உலகிலேயே மிகச் சிறந்த மணி எது தெரியுமா?

கோயில் என்று சிறப்புப் பெயர் பெற்ற சிதம்பரத்தில் உள்ள ஆலயமணியே உலகில் உள்ள மிகச் சிறந்த மணியாகும். 
சிகண்டி பூரணம் என்று சித்தர்களால் அழைக்கப்படும் இந்த மணியிலிருந்து எழும் தெய்வீக ஒலி எளிதில் நம்மை ஆழ்நிலை தியானத்தில் ஆழ்த்தி விடும் தன்மை உடையது.   தியானத்தில் முன்னேற்றம் அடைய விரும்புபவர்கள் இந்த சிகண்டி பூரண மணி ஓசையைத் தொடர்ந்து கேட்டுக் கொண்டிருத்தல் நலம்
 வள்ளலார் பெருமானுக்கு அருள் வழங்கி அனுகிரகம் அளித்த மணியே தில்லை சிதம்பர தலத்தில் விளங்கும் சிகண்டி பூர்ணம் என்ற ஆலய மணியாகும்.   உலகிலேயே சிறந்த ஆலய மணி, இதற்கு இணையான மணி உலகத்தில் வேறெங்கும் கிடையாது.
சீவனைச் சிவமாக்கும் ஒப்பற்ற இறைச் சக்தியுடன் பூரிக்கும் மணியே சிகண்டி பூர்ணமாகும்.   இதன் மகத்துவத்தை வார்த்தைகளால் வர்ணிக்க இயலாது. அவரவர் ஆன்ம அனுபவத்தால் மட்டுமே உணர முடியும். 
நீங்கள் கேட்டுக் கொண்டிருப்பது
சிதம்பரம் ஸ்ரீநடராஜர்
சன்னதியில் ஒலிக்கும்
உலகிலேயே மிகச் சிறந்த ஆலயமணி சிகண்டி பூரணத்தின் ஓசையாகும்.
59 நொடி ஒலிக்கும் இந்த
சிகண்டி பூரண மணி சத்தத்தைக் (தேவகானத்தைக்) கேட்டால் உங்கள் ஆயுளில்12 விநாடிகள் அதிகமாகும்.
Advertisements

விலங்கியல் விசித்திரங்கள்

சிறுத்தையால் சிங்கத்தைப் போல் கர்ஜிக்க முடியாது.  பூனையைப் போல மியாவ் என்ற ஓசையைத் தான் எழுப்பும்.

ஒட்டகப்பறவை என்று நெருப்புக்கோழி அழைக்கப்படுகிறது.  ஒட்டகத்தைப் போல பல நாட்கள் தண்ணீர் குடிக்காமலேயே வாழக்கூடியது என்பதால் அதற்கு இந்தப் பெயர்.

எறும்புகள் மண்ணில் அழகான மணல் மெத்தைக்களை உருவாக்கி மல்லாந்த நிலையில் உடலோடு கால்களை ஒட்டிவைத்து ஒய்யாரமாய் உறங்கும்.  சுறுசுறுப்பான எறும்புகள் சுமார் 3 மணி நேரம் ஓய்வெடுக்கும்.  

உலகிலேயே மிக்ச் சிறிய பாலூட்டி தாய்லாந்தில் காணப்படும் பம்பிள்பீ என்ற வவ்வால் இனமாகும்.

நீலத்திமிங்கலம்   எழுப்பும் ஒருவித விசில் ஒலி 188 டெசிபல்கள் விலங்குகள் எழுப்பும் ஒலிகளிலேயே மிகவும் பலமானதாகும்.

யானைக்குட்டி 6 மாதங்கள் வரை தாய்ப்பாலை மட்டுமே குடிக்கிறது.  யானைக்கு 4 பற்கள் உள்ளன.  இவை சுமார் நூறு தடவை விழுந்து முளைக்கின்றன.

