங்கு பல பழமையான சிவன் கோயில்கள் இருப்பதால் அர்த்தகாசி என்றும் அறியப்படுகிறது. புராணங்களின்படி, வாரணாசி என்பது சிவபெருமானின் நகரம் மற்றும் அபு மலை சிவனின் புறநகர். இங்குள்ள மலையானது சிவபெருமானின் கட்டை விரலால் சூழப்பட்டிருப்பதாக ஐதீகம். எப்பொழுது சிவபெருமானின் கட்டைவிரல் மறையும், அந்த மலை அழியும். இறைவனின் கட்டை விரலுக்கு அடியில் இயற்கையாகவே பள்ளம் உள்ளது. இந்தக் குழியில் என்ன தண்ணீர் ஊற்றப்பட்டாலும், அது நிரப்பப்படுவதில்லை. அதில் தண்ணீர் எங்கு செல்கிறது என்பது மர்மமாகவே உள்ளது. அச்சலீஷ்வர் மகாதேவ் கோவில் வளாகத்தில் ஒரு பெரிய சம்பா மரம் உள்ளது. கோவிலில் உள்ள இரண்டு கலைத் தூண்களின் இடது பக்கத்தில் தர்மகாந்தா உருவாக்கப்பட்டுள்ளது, அதன் கைவினை அற்புதம்.இப்பகுதியின் ஆட்சியாளர் அரியணையில் அமர்ந்தபோது, ​​அசலேஸ்வரர் மகாதேவரிடம் ஆசி பெற்று தர்மகாண்டேயின் கீழ் மக்களுடன் நீதிப் பிரமாணம் செய்து வந்தார். கோயில் வளாகத்தில் துவாரகாதீஷ் கோயிலும் கட்டப்பட்டுள்ளது. கருவறைக்கு வெளியே, நரசிங், வாமன், கச்சப், மாட்சி, கிருஷ்ணர், ராமர், பரசுராமர், புத்தர் மற்றும் கல்கி அவதாரங்களின் கருங்கல்லாலான பிரமாண்ட சிலைகள் உள்ளன. கோயிலில் மூன்று பெரிய கற்களால் ஆன எருமைகளின் சிலைகள் கொண்ட குளம் உள்ளது. இந்த பஃப்ஸ் அரக்கர்களை பிரதிநிதித்துவப்படுத்துவதாக நம்பப்படுகிறது.  *எல்லோருக்கும் சுகம் உண்டாகட்டும் எல்லோருக்கும் அமைதி உண்டாகட்டும் எல்லோரும் எதிலும் முழுமை பெறட்டும் எல்லோருக்கும் எல்லா வளங்களும் உண்டாகட்டும்

கங்காள நாதர் தரிசன ரகசியம்

தோஷங்கள் நீக்கும் பிரம்மதேசம்* *கங்காள நாதர் தரிசன ரகசியம்*அம்பாசமுத்திரத்திற்கு அருகில் இருக்கும் பிரம்மதேசம்(அயனீஸ்வரம்) கோவிலுக்கு செல்பவர்கள் அவசியம் தரிசிக்க வேண்டிய அற்புத கலையம்சம் கொண்ட மூர்த்தி கங்காளநாதர்இங்கு சுமார் ஏழடி உயரத்தில் நின்ற கோலத்தில் கம்பீரமாக காட்சித் தருகிறார் இத்தலத்தின் சிறப்பு வாய்ந்த மூர்த்தியான கங்காளநாதர். 

இவருடன் பூத கணங்கள், அப்சரஸ் கன்னிகள், இந்திரன், சந்திரன், சூரியன் ஆகிய பரிவார மூர்த்திகளும் ஒரே சன்னதியில் காட்சித் தருகிறார்கள். இந்த சன்னதி அற்புத கலையம்சம் கொண்டது ஆகும்.கங்காளநாதர் மூர்த்தியின் அமைப்பு:குறைந்தபட்சம் 7 அடி உயரம் நீண்ட கைகளும் கால்களும். பீடம் ஏதுமின்றி தேர்ந்த வேடுவனைப் போல் நிற்கிறார். இடது கையில் கங்காளம் எனப்படும் உடுக்கை போன்றதொரு வாத்தியம், வலது கையில் எலும்பைப் போன்றதொரு தண்டம். இடதுகால் பூமியில் அழுந்தப் பதிந்திருக்க வலக்கால் சற்றே வளைந்து நடந்து செல்வதைப் போன்ற தோற்றம். மலரும் பிறையும், சர்ப்பமும் சூடிய ஜடா மகுடம். பெருக்கிய காதுகளில் ஒரு காதில் மிகப்பெரிய குண்டலம். இடையில் புலிக்கச்சையாக இருக்கலாம் வஸ்திரம் தரித்திருந்ததால் தெரியவில்லை. 

