வறட்டியின் மகத்துவம்

download-1

நம் முன்னோர்கள் ஒன்றும் மூடர்கள் அல்ல.  அந்த நாட்களில் வீட்டு சுவர்களில் ஏன் வறட்டி காய வைக்க வேண்டும்? இந்தப் பழக்கம் ஏன் வழக்கமானது? ஒவ்வொரு பதினைந்து நாட்களுக்கு ஒரு முறை வீட்டுச் சுவரின் வெளிப்புறத்தில் வறட்டி காய வைக்கும் பழக்கம் தமிழகம் முழுவதும் கிராமப்புறங்களில் காணப்பட்டதை நாம் அறிவோம்.

அதற்கு முக்கிய காரணம் வறட்டிகளால் சூழப்பட்ட சுவர்கள் வெளியில் எந்த தட்பவெப்ப நிலை  இருந்தாலும் சரியாக 28.35 0C  வெப்ப நிலையை வீட்டிற்குள் வழங்கும்   இந்த விஞ்ஞான உண்மை உங்களை திகைக்க வைக்கலாம். அப்போதெல்லாம் தடுப்பூசியோ மருந்து மாத்திரையோ தமிழகத்தில் இல்லை. காரணம் பசு வறட்டியில் உள்ளது நாட்டு மாடுகளின் சாணம் என்பது ஒரு மிக சிறந்த கிருமி நாசினி என்பது அறிவியல்.

18 மாதங்கள் நிரம்பிய ஒவ்வொரு பசுவின் சாணமும் ஆயிரம் தடுப்பூசிக்கு சமம்  அப்படியான சாணத்தை தனித்தனியாக ஒவ்வொருவர் முகத்திலும் தனித்தனியாக அடிக்க முடியாது என்பதால் வீட்டுச்சுவற்றில் அடித்து வந்தனர். இதன் மூலம் முழுமையாக சுத்திகரிக்கப்பட்ட ஒரு safe zone  ல் நம் தாத்தா பாட்டி காலம் வரை வாழ்ந்தார்கள் என்றால் நம்ப முடிகிறதா?

அதுபோல வளி மண்டலத்தில் புற ஊதா கதிர்கள் மற்றும் காஸ்மிக் கதிர்கள் இந்த நன்றாக காய்ந்த வறட்டியில் படும்போது மின்காந்த சக்தி உந்தப்பட்டு அந்த வீடே அணுக்கதிர்கள் கூட துளைக்க முடியாத ஒரு எஃகு அரணாக மாறிப்போகும். ஆனால் இதன் பலன் 15 நாட்களுக்கு மாத்திரமே   இதனாலேயே சோழர்களின் கோட்டையை ஆங்கிலேயர்களால் வீழ்த்த முடியவில்லை என்பது தனிக்கதை.220

மேலும் இம்மாதிரியான வறட்டி தட்டும் பழக்கம் கைகள் மூலமாக உடலில் ஏற்படும் கெட்ட கொழுப்புகளை அகற்றி சர்க்கரை நோயை கட்டுக்குள் இருக்க வைத்தது.  சுற்றிலும் வறட்டிகளை கொண்ட வீடுகளில்  48  நாட்கள் புழங்கி வந்தால் அலர்ஜி  கேன்சர்  இருதய கோளாறு போன்றவை சரியாகும் என சித்தர்கள் தெரிவித்துள்ளனர்.

மேலை நாட்டினர் அவற்றின் மகிமையை புரிந்துகொண்டு தான் தற்போது வறட்டியை அதிக அளவில் தங்கள் வீடுகளில் சேமித்து வைக்கின்றனர்.  வறட்டி தயாரிக்கும் முறைக்கு காப்புரிமையும் பெற்றுள்ளனர். ஆனால் நாமோ பகுத்தறிவு என்று நாம் நமது முன்னோரின் சம்பிரதாயங்களில் இருக்கும் விஞ் ஞான அறிவைப் புரிந்துகொள்ளாமல் கேலி செய்து கேவலப்படுத்துகிறோம்.

நம் முன்னோர் ஒன்றும் முட்டாள்கள் இல்லை. இப்போது நாம் பேசும் பகுத்தறிவு அவர்களின் கால் தூசுக்குக் கூட ஈடாகாது என்பது தான் உண்மை.  நம் முன்னோரின் பழக்கவழங்களை நம்மால் நடைமுறைப்படுத்த முடியாவிட்டாலும் பரவாயில்லை. அவற்றை கேலி செய்யாமல் இருந்தாலே போதும்.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s