ஆஹா தகவல்

ராஜா தேசிங்கு ஆற்காடு நவாபுக்கு கப்பம் கட்ட மறுத்ததால் செஞ்சி அருகே போர் நடந்தது.  நவாபின் படையில் 85000 குதிரைப்படை வீர்ர்கள் தேசிங்கடமோ 350 குதிரைப்படை வீர்ர்களே இருந்தனர்.  ஆனாலும் வீரமாகப் போரிட்ட ராஜா தேசிங்கு வீர மரணம் அடைந்தார்.    அப்போது அவர் வயது 22 தான்  அவரது இளம் மனைவி ராணிபாய் கணவருடன் உடன்கட்டை ஏறியது கண்டு நவாப் அசந்து வியந்தான். ஆற்காடு அருகில் அவளது  நினைவாக ஒரு ஊரையே உருவாக்கினான்  அது தான் ராணிப்பேட்டை.

ஒரு முறை புத்தரிடம் கேட்டார்கள்  தியானம் செய்து நீங்கள் என்ன பெற்றீர்கள்?  அவர் சொன்னார் எதையும் பெறவில்லை  ஆனால் நிறைய இழந்திருக்கிறேன் கோபம் பதற்றம்  மரணபயம் பொறாமை இப்படி நிறைய…..

புகழ்வாய்ந்த மோனலிசா ஓவியத்தில் உள்ள மோனலிசாவிற்கு கண் புருவங்கள் கிடையாது  மறுமலர்ச்சி காலத்தில் புருவங்களை மழிப்பது நாகரிகமாக் கருதப்பட்ட்து

நாம் சூரியகாந்திப் பூ என்று அழைப்பது ஒற்றைப் பூவை அல்ல இரண்டாயிரம் சிறு பூக்கள் சேர்ந்து ஒரே சூய்யகாந்திப் பூவாக காட்சியளிப்பவற்றை.   உக்ரைன் நாட்டின் தேசியமலர் சூரியகாந்தி

மின்மினிப் பூச்சி லூசி ஃபெரின் என்ற ரசயனப் பொருளைச் சுரக்கிறது. அது ஒளிவீசுவதற்கு இந்த ரசாயனமே காரணம் மின்மினிப்பூச்சிகல் மிக பிரகாசமாக ஒளி வீசினால் மறு நாள் கடுமையான வெயில் இருக்குமாம்.

ஹோமா என்ற வானப்பறவை பூமியில் வந்து அமராது  வானத்திலேயே வட்டமிட்டு வாழ்க்கை நடத்தும். இதன் முட்டை வானத்திலிருந்து தரையில் வந்து விழுவதற்குள் குஞ்சுகள் வெளிக்கிளம்பி மீண்டும் வானத்தில் சிறகடிக்கும்.

சூட்டி டேன் என்ற கடல் பறவை தொடர்ந்து மூன்று நான்கு ஆண்டுகள் வரை பறந்துகொண்டேயிருக்கும் திறன் பெற்றதாம்.

 

தஞ்சை பெரிய கோவில்

சமீபத்திய தஞ்சை பயணத்தின் போது, பொறியாளர்    ஒருவர் மூலம் நாம் பெற்ற, தஞ்சை பெரியகோவில்   கட்டுமானம் பற்றிய ஒரு தகவல்..  கோபுர உச்சியை உற்று நோக்குங்கள்..  கோபுரஉச்சியை நன்கு உற்று நோக்குங்கள்.  பிரம்மாந்திர கல் எனப்படும் ஸ்தூபிக்கல்.

இது ஒரு கல்லோ,  அல்லது பல கற்களின் சேர்க்கையோ இதன் எடை 80 டன்.. இந்த பிம்மாந்திர  கல்லை தாங்கும் அந்த சதுரவடிவக் கல்லை நோக்குங்கள்.. அந்த கல்லும் 80 டன்.. அந்த சதுரக்   கல்லின் மேல் பக்கத்திற்கு இரண்டு நந்தியாக மொத்தம்  எட்டு நந்தி.. ஒவ்வொறு நந்தியின் எடை 10 டன்.   ஆக, எட்டு நந்தியின் எடை மொத்த எடை 80 டன்..  இந்த மூன்றும்தான் பெரியகோவிலின் அஸ்திவாரம்..