புன்னகையும், கருணையும், அருளும் ததும்பும் கண்களை உடைய திருமுகம். நான்கு கரங்களில் பின்னிரு கரங்களில் ஒரு கையில் பாணமும் மறுகையில் முத்திரையும்.இவரைச் சுற்றி இசைக்கருவிகளோடு அவரது முழங்கால் உயரத்திற்கு 5 பூத கணங்களின் நின்ற திருக்கோலம். உச்சிக்கு மேலே சுவற்றில் புடைப்புச் சிற்பமாக இந்திராதி தேவர்கள், விஷ்ணு, ரிஷி புங்கவர்கள், கின்னரர், கிம்புருடர், குதிரை, யானை, அப்சரஸ்கள் இதில் சில அப்ஸ்ரச்களின் உருவங்கள் சுதை சிற்பமாக செய்யப்பட்டு வஸ்திரமும் வர்ண கலாபமும் கொண்டு அழகு செய்யபட்டவை மிகவும் பழமையானவை.பிரம்மாண்டாமாகத் தெரிகின்ற  இவரது திருமேனி வடிவத்தினை ஒரு சிலர் இவர் பிட்சாடனர் வடிவம் என்று நினைத்து குழப்புகின்றனர்கங்காளநாதர், பிட்சாடனர், அந்தகாசுர சம்ஹார மூர்த்தி ஆகிய மூன்று வடிவங்களைப் பற்றியும் பக்தர்களிடையே குழப்பம் நிலவுகிறது.

உண்மையில் இம்மூன்று வடிவங்களும் வேறு வேறு தான். 

கங்காளநாதர், பிட்சாடனர், அந்தகாசுர சம்ஹார மூர்த்தி ஆகிய மூன்று வடிவங்களின் தோற்றத்தில்  சில வித்தியாசங்கள் இருக்கின்றன.பிட்சாடனர்: வல மேல் கையில்  உடுக்கை; வலது கீழ் கையில், மானுக்கு புல்; இடது மேல் கையில் சூலம்; இடது கீழ் கையில் கபாலம்; ஆடையின்றி இருப்பார்.கங்காளர்: வல மேல் கை கீழே வரை வந்திருக்கும். அதில் மானுக்கு புல் இருக்கும்; இடது மேல் கையில் சூலம் அல்லது தண்டு; அதில் விஷ்ணுவின் சடலம் தொங்கிக் கொண்டிருக்கும்;  வலது கீழ் கையில் உடுக்கைக்குரிய கோலும், இடது கீழ் கையில் உடுக்கையும் இருக்கும். ஆடை உடுத்தியிருப்பார்.அந்தகாசுர சம்ஹார மூர்த்தி: அருகில் அம்மை இருப்பாள்; காலின் கீழ் அந்தகாசுரன் இருப்பான். வலது கையில் சூலம் ஏந்தியிருப்பார். (சில விக்கிரகங்களில் காலின் கீழ் இருப்பதற்கு பதிலாக, சூலத்தில் அந்தகன் சடலமாக தொங்குவது போல வடிவமைக்கப்பட்டிருக்கும்)  இருபின்புறக் கைகளிலும் மான் மழு இருக்கும். 

பிரம்ம தேசத்தில் அருள்பாலிக்கும்அற்புத கலையம்சம் கொண்ட இந்த கங்காளநாதர் சன்னதியில் நிற்க நிற்க சன்னதியின் வெம்மையும் அவரின் ஆகர்ஷ்ணமும் நம்மை ஈர்த்து நம்முள் கங்காளத்தின் ஒலி இயல்பாவே கேட்கத்துவங்குகிறது. உடலும் உயிரும் ஒரு புள்ளியில் சேர சில கணங்களில் நாம் அந்த சிவ கணங்களில் ஒன்றென மெய்மறந்து போகிறோம் என்பதே இந்த கங்காளநாதர் தரிசனத்தில் கண்டு கொள்ள வேண்டிய உண்மை.பிரம்ம தேசத்தில் அற்புத கலையம்சம் கொண்ட இந்த கங்காளநாதரின் தரிசனம் கண்டு வந்து பல நாட்கள் ஆன பிறகும் அப்படியே கண்ணுள் நிற்கும் அவரின் திருவுருவ காட்சியை எப்படி சொல்லி விளங்க வைப்பது என புரியவில்லைபார்த்த மாத்திரத்தில் நம்மைஉள்ளே ஆழ அமிழ்த்தும் அற்புத கலையம்சம் கொண்ட இந்த கங்காளநாதரை  வாழ்வில் ஒருமுறையாவது கண்டு மீள வேண்டும் என்பதே எனது வேண்டுகோள.

அம்பாசமுத்திரம் பேருந்து நிலையத்திலிருந்து 3 கி.மீ தொலைவில் பிரம்ம தேசம் உள்ளது.அமாவாசை காலை சிறப்பு வழிபாடுகள் நடைபெறும் அவற்றில் கலந்து கொண்டு பித்ரு தோஷம் நிவர்த்தி செய்து கொள்ளலாம்.  *எல்லோருக்கும் சுகம் உண்டாகட்டும் எல்லோருக்கும் அமைதி உண்டாகட்டும் எல்லோரும் எதிலும் முழுமை பெறட்டும் எல்லோருக்கும் எல்லா வளங்களும் உண்டாகட்டும்*