சண்டையை நிறுத்தும் மருந்து

 

சுசீலாவுக்கும் அவள் கணவருக்கும் அடிக்கடி சண்டை வரும்.  ஆனால் பக்கத்து வீட்டு மாலா குடும்பத்தில் சண்டை வந்ததில்லை.  இதற்கான காரணத்தை அறிய மாலா வீட்டுக்குப் போனாள் சுசீலா.  மாலா உன் வீட்டில் சண்டை வருவதில்லையே எப்படி என்று கேட்டாள். சண்டை வந்தால் அதை நிறுத்த மருந்து இருக்கிறது. அதை சாப்பிட்டால் என் கணவர் சண்டையை நிறுத்தி விடுவார் என்றாள் மாலா.

மருந்தை அவர் சாப்பிட மறுத்தால் என்ன செய்வாய்? என்றாள் சுசீலா. எனக்குத்தான் மருந்தே தவிர அவருக்கு இல்லை என்றாள் மாலா. அப்படியா  அது என்ன அதிசய மருந்து என்ற சுசீலாவிடம் மாலா உன் கணவர் சண்டைக்கு வந்தால் இந்த மருந்தை வாயில் ஊற்றிக் கொள்  அஞ்சே நிமிஷத்தில் சண்டை நின்றுவிடும் என்று ஒரு பாட்டிலை கொடுத்தாள்.

இதற்கிடையில் சுசீலாவின் கணவர் பணிக்கு போய்விட்டு வீட்டுக்கு வந்தார். கதவு பூட்டியிருப்பது கண்டு எரிச்சல்பட்டார்.  சிறிது நேரத்தில் வந்த சுசீலா வாசலில் கணவர் கோபத்துடன் நிற்க கண்டாள். கதவைத் திறந்து வீட்டுக்குள் நுழைந்தவள் கணவருக்கு தெரியாமல் கொஞ்சம் மருந்தைக் குடித்தாள். வழக்கம்போல கணவர் திட்ட தொடங்கியும் சுசீலா வாய் திறக்கவில்லை. எதிர்த்து பேசாததால் கணவரும் சிறிது நேரத்தில் அமைதியானார்.

மருந்து பலன் அளித்ததை எண்ணி சுசீலா மகிழ்ந்தாள். மறு நாள் மாலாவிடம்  மாலா………………..சண்டையை நிறுத்தும் மருந்து எங்கு கிடைக்கும் என்று கேட்டாள் சுசீலா. அடியே அது சாதாரண தண்ணீர்தான்  அதைக் குடித்ததுமே அந்த மருந்து ஏதோ பலன் தருவதாக எண்ணி நீயே பேச்சை நிறுத்தி விட்டாய். மனம் தான் சண்டை போடச் சொல்கிறது.  யாராவது ஒருவர் விட்டுக்கொடுத்து போனால் சண்டை வராது. அதை நாம் தான் செய்வோமே என்றாள் மாலா

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s