இது என்ன விந்தை.. அஸ்திவாரம் அடியில்தானே இருக்கும்.. தலைகீழான கூற்றாய் உள்ளதே..?  நாம் ஒரு, செங்கற்களை கொண்டு ஒரு வீடு கட்டும்போது,  கட்டிடத்தின் உயரம் 12 அடி என்றால்  4 அடிக்காவது அஸ்திவாரம் இடுவோம்..   பெரியகோவில் உயரம் 216 அடி.. முழுக்க கற்களைக்கொண்டு எழுப்பப்படும் ஒரு பிரம்மாண்ட  கற்கோவில்.. கற்களின் எடையோ மிக மிக அதிகம்..  இவ்வளவு பெரிய கோவிலுக்கு அஸ்திவாரம் எவ்வாறு  அமையும்.. குறைந்தது 50 அடி ஆழம், 50 அடி அகல   அஸ்திவாரம் வேண்டும்.. இந்த அளவு சாத்தியமே இல்லை.. 50 அடி ஆழத்தில் வெறும் தண்ணீரும்    புகை மண்டலமாகத்தான் இருக்கும்..   ஆனால் .. பெரியகோவிலின் அஸ்திவாரம் வெறும்   5 அடிதான்..   மேலும் ஒரு வியப்பு.. இது எப்படி சாத்தியம்..?

இங்குதான் நம்ம சோழ விஞ்ஞானிகளின் வியத்தகு  அறிவியல் நம்மை சிலிர்ப்படையச் செய்கிறது..  பெரியகோவில் கட்டுமானத்தை, அதாவது கற்கள்   இணைக்கப்பட்டதை.. இலகு பிணைப்பு என்கிறார்கள்.   அதாவது Loose joint என்கிறார்கள்.. அதாவது ஒவ்வொறு கல்லையும் இணைக்கும் போது,   ஒரு நூலளவு இடைவெளிவிட்டு அடுக்கினார்கள்.. எதற்க்காக..?

நமது கிராமத்தில் பயன்பட்ட கயிற்று கட்டிலை    நினைவில் கொள்ளுங்கள்.. கயிறுகளின் பினைப்பு  லூஸாகத்தான் இருக்கும்.. அதன் மேல் ஆட்கள் உட்காறும் போது, கயிறுகள் அனைத்தும் உள் வாங்கி இறுகிவிடும்.. கயிறுகளின் பிணைப்பு பலமாகிறது..  இதன் அடிப்படைதான் பெரியகோவில் கட்டுமானம் ..   லூஸாக கற்களை அடுக்கிக்கொண்டே சென்று,  அதன் உச்சியில் மிக பிரம்மாண்டமான எடையை    அழுத்தச் செய்வதன் மூலம், மொத்தகற்களும் இறுகி   மிக பலமான இணைப்பை பெறுகின்றன…  இதுதான் அந்த 240 டன் எடை கொண்ட,  ஸ்தூபி, சதுரக்கல் மற்றும் எட்டு நந்தி..  அஸ்திவாரம் கோவிலின் உச்சியில் இடம் பெற்ற   அதிசயம் இது..   எத்தனை பூகம்பம் வந்தாலும் எந்த கல்லும் அசையாது.   எத்தனை ஆயிரம் ஆண்டுகள் ஆனாலும் நிலைபெற்று   இருக்கும்..

*சூரியசந்திரர் இருக்கும் வரை இக்கோவிலும்* *இருக்கும்… என்ற நம் இராஜராஜ சோ ழ மன்னரின் நம்பிக்கை எந்த* *காலத்திலும் பொய்க்காது..*

 

படித்ததில் பிடித்தது

 

ஓம் நம சிவாய

 

அதிசய தகவல்

ஆகாச கருடன் கிழங்கு  பல லட்சம் செலவில் கட்டிய வீடுகளில் சில குறைபாடுகளை நிவர்த்தி செய்வதற்கும் கண் திருஷ்டி போக்கிடவும் பரிகாரப் பொருளாய் இக்கிழங்கு திகழ்கிறது.  இக்கிழங்கு மலைப் பகுதியில் வளரக்கூடிய கொடி இனம். இதற்கு பேய் சீத்தல் கொல்லன் கோவை என்ற பெயர்களும் உண்டு. இதை வீடுகளில் கயிற்றால் கட்டித் தொங்கவிட்டால் திருஷ்டி தோஷங்கள் எதிரிகளால் பில்லி சூன்யம் உள்ளிட்ட எதிர்வினைகளை ஈர்த்து தன்னைத்தானே அழித்துக்கொள்ளும் இதிலிருந்து வெளிப்படும் ஒரு வித மணம் பெரும்பாலும் வீட்டின் சுற்றுப்புறங்களில் பாம்புகளை அண்டவிடாது.

திருச்சி அருகேயுள்ள நெடுங்கள நாதர்  கோவிலில் ஆடி மாதம் முழுவதும் சூரிய ஒளி மூலவர் மீது படரும்.  சூரிய பகவானே நெடுங்கள நாதரை பூஜிப்பதாக ஐதீகம்.

அரச மரத்தடியில் அதிக நேரம் அமர்ந்திருந்தால் அறிவு வளருமாம்.  அறிவுத்திறன் விருத்தியடைய மூளையில் செரடோனின் என்ற வேதிப்பொருள் சுரந்துகொண்டே இருக்கவேண்டும். இந்த ரசாயனப்பொருள் அரச மரம் வெளியிடுகிற காற்றில் அதிகமாகவே உள்ளது.

நாலாறு கூடினால் பாலாறு என்பது பழமொழி   ஜவ்வாது மலையில் உற்பத்தியாகும் செய்யாறு பீமன் அருவி மிருகண்ட மலையில் இருந்து வரும் மிருகண்ட ஆறு  செண்பகத் தோப்பு அணையிலிருந்து வரும் கமண்டல ஆறு ஆகிய துணையாறுகள் இணைந்து வங்கக் கடலில் கலக்கின்றன.  அதனால்தான் நாலாறு கூடினால் பாலாறு எனும் பழமொழி வந்தது.

உலகிலேயே மிக அதிகமாக 9 நிறங்களைக் கொண்ட பறவை ஆஸ்திரேலியாவில் காணப்படும் பித்தா  [ PITHA ]

ப்ரஷ் டர்க்கி என்ற பறவையின் குஞ்சு முட்டையிலிருந்து வெளி வந்தவுடன் பறக்கத்தொடங்கிவிடும்.

உலகிலேயே பெரிய நத்தை 34 செமீ நீளமுள்ள கீஜெரோனிமா எனும் ஆப்பிரிக்க நத்தை   இந்த நத்தை கின்னஸ் புத்தகத்தில் இடம் பெற்றுள்ளது.

வட ஆப்பிரிக்காவில் உள்ள மொராக்கோ நாட்டில் மாராகெஷ் என்ற இந்து கோயில் வளாகத்தில் நுழைந்தால் சந்தனமும் ஜவ்வாதும் மணக்கிறது.  இக்கோயில் 1195 ல் கட்டப்பட்டபோது கட்டுமானப் பொருட்களுடன் 1000 டன் வாசனை திரவியங்களை கலந்துள்ளனராம். இதுவே கமகம ரகசியம்.

மிகக் குளிரான பகுதி  அண்டார்டிகா கண்டத்தில் உள்ள பிளேட்டோ ஸ்டேஷன்.  இங்கு மைனஸ் 56.7 டிகிரி செல்ஷியச் வெப்பம் நிலவுகிறது.

உலகிலேயே ரயில் பயணிக்களுக்கான மிகப் பெரிய ஓய்வு விடுதி சீனாவில் உள்ள பூஜிங் ரயில்வே ஸ்டேஷனில் உள்ளது.  இது 1959ம் ஆண்டு கட்டப்பட்டது.  இதில் ஒரே சமயத்தில் 11000 பயணிகள் தங்கி ஓய்வெடுக்கலாம்.

ஹாலிடே இன் என்ற அமெரிக்க கம்பெனி 53 நாடுகளில் 1744 ஓட்டல்களை நடத்துகிறது.  இவற்றிலுள்ள மொத்த அறைகள் 342000   ஆண்டு வருமானம் 460 டாலர்கள்>

 

அதிசய பறவைகள்

மெதுவாகப் பறக்கும் பறவை

பறவை இனங்களில் மிகவும்  மெதுவாகப் பறக்கும் தன்மை கொண்டது  மரக்கோழி எனப்படும் பறவை   இதை ஆங்கிலத்தில் வுட் காக்  [  wood cock ] என்பார்கள். அதிலும் ஆண் மரக்கோழி மற்ற பறவைகளைவிட மிக மெதுவாகப் பறக்கும். இதன் பறக்கும் வேகம் மணிக்கு 6 கிலோமீட்டர் மட்டுமே.  காடு மற்றும் வயல்வெளிகளில் உள்ள புழுக்களை இப்பறவைகள் உணவாகக் கொள்கின்றன.

பயமுறுத்தும் பறவை

பறவை இனங்களில் மக்களை பயமுறுத்தும் பறவை ஆந்தை.  காரணம் அவற்றின் உருண்டையான கண்கள். மேலும் ஆந்தையைப் பார்த்தாலே ஆபத்து வரும்  அது துரதிருஷ்டத்தின்  சின்னம் என்ற பய உணர்வு மக்களிடம் உள்ளது.  ஆனால் நிஜத்ஹ்டில் ஆந்தை மக்களுக்கு நன்மை செய்யும் பறவை. விளை நிலங்களில் தானியங்களை வேட்டையாடும் எலிகளைத் தங்கள் உணவாக ஆந்தைகள் பிடித்து உண்ணுகின்றன. இதனால் பயிர்களை சேதப்படுத்தும் எலிகளின் எண்ணிக்கை கட்டுப்படுத்தப்படுகிறது.

நீளமான அலகு உள்ள பறவை

மிக நீளமான அலகு உள்ள பறவை   ஆஸ்திரேலிய பெலிக்கன் வகை பறவையாகும்.  இப்பறவைக்கு 47 செமீ அளவு வரை அலகு உண்டு. இந்த நீளமான அலகைப் பயன்படுத்தி மீன்களை வேட்டையாடி உண்ணுகின்றன.

வாயாடிப்பறவை

பறவை இனங்களில் அதிகமாகப் பேசும் பறவை என்ற சிறப்பை  காட்டு மைனாக்கள் பெற்றுள்ளன.  இவற்றை வாயாடிப் பறவை என்றும் அழைப்பார்கள். இந்தியா இலங்கை மியான்மர்  ஆகிய நாடுகளில் காட்டு மைனாக்கள் அதிகமாக காணப்படுகின்றன. அவை மனிதர்கள் பேசுவதுபோலக் கூவும். இந்த வகைப் பறவைகள் அதிகமாக கூவிக்கொண்டே இருப்பதால் இதை அதிகமாகப் பேசும் பறவை அல்லது வாயாடிப் பறவை என்பார்கள்.

கூட்டமாக வாழும் பறவை

ஆப்பிரிக்கக் காடுகளில் உள்ள பறவை இனம் கியூலியே  இது நம் ஊர் குருவி இனம் போல் உடல் அமைப்பில் இருந்தாலும் இதன் உடல் தோற்றம் நிறம் சற்று மறுபட்டது  இதை ஆப்பிரிக்க தூக்கணாம்குருவி என்பார்கள்   இவற்றின் அலகு மற்றும் தலைப்பகுதி சிவப்பு நிறத்தில் இருக்கும்.    இவ்வகைக் குருவிகள் கூட்டமாகவே வாழும். கூட்டம் என்றால் மிகப்பெரிய எண்ணிக்கைக் கொண்ட கூட்டமாகும்.  அதாவது ஒரு கூட்டத்தில் பல லட்சம் குருவிகள் இடம் பெற்று இருக்கும். இவ்வகைக் குருவிகளின் உணவு வயல்களில் விளையும் தானியங்களாகும். இந்த குருவிக்கூட்டம் படையெடுக்கும் பகுதிகளில் உள்ள வயல்கள் முற்றிலும் அழிந்துவிடும்  இதனால் இந்தப் பறவைகள் ஆப்பிரிக்க விவசாயிகளின் விரோதிகள் என்று அழைக்கப்படுகின்றன.

 

 

நன்றி   எஸ் மேரி ரஞ்சிதம்    மங்கையர் மலர்

 

பகவானுக்குத் தெரியாம ஒரு காரியமும்  .பண்ண முடியாதுங்கறது”


(சுவாமிக்கு சமமா போற்றப்படற நம் ஆசார்யாளும் இப்படி எல்லா இடத்துலயும் நிறைஞ்சிருந்து, நடக்கற எல்லா விஷயத்தையும் பார்த்துண்டு இருந்தார்ங்கறதை நிரூபிக்கறவிதமா நடந்த சம்பவம் -பில்லி சூனிய பாட்டியும் அனுகிரஹமும்)

சொன்னவர்– பி. ராமகிருஷ்ணன்
நன்றி-குமுதம் பக்தி ஸ்பெஷல்-2015
(ஓரு பகுதி-மறுபதிவு)

சுவாமிக்கு சமமா போற்றப்படற ஆசார்யாளும் இப்படி எல்லா இடத்துலயும் நிறைஞ்சிருந்து நடக்கற எல்லா விஷயத்தையும் பார்த்துண்டு இருந்தார்ங்கறதை நிரூபிக்கறவிதமா நடந்த சம்பவம் ஒண்ணைதான் நான் இப்போ சொல்லப்போறேன்.
ஒரு சமயம் காஞ்சி மடத்துல பெரியவா, பக்தர்களுக்கு தரிசனம் குடுத்துண்டு இருந்தார். எத்தனை எத்தனையோபேர் எங்கெங்கே இருந்தெல்லாமோ வந்திருந்தா. வரிசை ரொம்ப பெரிசா இருந்தது.   வந்திருந்தவாள்ல அடிக்கடி வர்றவா, எப்போதாவது வர்றவா, புதுசா வர்றவான்னு எல்லா தரப்பும் இருந்தா. அந்தக் கூட்டத்துல சுமார் அறுபது வயசு உள்ள ஒரு பாட்டியும் இருந்தா. நெத்தி நிறைய குங்குமமும் சந்தனமும் இட்டுண்டு , தழையத் தழைய பட்டுக் கட்டிண்டு இருந்தா அந்தப் பாட்டி, பத்தாக்குறைக்க கழுத்துல ருத்ராட்சம், ஸ்படிக மாலைகளையும் போட்டுண்டு இருந்தா.

பார்க்கறவா எல்லாருக்கும் கொஞ்சம் கூடுதலாவே மதிக்கத்தோணும். அப்படி ஒரு தோற்றம் அந்தப் பாட்டிக்கு ரொம்ப பக்தி நிறைஞ்சவா, அவாகூட நாமளும் வர்றதே பாக்யம்னு நினைச்சு சந்தோஷமா வரிசைல வந்தா எல்லாரும்.   ஆச்சு, ஒருவழியா பாட்டியோட முறை வந்துது, மகாபெரியவாளை ரெண்டு கையையும் கூப்பி நமஸ்காரம் பண்ணினா அந்த மூதாட்டி.ஆசார்யா, ஆசிர்வாதம் செய்யப்போறார்னு நினைச்சதுக்கு மாறா, பக்கத்துல இருந்த சீடனை கூப்பிட்டார் பரமாசார்யா.
“மடத்து உக்ராண அறையில் இருந்து (சமையல்கட்டு) நூறு எலுமிச்சம்பழம் எடுத்துண்டு வா!’ உத்தரவிட்டார்.
அவசர அவசரமாக ஓடினார் அந்தச் சீடர். பாட்டிக்கு ஒண்ணும் புரியலை. சுத்தி இருந்தவாளுக்கோ ஆச்சரியம். “பெரியவா ஒரு எலுமிச்சம் பழம் கொடுத்தாலே அது மகாபிரசாதம். நூறு எலுமிச்சம்பழம் எடுத்துண்டு வரச் சொல்லியிருக்கார்னா, இந்தப் பெரியம்மா ஏதோ பாக்யம் பண்ணி இருக்கணும்னு!’ ஆளாளுக்கு பேசிக்க ஆரம்பிச்சா.

ஒரு கூடையில நூறு எலுமிச்சம் பழத்தை எடுத்துண்டு வேகவேகமா ஓடி வந்தார் சீடர். கூடையை அந்த மூதாட்டி பக்கத்துல வைக்கச் சொன்னார் ஆசார்யா. “இந்தா இதெல்லாம் உனக்குதான். எடுத்துண்டு போ. நீ செய்யற காரியத்துக்கு உபயோகமா இருக்கும்’     பெரியவா சொல்ல, திருதிருன்னு முழிச்சா அந்த வயதான பெண்மணி. ரொம்ப தயங்கி, “பெரியவா, என்ன சொல்றேள்னு புரியலை. எனக்கு எதுக்கு இத்தனை எலுமிச்சம்பழம்’ கேட்டா.
“அதான் காசுவாங்கிண்டு, குடும்பத்தைக் கெடுக்கறது, உறவை அழிக்கறது, ஏவல் வைக்கறதுன்னெல்லாம் எலுமிச்சம்பழத்துல மாந்திரீக வேலைகளைப் பண்ணிண்டு இருக்கியே… அதுக்கு இது உபயோகப்படும்னுதான் குடுக்கச் சொன்னேன்!’    மகாபெரியவா கொஞ்சம் கோபமான குரல்லயே சொன்னதும்தான் எல்லாருக்கும் அந்த மூதாட்டியோட மறுமுகம் என்னன்னு தெரிஞ்சுது. துஷ்டனை கண்டமாதிரி எல்லாரும் விலகி நின்னா.சட்டுன்னு பெரியவா கால்ல விழுந்த அந்தப் பாட்டி
, “என்னை மன்னிச்சுடுங்கோ… காசுக்க ஆசைப்பட்டு, யாருக்கும் தெரியாதுன்னு நினைச்சு தைரியமா அத்தனை காரியத்தையும் செஞ்சுட்டேன். கூடவே இருந்து எல்லாத்தையும் பார்த்தமாதிரி நீங்க சொன்னது பகவானுக்குத் தெரியாம ஒரு காரியமும் பண்ண முடியாதுங்கறதை எனக்கு உணர்த்திடுத்து. இனிமே எந்தக் கெட்ட காரியமும் கனவுலயும் செய்ய மாட்டேன். என்னை மன்னிச்சுடுங்கோ’ன்னு கதறினா. அவ கண்ணுல இருந்து வழிஞ்ச நீரே அவ பாவத்தைக் கழுவிடும்படிக்கு அழுதா.

கொஞ்ச நேரம் கழிச்சு, “உனக்கு தெரிஞ்ச அபிசார மந்திரத்தை எல்லாம் ஏதாவது ஒரு பசுமாட்டோட காதுல சொல்லிட்டு அதோட தலை முழிகிடு. அதெல்லாம் உனக்கு முழுசா மறந்துடும். போயிட்டு வா. இனிமேலாவது நல்லகாரியம் பண்ணு!’ன்னு சொல்லி அந்தப் பாட்டியை அனுப்பி வைச்சார், பரமாச்சார்யார்.

இப்போ, சொல்லங்கோ மகாபெரியவாளை நடமாடும் தெய்வம்னு எல்லாரும் சொல்றது சத்தியமான வார்த்தைகள்தானே!

 

 

 

பதிவுலக அன்பர்கள் அனைவருக்கும் எங்களின் தமிழ் புத்தாண்டு நல்வாழ்த்துக்கள்